Սուրբ Սարգիսը երազում երկրորդ կեսին տեսնելու հնագույն ավանդույթն է:

24-ամյա Արևիկ Մարտիրոսյանը այն երիտասարդներից մեկն է, ով հայկական ավանդույթի բոլոր պահանջներն իրականցնելով, երազում տեսել է իր ապագա ամուսնուն:

Ավանդույթի համաձայն, Ս. Սարգսի տոնին նախորդող գիշերը երիտասարդներն աղի բլիթ են ուտում, որի հետ կապում են իրենց փեսացուի կամ հարսնացուի երազահայտնությունը:

Ըստ Արևիկի, եթե երազում անրա դեմքը հստակ չի երևում, ուրեմն դեռ վաղ է մտածել ամուսնանալու մասին: Երիտասարդ աղջիկը դարձել է այն մարդու կինը, ում երկու տարի առաջ, Սուրբ Սարգիս տոնին, երազում էր տեսել:

«Աղի բլիթ առաջին անգամ կերել եմ երկու տարի առաջ:Երազում մի երիտասարդ տղայի տեսա, ճիշտ է, նա ինձ ջուր չի տվել: Նա ինձ ուղակի նկարել է: Տարօրինակ տղա էր, մինչ օրս հիշում եմ այդ երազը: Չգիտեմ ինչու, չէի հավատում այս ամենին, սակայն շտապում եմ ասել, որ ես նրան իսկապես հանդիպել եմ»,- ասում է Փոքր Գոնդուրայի բնակիչ Արևիկ Մարտիրոսյանը:

Այդ օրվա հիշատակելի սովորություններից է փոխինդով մատուցարանը դնել տան տանիքին կամ պատշգամբին և սպասել, որ Սուրբ Սարգսի ձիու պայտը կդրոշմի փոխինդի վրա: Հայ համայնքը այս տոնին աղի բլիթ է թխում, սակայն հոգևոր տեսչությունը սա համարում է ժողովրդական ավանդույթ: Հացի խմորը աղի պետք է լինի, այն կլոր կտրում են և այդպես եփում: Աղի բլիթները տանում են եկեղեցի, օրհնության կարգից հետո հայրը բլիթները բաժանում է ներկա երիտասարդներին, ովքեր այն ուտում են քնելուց առաջ:

Ըստ տեղացիների, Սուրբ Սարգիսը նրանց մոտ գալիս է երկուշաբթի, մնում է մինչև շաբաթ, ապա հեռանում:Այդ օրերին նրանք սպասում են տեշումների, ձյան տեսքով, և մեծ ուշադրություն են դարձնում իրենց տեսած երազներին:

Սուրբ Սարգիս տոնը հայ ազգի համար կրոնական և ժողովրդաճան տոն է համարվում:
Հետևաբար Ս. Սարգիս Զորավարի տոնը ընդունված է նշել ոչ միայն եկեղեցական ծեսով, աղոթքով, այլև ժողովրդական սովորույթներով, որը մեզանում նվիրական ավանդություն է: Սուրբ Սարգիսը իր որդու հետ օգնում էր մարդկանց:Ս. Սարգիս զորավարը երիտասարդների արագահաս բարեխոսն է: Նրա միջնորդությամբ հրաշքներ են տեղի ունենում: Այդ օրը երիտասարդներն դիմում են սրբին, որ իրենց աղոթքները հասցնի առ Աստված:

Հայ ազգությունը բազում տարիների ընթացքում չի մոռացել այս ավանդույթը: Տարեց տարի ավելանում է տոնին մասնակցող երիտասարդների թվաքանակը:

«Այս տոնին մեզ մոտ հիմնականում եկեղեցի գալիս են երիտասարդները, երազահայտնության մասին մենք չենք խոսում, բայցևայնպես, չենք արգելում նրանց հուսալ և հավատալ: Սա ժողովրդի սիրած տոներից մեկն է, ուստի նրանք ցանկանում են բերել աղի բլիթները եկեղեցի: Մենք այն ընդունում ենք, որպես պահքի վերջին օրվա սնունդ: Եկեղեցին բոլորին շնորհավորում է, այս տոնի կապակծությամբ»,- ասում է Հակոբ Աբեղա Սահակյանը:



Հայ Առաքելական եկեղեցու տոնացույցում Սուրբ Սարգսի տոնը դասվում է շարժական տոների շարքին` ունի 35-օրվա տեղաշարժ: Այս տարի տոնը նշվելու է փետրվարի 4-ին: Տոնի օրը Ս.Սարգիս Զորավարի անունը կրող եկեղեցիներում մատուցվում է Ս. Պատարագ, որից հետո կատարվում երիտասարդների օրհնության կարգ:

Նշվում է Սուրբ Զատկից 63 օր առաջ՝ սովորաբար հունվարի 18-ի և փետրվարի 23-ի միջակայքում՝ շաբաթ օրը։ Սուրբ Սարգիս զորավարը համարվում է երիտասարդ զույգերի և սիրահարների բարեխոսը։

Այս տարի հայ առաքելական եկեղեցին Սուրբ Սարգիս տոնը կնշի փետրվարի 11ից մինչև փետրվարի 15-ը: