Ախալցիխեյում հանրային ծառայողի սեռական ոտնձգության մեջ են մեղադրում

Իրավունք

25.12.2018

Ախալցիխեի ինքնակառավարման անդամի կողմից խանութի աշխատողը սեռական ոտնձգության է ենթարկվել:

Ըստ աշխատակազմի, տղամարդը աղջիկներից խնդրում է բարձր պահարաններից իրեր փոխանցել, մինչդեռ շրջազգեստների տակից գաղթնի նկարում է: Այս գործողությունը սկզբում նկատում է աշխատողներից մեկը:

«Այդ օրը մեզանից մեկը վստահ էր, որ իսկապես նկարում է, մյուս աղջիկը նույնպես հայտարարեց , որ նախորդ օրը նույն իրավիճակում հայտնվել էր նա: Այդ պահին ևեթ պահանջեցինք լքել տարածքը և այլևս չհայտնվել այս կողմերում: Նա չպատասխանեց, անգամ չփորձեց արդարանալ: Սրանից հետո դեռևս չի եկել:» - պատմում է աշխատողներից մեկը:

Պատահածի մասին բացահայտ խոսել չեն ցանկանում: Ասում են, որ նրանք նույնիսկ հրաժարվել են դիմել իրավապահ մարմիններին:

« Խնդիրը միայն աշխատավորների հետ էր, անձնակազմին նա չի անհանգստացրել:Մենք իհարկե առաջարկեցինք զանգահարել ոստիկանություն, սակայն նրանք չցանկացան: Երիտասարդներ են, և խուսափում են նման դեպքերից » - ասում է աշխատակիցներից մեկը:
«Այս պատմությունը տեղի է ունեցել մի քանի ամիս առաջ եւ ինչու չեն արձագանքել: Շատ լավ գիտեք, որ այս հարցը միայն հոդված տեղադրելով չի սահմանափակվում »: - Տեղեկացնում է աղջիկներից մեկը:

Այդ մարդը առեւտրական կենտրոնի մշտական հաճախորդն է: Սակայն այն փաստը, որ նա տեղական կառավարության ներկայացուցիչ է, խանութում չգիտեին:

«Երբ այս դեպքը տեղի ունեցավ, սոց. կայքերում փնտրեցինք և գտանք: Այդ ժամանակ պարզվեց, որ նա պետական ծառայության անդամ է: Զարմանալին այն է, որ այսպիսի պաշտոն կրող անձնավորությունը նման բան է թույլ տալիս»:
Խանութում ասում են, որ տեսախցիկների ձայնագրությունները ամբողջությամբ ջնչված են: Սակայն մինչ այդ, անձնակազմը ստուգել էր օպերացիոն համակարգը:

« Երբ ստուգեցինք տեսանկարահանող սարքը,երևում էր, որ հաճախորդը աշխատակցին այնպիսի անկյունում է կանգնեցնում , որտեղ տեսախցիկը չի նկարահանում: Այդ պատճառով, երևում է միայն այն, թե ինչպես է մոտենում նշված հատվածին , բայց այն, որ նկարում է, չի երևում: » - պատմում է աշխատողներից մեկը: Պաշտոնյաի գյուղում նրա մասին բացահայտ խոսել չեն ցանկանում:

« Գյուղում ոչ մի աղջիկ նրա կողքը չեր նստում: Սովորաբար ձեռքերն է թափահարում, իբր պատահաբար դիպչում է ոտքերին: Յուրաքանչյուր աղջիկ գիտեր, որ նրան մոտ լինելը անցանկալի է»: Ասում է գյուղացիներից մեկը:
Հանրային ծառայողը կտրականապես ժխտում է իրեն հասցեագրված մեղադրանքները:

Մենք նրա հետ կապվնել ենք հեռախոսով: Խոսակցության սկզբում չէինք կռահում հեռախոսով էր նկարահանում արդյոք : Չնայած նա ասեց, որ իր բջջայինը նկարահանման ֆունկցիա չունի: Նրա մոտ հարց անգամ չառաջացավ, թե ինչ դրություն էր և ինչ նկարների մասին էր խոսքը:
Տեղական իշխանության ներկայացուցիչը հաստատում է, որ նա Nokia մակնիշի հեռախոս է օգտագործում:

« Ինչի համար պետք է նկարեմ: Եթե այդպիսի փաստ ունեն, ինչու չեն դիմում իրավապահ մարմինների: Ով է ասել դա, պատասխան ումից պահանջեմ : Դուք եթե ուզում եք, գրեք այդ մասին, իսկ ես կդիմեմ համապատասխան մարմինների» ,- ասում է տղամարդը, և հաստատում, որ երկար ժամանակ է, ինչ այդ խանութ չի մտել:

Կանանց իրավունքների փորձագետը աղջիկներին խորհուրդ է տալիս դիմել հատուկ մարմինների: Բաիա Պատառաիան ասում է, որ սեռական ոտնձգության այս փաստերի հեղինակը չպետք է անպատիժ մնա:

« Ցավալի է, որ իրավապահ մարմինները այս մասին տեղեկացված չեն: Չնայած, աղջիկները հիմա նույնպես կարող են դիմել հանրային պաշտպաններին և պահանջեն լուծում այս հարցին: Այսպիսի մարդիք իրավունք չունեն զբաղեցնելու որևէ պաշտոն»: - Ասում է «Սափարի» միության ղեկավարը:

Այս փուլում Վրաստանում սեռական ոտնձգության մասին օրենք չկա , և նման հանգամանքներում դատարանը ղեկավարվում է հակասահմանադրական օրենքով:

Հեղինակ:

სირუშო ანტონიანი

Երկ.

Երեք.

Չոր.

Հինգ.

Ուրբ.

Շաբ.

Կիր.