Ֆինանսների նախարարության եկամուտների ծառայության տվյալներով՝ ընթացիկ տարվա վերջին երկու շաբաթվա տվյալներով, «Սարփի», «Նինոծմինդա», «Վալե», «Սադախլո-ավտոմոբիլային» և «Լագոդեխի» մաքսային անցակետերում կանխվել են մեծ քանակությամբ չհայտարարված սիգարետի երկրի սահմանով ապօրինի ներմուծման փորձեր:

Նրանց տվյալներով, ֆինանսների նախարարության եկամուտների ծառայության մաքսային ծառայողները ռիսկային պրոֆիլի և կասկածի հիման վրա, տարբեր երկրների քաղաքացիների ֆիզիկական անձանց, ինչպես նաև նրանց բեռների և նրանց վարած ավտոմեքենաների մանրամասն զննման արդյունքում հայտնաբերել են ընդհանուր առմամբ 33 180 հատ չհայտարարված ծխախոտ։

Վրաստանի մաքսային օրենսգրքի 168-րդ հոդվածի 3-րդ մասի համաձայն, խախտողները ենթարկվել են պատժի՝ ապրանքն առգրավվել է և նրանցից յուրաքանչյուրին նշանակվել է 1000 լարիի չափով տուգանք, Վրաստանի մաքսային օրենսգրքի 168-րդ հոդվածի 31-րդ մասի համաձայն, 3 խախտողներից ապրանքն ամբողջությամբ առգրավվել է և, քանի որ գործողությունը կրկնվել է, նրանցից յուրաքանչյուրին նշանակվել է 3000 լարիի չափով տուգանք, իսկ մեկ խախտողի գործը հետագա արձագանքի համար փոխանցվել է Վրաստանի ֆինանսների նախարարության քննչական ծառայությանը: