Ախալքալաքի երկու գյուղերում 19-րդ դարի տաճարների վերանորոգումը սկսվել է առանց աշխատանքային ծրագրի և մշակութային ժառանգության պահպանության ազգային գործակալության թույլտվության: Սա առաջին դեպքը չէ, երբ բնակչությունը առանց թույլատվության փոխում է պատմական հուշարձանի նախնական տեսքը, ինչը համարվում է օրենքի խախտում:

Ախալքալաքի գյուղ Կորխ, մշակութային ժառանգության պահպանման ազգային գործակալությունը այցելել է երկրորդ անգամ: Վերահսկման ծառայություն աշխատակից՝ Լեւան Ճավճավաձեն պտրք է փնտրի նշաններ, որը կհաստատի, որ տեղացիները աշխատանքները չեն դադարեցրել, չնայած զգուշացման և տուգանքի:

«Գործակալությունը զգուշացում է գրել, տուգանել է 5 000 լարիով, սակայն ստանում ենք ծանուցում, որ առանց թույլտվություն ստանալու սկսած աշխատանքները կրկին շարունակում են: Եթե այս տեղեկությունը հաստատվի, կտուգանեն 10 000 լարի չափով: Եթե չդադարեն, կդիմենք իրավապահ մարմիններին և հարցին լուծում կտրվի քրեական օրենսդրության օգնությամբ»,- ասում է գործակալության մամլո ծառայության ղեկավար՝ Բեքա Բառամիձեն:

Մշակութային ժառանգության գործակալության կողմից գրված զգուշացումի հիմքով, տուգանման հարցը կքննարկվի մայիսի 30-ին, Ախալքալաքի դատարանում: Գործակալությունը, Յուրի Ծառուկյանին, ով ֆինանսավորում է աշխատանքները, տուգանել է 5 000 լարիով: Տեղացիները քանդում են շինության վնասված պատերը և դրանց փոխարեն պատրաստվում են կառուցել նորը:

«Թույլատվություն ստանալու համար բնակչությունը դիմել է քաղաքապետարան, իսկ մենք մեկ շաբաթ առաջ նամակներ ուղարկեցինք մշակութային ժառանգության և կրոնական գործակալություններ»,- ասում է Ախալքալաքի քաղապետի տեղակալ՝ Արմեն Մարանգոզյանը:

Նման աշխատանքներ, բնակչության նախաձեռնությամբ սկսվել են ոչ միայն Կորխում: Ախալքալաքի գյուղ Տուրցխում, բնակչությունը սեփական միջոցներով որոշել է ամրացնել 19-րդ դարի տաճարի տանիքը: Պետական հաստատության զգուշացումից հետո մշակութային ժառանգության վերականգնումը ընդհատվեց:


Գյուղ Տուրցխի տաճարի վերականգնումը

Թե ինչու՞ են աշխատանքներ սկսել առանց գործակալությունից թուլյտվություն ստանալու – այս մասին տեղացիները զրուցել չեն ցանկանում: