ყულაბაში დაგროვებული ფულით შეძენილი 12  ცხვრიდან 250  სულიან ფარამდე – ახალციხის მუნიციპალიტეტის სოფელ ფერსაში დამწყები ფერმერი ნოდარ ქოზაშვილი მეცხვარეობის განვითარებითაა დაკავებული. ხუთწლიანი გამოცდილების მქონე ფერმერი ცდილობს საქმიანობა გააფართოვოს და წარმატებულ ბიზნესად აქციოს. გარეთ წვიმს და ამიტომ ცხვარი უკვე სადგომშია დაბინავებული. მათ მთელი ღამის განმავლობაში ხუთი ძაღლი უდარაჯებს. ფარა, რომლის შემადგენლობაშიც ამ დროისათვის 95 დედა ცხვარი, ორი ყოჩი, 22 სული თხა, 100 ბატკანი და 18 ციკანი შედის, სოფელ ფერსის მკვიდრს ნოდარ ქოზაშვილს ეკუთვნის.

ყულაბაში დაგროვებული ფულით შეძენილი 12  ცხვრიდან 250  სულიან ფარამდე – ახალციხის მუნიციპალიტეტის სოფელ ფერსაში დამწყები ფერმერი ნოდარ ქოზაშვილი მეცხვარეობის განვითარებითაა დაკავებული. ხუთწლიანი გამოცდილების მქონე ფერმერი ცდილობს საქმიანობა გააფართოვოს და წარმატებულ ბიზნესად აქციოს.

გარეთ წვიმს და ამიტომ ცხვარი უკვე სადგომშია დაბინავებული. მათ მთელი ღამის განმავლობაში ხუთი ძაღლი უდარაჯებს. ფარა, რომლის შემადგენლობაშიც ამ დროისათვის 95 დედა ცხვარი, ორი ყოჩი, 22 სული თხა, 100 ბატკანი და 18 ციკანი შედის, სოფელ ფერსის მკვიდრს ნოდარ ქოზაშვილს ეკუთვნის. თავდაპირველად ყულაბაში დაგროვებული ფულით 12 ცხვარი შეიძინა. დღეისათვის მის ფარაში 250 სულამდე წვრილფეხა ცხოველია. დოლი ჯერ არ დასრულებულა, შესაბამისად

ბატკნებისა და ციკნების რაოდენობა ყოველდღიურად იზრდება.
ფერმერი ამბობს, რომ ყველაზე მეტი საქმე დოლიანობის პერიოდში აქვს. ახალშობილ ბატკანსა და ციკანს განსაკუთრებული ყურადღება სჭირდება.

სანამ თოვლის საფარი 20 სანტიმეტრს არ მიაღწევს, ფარა საძოვარზე ბალახობს. შესაბამისად სადგომში ყოფნა მას სხვა შინაურ პირუტყვთან შედარებით ყველაზე ნაკლებხანს უწევს. ნოდარ ქოზაშვილი ცხვრებს ძირითადად დღეში ერთჯერ, თივით კვებავს. დედა ცხვრებსა და თხებს კი მარცვლეულსაც აძლევს. შრომატევად საქმიანობაში ფერმერს ოჯახის წევრები ეხმარებიან.

ნოდარ ქოზაშვილმა საქმიანობა 5 წლის წინ დაიწყო, მიუხედავად ამისა, თვლის, რომ ჯერ ისევ დამწყები ფერმერია. შესაბამისად, პროდუქტის რეალიზაციას სისტემატიურად არ ახდენს. ამბობს, რომ მატყლს ფასი არ აქვს, ამიტომ ძირითადად თანასოფლელებს ჩუქნის. ამ ეტაპზე არც რძის პროდუქტებს აწარმოებს. ფერმერის თქმით ცხვართან შედარებით, მომგებიანი თხის მოვლაა, რადგან ბოლო პერიოდში ციკნის ფასი, მისი სიმცირიდან გამომდინარე, გაიზარდა. როგორც თავად ამბობს, ბატკნის ღირებულება არასტაბილურია და 30 – 80 ლარამდე მერყეობს. ციკანი კი 120–დან – 150 ლარამდე ღირს.

სამომავლოდ ნოდარ ქოზაშვილი მერძეული და მეხორცული ჯიშის ცხვრების მოშენებას გეგმავს. უნდა, რომ სადგომს მეორე სართული დააშენოს და ორჯერ მეტი ცხვარი იყოლიოს. ფერმერი ფიქრობს, რომ მისი საქმიანობა მოგებას მხოლოდ ამის შემდეგ მოიტანს. თუმცა იმისთვის, რომ სოფლად მცხოვრებთა შრომა დაფასდეს, პროდუქტის გასაღების ბაზარის არსებობას, აუცილებელ პირობად მიიჩნევს.