Մայիսի 9-ին, Ախալքալաքի և Նինոծմինդայի քածաքապետարանների մոտ կազմակերպվել էր «Վրաստանի Անմահ գնդի» երթը: Բնակչությունը փողոցում հայտնվեց երկրորդ համաշխարհային պատերազմի մասնակիցների լուսանկարներով: Միաժամանակ, քաղաքացիական հատվածը ծրագրում է պայմանագրեր կնքել:

«Իմ տունը Խորհրդային միությունն է, ցանկացածի և բոլորի տունը – Ռուսաստանը, Ուկրաինան, Խորհրդային Սոցիալիստական Հանրապետությունների Միությունը ..»

«Ինչի՞ համար էին պայքարում մեր պապերը, մեծ հաղթանակի հավերժական կրակի հերոսները... Հավերժական հիշողություն Խորհրդային զինվորի.. », -սա այն երգի բառերն են, որով երթի կազմակերպիչը «Վրաստանի անմահ գնդի» քաղաքացիներին 5 քաղաքներում՝ այդ թվում Ախալքալաքում և Նինոծմինդայում հրավիրում է նշել «հաղթանակի օրը»:

Երթի նպատակն է հարգել երկրորդ համաշխարհային պատերազմում զոհված զինվորների հիշատակը:

«Մեր նպատակը հետևյալն է – Վրաստանի հասարակությունում, հատկապես երիտասարդության շրջանում, ուժեղացնել հայրենասիրական ինքնագիտակցությունը, Գնահատեն նախնիները եւ հերոսությունը, հավատը՝ տարբեր ազգերի մարդկանց միջեւ բարեկամության եւ հավասարության»,- ասում է երթի կազմակերպիչներից մեկը՝ «Եվրասիայի ինստիտուտի» նախագահ՝ Գուլբաաթ Ռցխիլաձեն:

Այն, որ «Անմահ գունդը» ծածկված է ռուսական երանգով, երևում է անգամ տրամադրվածությունից: Ռցխիլաձեն առանձնանում է հակաարևմտյան, ռուսամետ հայտարարություններով: Կարծում է, որ Վրաստանը ՆԱՏՈ-ի անդամ չպետք է դառնա և ուղղություն պետք է վերցնի դեպի «Եվրասիական միություն»: «Տեղեկության ազատության և զարգացման ինստիտուտի» հետազոտությունների համաձայն՝ «Եվրասիական միությունը» Վրաստանում հաղորդում է Կրեմլի քարոզչությունը: Հիմնականում հենվում է ռուսական աղբյուրների վրա: Այս հանգամանքը հաշվի առնելով, ռուսամետ կազմակերպությունները մայիսի 9-ին Վրաստանի Անվտանգության ծառայության կողմից ստացան պաշտոնական զգուշացում: Նամակում գրված է, որ երթի կազմակերպիչները օրենքով արգելված խորհրդային սիմվոլներ չպետք է օգտագործեն:

Ջավախքում երթ կազմակերպելու հարցում, Ռուսաստանի քարոզչության մտադրությունն անկատ չի մնացել նաև Ախալցիխեի «Մեդիա Վերլուծական կենտրոնի» տնօրենի համար: Էդուարդ Այվազյանն ասում է, որ Վրաստանի հյուսիսային հարեւանները կեղծ հայրենասիրական միջոցառումներ անցկացնելով երկրի վրա փորձում են ազդեցություն ունենալ:

«Երթը ռուսական քարոզչության մի մասն է: Մեր բնակչության համար լավ չէ նման միջոցառումներ անցկացնելը: Մայիսի 9-ը մեզ համար նույնպես հաղթանակի օր է, բայց կարող ենք այլ կերպ նշել: Միտումնավոր ընտրեթ են Ջավախքը, քանի որ կարծում են, այնտեղի բնակչությունը ռուսամետ տրամադրվածություն ունեն: Կազմակերպիչները ուզում են լարեր իրավիճակը»,- ասում է Էդուարդ Այվազյանը:

Վրաստանում «Անմահ գունդը» 2 տարի առաջ մայիսի 9-ին հայտնվեց: Սկզբում հավաքվում էին միայն Թբիլիսիում, Գորիում և Բաթումիում, սակայն այս տարի ավելի լայնածավալ միջոցառում անցկացրին, հավաքը փոխարինեցին երթով և որոշեցին ևս երկու քաղաք՝ Ախալքալաքը և Նինոծմինդան նույնպես ցանկում ավելացնել: