დაბინძურებული სასმელი წყალი, უმუშევრობა, დაზიანებული ხიდი, საბავშვო ბაღის არარსებობა - ასპინძის მუნიციპალიტეტის სოფელ ოშორის მოსახლეობა ამ პრობლემების მოგვარებს ხელისუფლებისგან ითხოვს. ადგილობრივი მთავრობა კი ამბობს, რომ ოშორას პრობლემები არ აქვს და სოფელში ნორმალური ცხოვრებისთვის ყველა პირობაა შექმნილი.
ადგილობრივები სოფელში არსებულ მთავარ პრობლემად დაბინძურებულ სასმელ წყალს ასახელებენ. როგორც ოშორის მაცხოვრებლები ამბობენ, ონკანში წყალი მოდის, მაგრამ მისი სასმელად გამოყენება შეუძლებელია. პრობლემა განსაკუთრებით მწვავდება წვიმიან ამინდში. ადგილობრივების თქმით, ამ დროს სასმელი წყალი ისე იმღვრევა, რომ მას ტექნიკური დანიშნულებითაც ვეღარ იყენებენ. გარდა ამისა, როგორც ოშორაში ამბობენ, არსებული წყლით სოფლის მოსახლეობის მხოლოდ ნაწილი სარგებლობს.
,,წყალი დაბლა მოდის მხოლოდ, ჩვენ, ვინც მაღლა ვცხოვრობთ, არ გვაქვს, სატანჯველი სოფელია“ - ამბობს ოშორის მკვიდრი მიშა პაპიძე.
ოშორა იდუმალის თემში, ზღვის დონიდან 1200 მეტრზე მდებარეობს. სოფელი დაბა ასპინძიდან 8 კილომეტრით არის დაშორებული. ოშორაში, ისევე როგორც თითქმის ყველა მაღალმთიან სოფელში, უმუშევრობა ერთ-ერთი მთავარი პრობლემაა. ადგილობრივების თქმით, სამუშაო ადგილების არარსებობის გამო ახალგაზრდების დიდი ნაწილი სოფლიდან მიდის.
ოშორაში 150-მდე ოჯახი ცხოვრობს. სოფელში ფუნქციონირებს სკოლა, თუმცა არ არის საბავშვო ბაღი. მოსახლეობის ნაწილს ბავშვები ასპინძის ბაღში დაჰყავს. თუმცა ამბობენ, რომ ამის შესაძლებლობა ყველას არ აქვს. ადგილობრივები ხელისუფლებას სკოლამდელი აღზრდის დაწესებულების აშენებას სთხოვენ.
„ვისაც საშუალება აქვს, ბავშვი ბაღში ასპინძაში დაჰყავს. ვისაც არა, საერთოდ არ დადის“ - ამბობს ადგილობრივი ოთარ პაპიძე.
მოსახლეობის კიდევ ერთი პრობლემა ოშორაში არსებული ხიდია, რომელიც ერთმანეთთან სოფლის ორ უბანს აკავშირებს. ხიდის კონსტრუქცია დიდი ხანია დაზიანებულია. ადგილობრივები მის აღდგენას ყოველწლიურად ითხოვენ, თუმცა მწყობრიდან გამოსული კონსტრუქციის შეკეთება ამ დრომდე ვერ მოხერხდა.
,,ხიდი გაკეთებული რომ იყოს, ხალხს დიდი გზიდან სიარული აღარ მოუწევს და მოკლეზე ივლის. რამდენჯერმე მივმართეთ მთავრობას და გვითხრეს: ჩასმულია და გავაკეთებთო. როდის გააკეთებენ არავინ იცის“ - ამბობს ოთარ პაქსაძე.
სოფელ ოშორას რწმუნებული ამბობს, რომ აღნიშნული ხიდი გაკეთდება, თუმცა, ჯერ პრიორიტეტული სხვა მნიშვნელოვანი ხიდებია. რაც შეეხება სასმელ წყალს მამუკა გიგაშვილი აცხადებს, რომ სოფელს წყლის პრობლემა არ აქვს.
„არანაირი პრობლემა არ არის სოფელში, წყალი კამკამა მოდის“ - ამბობს სოფლის რწმუნებული მამუკა გიგაშვილი.
Mute
Current Time 0:00
/
Duration Time 1:13
Loaded: 0%
Progress: 0%
Stream TypeLIVE
Remaining Time -1:13
Playback Rate
1
Chapters
Chapters
descriptions off, selected
Descriptions
subtitles off, selected
Subtitles
captions settings, opens captions settings dialog
captions off, selected
Captions
Audio Track
This is a modal window.
Captions Settings Dialog
Beginning of dialog window. Escape will cancel and close the window.
რწმუნებული ოშორაში პრობლემების არსებობას უარყოფს, მოსახლოება კი ხელისუფლებას გაუსაძლისი ყოფის შემსუბუქებას სთხოვს.
მოცემულია საქართველოს ღია საზოგადოების ფონდისა და საქართველოს სტრატეგიის და განვითარების ცენტრის (GCSD) ფინანსური მხარდაჭერით. ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდისა და ცენტრის პოზიციას. შესაბამისად, ღია საზოგადოების ფონდი და საქართველოს სტრატეგიის და განვითარების ცენტრი არ არიან პასუხისმგებელი მასალის შინაარსზე
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.
