Վրաստանում բարձր լեռնային համայնքների ցանկը և լեռնային օրենքներով օգտվող շահառուների թիվը կարող է մեծանալ:
Այս մասին ազգային զարգացման խորհրդի նիստին, նոյեմբերի 26-ին քննարկվեց: Կառավարության ղեկավարի հանձնարարությամբ, կստեղծվի աշխատանքային խումբ, որը կուսումնասիրի լեռնային կարգավիճակ տրամադրելու չափանիշները: Վարչապետի խոսքերով, կգնահատվի օրենքի կողմից բերված օգուտը և կկատարվի հետագա գործողությունների ծրագիրը, այդ թվում նաև իրավապահ մարմինների տարածքի ընդլայնումը:
Այս խնդրի լուծման անհրաժեշտության մասին խոսում են Վերին Սխվիլիսիի բնակիչները: Տեղացիները մտահոգված են, որ չնայած բարձր լեռնային դիրքի և միգրացիայի, գյուղը լեռնային կոչում միևնույն է չի ստացել:

2014 թվականի տվյալներով, Վերին Սխվիլիսին ծովի մակարդակից գտնվում է 1050 մ բարձրության վրա, որտեղ բնակվում է 278 մարդ: Բնակչության հայտարարությամբ, նպաստներով օգտվելու հնարավորություն և բարձր լեռնային ստատուս տրվել է հարևանությամբ գտնվող գյուղ Սխվիլիսիին, որը ծովի մակերևույթից 1020 մետր բարձրությամբ է գտնվում և որտեղ ապրում է 1033 մարդ:

Վերին Սխվիլիսիի բնակիչ Լամարա Ղոնղաձեն ցավում է, որ դեռևս լեռնային գյուղի կոչում չունեն:

« Սիրտս ցավում է: Իմ կողքում բնակվող թոշակառուն ստանում է 216 լարի, իսկ ես 180: Այն ինչ մեր գյուղը ավելի բարձր է գտնվում: Գյուղում ոչ մի հնարավորություն չունենք, երեխաները կամ Ներքին Սխվիլիսի կամ էլ քաղաքի դպրոցներն են հաճախում: Ոչ մանկապարտեզ, ոչ էլ խանութ չունենք»:

Քաղաք Ախալցիխեի Սխվիլիսի գյուղի մի մասը համարվում է լեռնային, իսկ մի մասը ոչ: Բնակչությունը գյուղի բաժանման և անհավասար իրավունքներ շնորհելուց դժգոհում է: Տեղացիների համար անհասկանալի է, թե ինչ չափանիշով են բաժանել գյուղը:

«Ասում են, որ էմիգրանտներ շատ ունեն և գյուղացիները դժվարանում են: Մեծ գյուղ է և բնակչության կեսը տեղում չեն: Բայց էմիգրանտներ մենք էլ ունենք: Գրեթե բոլոր ընտանիքներից գնացել են, իմ տղաները նույնպես: Նրանք դպրոց և մանկապարտեզ ունեն, ոռոգման խնդիր չունեն և ավելի լավ են ապրում, քան մենք:» - Պատմում է Լամարա Ղոնղաձեն:

Վրաստանի կառավարության նախաձեռնությամբ, լեռնային ստատուսի շնորհումը նշանակալի է, քանի որ բնակչության վերադարձը օրենքի հիմնական նպատակն է:

Մամուկա Բախտաձեն նաեւ նշել է լեռնային գյուղերի խնդիրների նկատմամբ ավելի մեծ ուշադրություն դարձնելու անհրաժեշտությունը:

Գյուղերի բարձր լեռնային օրենքի սկզբնական գործունեությունից մինչեւ այսօր 1730 բնակավայրի տրվել է լեռնային ապրելավայրի կարգավիճակ, որտեղ բնակվող 243 000 քաղաքացի օգտվում է օրենքով նախատեսված բոլոր առավելություններից:

2017 թվականի ընթացքում լեռնային շրջանի բնակիչներին տրվել է 66 միլիոն լարիի սահմաններում ֆինանսական օգնություն, որպեսզի գյուղացիների վիճակը բարելավվի և գյուղում կյանքը պահպանվի: