Մեղվաբույծները պայքարում են տրոպիլելափսոզ հիվանդության դեմ և նշում են, որ դրա պատճառով այս տարվա մեղրի բերքը զգալիորեն պակաս կլինի նախորդ տարվա համեմատ։

Մեղվաբույծների ասոցիացիայի վարչության նախագահը հայտնում է, որ խնդրի կապակցությամբ ստեղծվել է արագ արձագանքման աշխատանքային խումբ, որը կառավարական մարմինների հետ համատեղ աշխատում է հիվանդության դեմ պայքարի մեթոդների մշակման ուղղությամբ։

Վրաստանի մեղվաբույծների ասոցիացիայի անասնաբուժական հանձնաժողովի ղեկավարը նշում է, որ նրանք արդեն մի քանի ամիս է, ինչ կապի մեջ են պատկան մարմինների հետ, սակայն քայլեր ձեռնարկվել են ուշացումով, ինչի արդյունքում Արևմտյան Վրաստանում արդեն ոչնչացվել են մեղվաընտանիքներ։

Արևմտյան Վրաստանում մեղվաընտանիքները ոչնչացնում է տրոպիլելափս կոչվող մակաբույծը։ Այս մակաբույծն արագորեն տարածվում է և առաջացնում մեղվաընտանիքների թուլացում և ոչնչացում։ Մեղվաբույծների խոսքով՝ հիվանդությունը Վրաստանում առաջին անգամ արձանագրվել է 2023 թվականին և արդեն հասցրել է զգալի վնաս հասցնել։

«Հայտնվում են նոր հիվանդություններ, օրինակ՝ տրոպիլելափս տիզը։ Մենք գիտենք, որ չենք կարող կանխել դրա տարածումը։ Այս հիվանդությունը շարունակելու է տարածվել, ուստի մենք պետք է սովորենք պայքարել դրա դեմ, վերահսկել այն, որպեսզի չվնասի մեղվանոցներին։

Սա համաշխարհային մասշտաբի խնդիր է։ Անցյալ տարի այն առաջին անգամ գրանցվեց Արևմտյան Վրաստանում։ Այս մակաբույծն ունի արագ բազմացման մեծ ունակություն և ավելի շատ վնաս է հասցնում մեղուներին, քան արդեն հայտնի հիվանդությունները։ Գյուղատնտեսության նախարարության հետ արդեն ստեղծվել է աշխատանքային խումբ՝ հիվանդությունը ժամանակին հայտնաբերելու և լոկալիզացնելու համար։ Կախեթիում դեռ հիվանդությունը չի հայտնաբերվել, սակայն մենք սպասում ենք, որ որոշ ժամանակ անց այն կհասնի նաև այդ շրջան, ուստի մինչ այդ պետք է սովորենք՝ ինչպես պայքարել դրա դեմ։

Արևմտյան Վրաստանում արդեն ոչնչացվել են մեղվաընտանիքներ, ինչը կազդի բերքի վրա, և ենթադրվում է, որ մեղրի գինը կբարձրանա», - նշել է Ալավերդու վանքի մեղվաբուծական տնտեսության՝ «Թափլիկացի»-ի ներկայացուցիչ Շոթա Կալանդարիշվիլին։