სამცხე-ჯავახეთში ამ უქმეებზე ტემპერატურა 0 გრადუსამდე დაეცემა
გარემოს ეროვნული სააგენტოს ინფორმაციით, ამ უქმეებზე სამცხე-ჯავახეთში უმეტესად უნალექო ამინდია მოსალოდნელი.
7 და 8 ოქტომბერს ახალციხეში დღისით მაქსიმალურ ტემპერატურას 18 და 20 და ღამით კი ორივე დღეს 7 გრადუსს უნდა ველოდოთ. ბორჯომში დღისით 15 და 21, ღამით კი 9 და 7 გრადუსს ვარაუდობენ.
ასპინძაში ტემპერატურა დღისით 17 და 20 გრადუსი იქნება, ღამით 7 და 6. ადიგენში დღისით 15 და 19, ღამით 6 და 4 გრადუსია ნავარაუდევი.
რაც შეეხება ჯავახეთს - აქ უნალექო ამინდია მოსალოდნელი. ახალქალაქში დღისით 12 და 17, ღამით 3 და 0 იქნება. ნინოწმინდაში სინოპტიკოსები დღისით 10 და 15-ს, ღამით 2 და 1 გრადუსს ვარაუდობენ.
რეგიონის კურორტებზე ცვალებადი ამინდი იქნება. აბასთუმანში დღისით მაქსიმალურ ტემპერატურა 13 და 18 გრადუსს, ხოლო ღამით 6 და 4 გრადუსს ვარაუდობენ, ბაკურიანში დღისით 9 და 15, ღამით კი 3 და 1 გრადუსს.
რაც შეეხება დედაქალაქს, თბილისშიც უნალექო ამინდია მოსალოდნელი. ტემპერატურა დღისით 20 და 21 გრადუსამდე გათბება, ღამით კი 12 და 11 გრადუსი იქნება.