ქალაქ ახალციხის მერია, საპარლამენტო და შუალედურ არჩევნებში მონაწილე სუბიექტებს, სააგიტაციო მასალის ჩამოსახსნელად ერთკვირიან ვადას აძლევს. შესაბამისი წერილი პოლიტიკურ პარტიებსა და კანდიდატებს გადაეგზავნებათ.
ახალციხის მერის თქმით, თუ პარტიები ქალაქს პლაკატებისგან მოცემულ ვადაში არ გაწმენდენ, ზედამხედველობის სამსახური მათ ადმინისტრაციული წესით დააჯარიმებს.
შეგახსენებთ, რომ საარჩევნო სუბიექტებს, სააგიტაციო მასალის ჩამოხსნის ვადა, პირველ დეკემბერს ამოეწურათ. ახალციხის ქუჩებში, ძირითადად ,,ქართული ოცნებისა” და ,,ერთიანი ნაციონალური მოძრაობის” პლაკატებია გაკრული.
ოპოზიციურ პარტიაში ამბობენ, რომ სააგიტაციო მასალისგან ქალაქის გაწმენდას, გამოამინდების შემდეგ დაიწყებენ. ვლადიმერ ზედგინიძე კი აცხადებს, რომ პლაკატების ნაწილი ,,ქართული ოცნების” ახალგაზრდულმა ფრთამ უკვე ჩამოხსნა.
