Ախալցիխեի բերդը ամեն տարի այցելում են հազարավոր զբոսաշրջիկներ: Հատկապես հաճախակի է հետխորհրդային երկրներից այցելուների թիվը:

Ախալցխայի բերդի ուղեցույցները զբոսաշրջիկներին տրամադրում են տեղեկատվություն երկրի եւ տարածաղրջանի վերաբերյալ, չնայած ցավում են, որ ոչ լիարժեք իրազեկության պատճառով, գրեթե բոլոր պատմությունները ստիպված են պատմել սկզբից: Բերդում աշխատող 12 ուղեցույցների փորձը ցույց է տալիս, որ Վրաստանում զբոսաշրջիկների մեծ մասը գալիս է հետխորհրդային երկրներից:

«Մեզ մոտ հիմնականում հետխորհրդային այցելուներ են, ռուսական «գուգլ»-ից վերցրած տեղեկություններով մեզ մոտ գալիս են հիմնականում Ռուսաստանից, Ուկրաինայից, Բելարուսիայից և Հայաստանից: Ղազախստանից էլ գալիս են մեծ թվով զբոսաշրջիկներ: Ռուսական աղբյուրներից ստացվող տեղեկատվությունը աղավաղված է եւ սխալ»,- ասում է Ախալցիխեի բերդի ուղեցույց Գիորգի Բերիձեն:

Այս աշխատանքով Գիորգին հետաքրքրվել էր մոտ 6 տարի առաջ: Այժմ նա վրացական ուղեցույցների ասոցիացիայի անդամ է եւ հանդիսանում է Տաո-Կլարջեթիի եւ Հարավային Վրաստանի տուրիստական ընկերությունների ներկայացուցիչ: Նրա ուղղությունները գիտական տուրիզմն է: Նրա կարծիքով տուրիզմը այն ոլորտն է, որը անցյալը, ներկան և ապագան միացնում է միմյանց:

«Եթե զբոսաշրջիկը Հայաստանի ազդեցության տակ է, ապա նրա համար հարկավոր է պատմությունը զրոյից սկսել: Այն պատճառով, որ հայ ուղեցույցները հիմնականում օգտվում են ռուսական աղբյուրներից: Ուղեցույցը միշտ պետք է փորձի հեռու մնալ պոլիտիկայից, սակայն միշտ չի հաջողվում խուսափել դրանից»,- ասում է ուղեցույցը:

Ըստ Գիորգիի, իրավապահ մարմինները ավելի ակտիվ պետք է լինեն ռուսական քարոզչության դեմ պայքարում:



«Ուղեցույցը քաղաքականությունից չպետք է զրուցի, բայց երբեմն ուզում ենք թե ոչ, հարկավոր է, որպեսզի մեր երկրի պատմությունը զբոսաշրջիկներին ճիշտ տրամադրենք»,- ասում է Ախալցիխեի բերդի ուղեցույց՝ Նանա Մաիսուրաձեն:

Նանան Թբիլիսիի պետական համալսարանն ավարտել է 1989 թվականից, և մինչ հիմա Ախալցիխեի բերդում աշխատում է որպես ուղեցույց: 30 տարիների ընթացքում օտար երկրի ներկայացուցիչներին վրաց պատմությունը պատմում է ռուսերեն,անգլերեն և ֆրանսերեն լեզուներով,նա փորձում է ճիշտ տեղեկություն տարածել: Ֆրանսերեն լեզուն սկստլ է ուսուցանել 4 տարի առաջ, ինտերնետի օգնությամբ, հիմա արդեն հանգիստ խոսում է ֆրանսերեն:2018 թվականին նա պատմության հետ ծանոթացրել է 400 տարբեր խմբերի:

«Դպրոցում պատմություն լավ չէին սովորեցնում, այդ իսկ պատճառով ազատ ժամանակ կարդում էի պատմական աղբյուրներ: Միշտ հետաքրքրում էր Վրաստանի պատմությունը, այն թե ով ենք մենք»,- ասում է նա:

Ի տարբերություն Հետխորհրդային երկրների, գերմանացիք տիրապետում են ճիշտ տեղեկությունների: Ուղեցույցները նրանց համար ամեն ինչ հենց սկզբից չեն բացատրում:

«Գերմանացիք գալիս են տեղեկացված:Նրանք հուշարձանների մասին որոշ տեղեկություններ միշտ ունեն: Եւվ միշտ չէ, որ այն կեղծ է»,- ասում է Ախալցիխեի բերդի վրաց-գերմանական բաժնի ուղեցույց՝ Մարեխի Նեբաձեն:

Մասնագիտությամբ գերմանական լեզվաբան՝ Մարեխի Նեբաձեն ուղեցույցի աշխատանքը սկսել է 2012 թվականից: Սովորել է Սամցխե-Ջավախքի պետական համալսարանում, որտեղ ընդունվել էր 2003 թվականին:Սակայն Գերմանիա այցելության պատճաօով ուսումը ընդհատել էր որոշ ժամանակով: 2007-ից 2010 թվականների ամբողջովին նվիրել էր գերմաներեն լեզվի ուսուցմանը: 2012 թվականից ի վեր բերդում զբոսաշրջիկներին պատմում է Վրաստանի պատմությունը:

«Հաճելի աշխատանք է և շատ նոր բաներ ես սովորում: Միշտ զարգանանում եմ, ծիծաղելի դեպքեր էլ շատ են լինում, սակայն դժվարանում եմ վերհիշել»,- ասում է նա:



Փետրվարի 21-ը ուղեցույցների միջազգային օրն է:Այս օրվա կապակցությամբ Թբիլիսիում բոլոր ուղեցույցները հանրահավաք անցկացրին, որն ուղղված էր ռուսական քարոզչության դեմ: Այս հանրահավաքին միացան նաև Ախալցիխեն և Վարձիան:Ցուցարարները պահանջում են դադարեցնել քարտեզի սխալ օգտագործումը և զբոսաշրջիկներին սխալ տեղեկության տրամադրումը: