საქართველოს მთავრობამ კოოპერატივების განვითარების კუთხით, სახელმწიფო პროგრამის  მორიგი დადგენილება დაამტკიცა.  პროგრამა რძის მწარმოებელი სასოფლო-სამეურნეო კოოპერატივების მხარდაჭერას ითვალისწინებს. მის მიზანს ქვეყანაში რძისა და რძის პროდუქტების წარმოების ხელშეწყობა, რძის გადამამუშავებელი საწარმოების ჩამოყალიბება–სტიმულირება, მსხვილფეხა პირუტყვის ჯიშობრივი გადახალისება და სოფლად მცხოვრები მოსახლეობის სოციალურ–ეკონომიკური მდგომარეობის გაუმჯობესება წარმოადგენს. პროგრამაში მონაწილეობა შეუძლია  ფერმერულ გაერთიანებას , რომელსაც მინიჭებული აქვს კოოპერატივის სტატუსი, საკუთრებაში ჰყავს პროგრამით განსაზღვრული ფურების რაოდენობა,  არ აქვს საგადასახადო დავალიანება და მის საკუთრებაშია მიწის ნაკვეთი ან შენობა–ნაგებობა, სადაც რძის გადამამუშავებელი საწარმო მოეწყობა.

საქართველოს მთავრობამ კოოპერატივების განვითარების კუთხით, სახელმწიფო პროგრამის  მორიგი დადგენილება დაამტკიცა.  პროგრამა რძის მწარმოებელი სასოფლო-სამეურნეო კოოპერატივების მხარდაჭერას ითვალისწინებს. მის მიზანს ქვეყანაში რძისა და რძის პროდუქტების წარმოების ხელშეწყობა, რძის გადამამუშავებელი საწარმოების ჩამოყალიბება–სტიმულირება, მსხვილფეხა პირუტყვის ჯიშობრივი გადახალისება და სოფლად მცხოვრები მოსახლეობის სოციალურ–ეკონომიკური მდგომარეობის გაუმჯობესება წარმოადგენს.

პროგრამაში მონაწილეობა შეუძლია  ფერმერულ გაერთიანებას , რომელსაც მინიჭებული აქვს კოოპერატივის სტატუსი, საკუთრებაში ჰყავს პროგრამით განსაზღვრული ფურების რაოდენობა,  არ აქვს საგადასახადო დავალიანება და მის საკუთრებაშია მიწის ნაკვეთი ან შენობა–ნაგებობა, სადაც რძის გადამამუშავებელი საწარმო მოეწყობა.

სახელმწიფო პროგრამის ფარგლებში კოოპერატივი  40 000–დან  60 000–მდე დოლარის  ექვივალენტის  აღჭურვილობას მიიღებს.

ოფიციალური მონაცემებით, ქვეყნის მაშტაბით ჩამოყალიბებული კოოპერატივების ყველაზე მეტი რაოდენობა სამცხე–ჯავახეთშია. 322 კოოპერატივიდან ახალციხეში 102 მათგანი ფუნქციონირებს. დღემდე არსებულ მიმრთულებებს შორის ყველაზე მეტი კოოპერატივი  რეგიონში მეფუტკრეობის მიმართულებით ფიქსირდება.