Ախալցխացի բժշկուհին դատապարտվել է ազատազրկման

Իրավունք

07.07.2023

Ախալցիխեի «Իմեդի» կլինիկայի բուժքույր՝ Մեգի Բաքրաձեի մահվան գործով այսօր՝ հուլիսի 7-ին, ձերբակալվել է նույն կլինիկայի բժշկուհի Վիոլետա Ինասարիձեն։ Դատավոր Նինո Էլեիշվիլին նրան դատապարտել է 3 տարվա ազատազրկման։ Վիոլետա Ինասարիձեի նկատմամբ հետաքննությունը հիմնված է Քրեական օրենսգրքի 370 հոդվածի վրա՝ սուտ ցուցմունք տալու վերաբերյալ։ Դատավորը կիրառել է հոդվածով նախատեսված ամենաբարձր պատիժը: Ինասարիձեի փաստաբան Բոնդո Վաթիաշվիլին պնդում է, որ դատարանը կատարել է պատվերը և անօրինական որոշում կայացրել։

«Ամբողջովին անօրինական որոշում է կայացվել, ես 100 տոկոսով վստահ եմ։ Երբեք նման տոնով չեմ արտահայտվել, բայց սա 100 տոկոսով պատվիրված էր, այլ կերպ չեմ կարող բացատրել։ Երկնքից ընկած որոշում էր, այս որոշումն անսպասելի անգամ չի կարելի կոչել։ Նման արդյունք ոչ մի կերպ հնարավոր չէր...

370 հոդվածով, կեղծ ցուցմունքների հիման վրա Նինո Էլեիշվիլին դատապարտել է 3 տարվա ազատազրկման։ Սա ամենաբացասական դատավորն է և ամենավատ համբավ ունեցողը։ Մենք կբողոքարկենք բոլոր տարբերակներով, ես կհետևեմ մինչև վերջ, նույնիսկ եթե ինձ պետք լինի հասնել Ստրասբուրգ»,- ասում է փաստաբան Բոնդո Վատիաշվիլին։

Մինչ այդ՝ դեկտեմբերին, Վիոլետա Ինասարիձեի նկատմամբ որպես խափանման միջոց էր կիրառվել 4000 լարի գրավ։ Բոնդո Վաթիաշվիլիի խոսքով՝ Վիոլետա Ինասարիձեի սպասասրահից դուրս գալու փաստը հաստատված չէ, և հետևաբար, նրա արարքում հանցագործության հետքեր չկան։

Ըստ դատախազության՝ Վիոլետա Ինասարիձեն Covid-19-ի դեմ պատվաստանյութն ընդունելուց հետո տեսել է Մեգի Բաքրաձեին կյանքին վտանգ սպառնացող վիճակում, նա պարտավոր էր անհապաղ համապատասխան բուժում ցուցաբերել, սակայն բուժքրոջը պատշաճ առաջին օգնություն չի ցուցաբերել և ոչ իրավաչափ պատճառով լքել է կլինիկայի տարածքը։

Վիոլետա Ինասարիձեն վերջին դատական նիստում հայտարարել է, որ Մեգի Բաքրաձեի դեպքի վերաբերյալ լրագրողներին կեղծ տեղեկություն է տվել կլինիկայի պահանջով, ըստ նրա, ստիպված էր հայտարարել, որ նա ներկա է եղել բուժքրոջ վատացման պահին և ժամանակին ադրենալին է ներարկել։ Ավելի ուշ նա փոխել է իր ցուցմունքը ոստիկանությունում և ասել, որ Մեգի Բաքրաձեին ադրենալին չի տվել։

2021 թվականի հուլիսի 1-ին բժիշկ Վիոլետա Ինասարիձեն ռեանիմատոլոգ Գիորգի Ապցիաուրիի հետ հեռացվել է «Իմեդի»-ից՝ կանոնադրության մի քանի կետեր խախտելու մեղադրանքով։ Նրանք երկուսն էլ դատական գործ են հարուցել կլինիկայի դեմ։

Հեղինակ:

მეცხრე არხი

Երկ.

Երեք.

Չոր.

Հինգ.

Ուրբ.

Շաբ.

Կիր.