Ախալքալաքի Տուրցխ և Կորխ գյուղեր ևս մեկ անգամ այցելեց մշակութային ժառանգության գործակալության ներկայացուցիչը, պատմական հուշարձանների առանց իրավունքի կատարված աշխատանքների ստուգման համար: Չնայած Լեւան Ճավճավաձեի զգուշացումների և տուգանքին՝ Կորխի տաճարը նրան էլ ավելի վնասված հանդիպեց: Հուշարձանը ամբողջությամբ կորցրել է իր սկզբնական տեսքը:

«Մեր ուսումնասիրությունները նրանք ժխտում են: Ասում է, ես մեղավոր չեմ: Հիմա ավելի շատ ապացույցներ են հարկավոր, որ իսկապես աշխատանքների նախաձեռնությունը պատկանում է Յուրի Ծառուկյանին: Աշխատանքներ անցկացնելը արգելվում է, չնայած պարտավոր է թույլատվություն ստանալ»,- 9-րդ ալիքի մոտ հայտարարում է մշակութային ժառանգության Գործակալության չարտոնված աշխատանքների արձագանքման բաժնի պետը:
Իրավախախտ անձը դատարանի կողմից դեռևս չի հաստատվել:

Գյուղ Տուրցխի բնակիչ՝ Յուրի Ծառուկյանն ասում է, որ հուշարձանի վերականգման համար թույլտվության անհրաժեշտության մասին չգիտեր:

«Եկեղեցին փլուզվում էր: Գյուղացիներով որոշեցինք մաքրման աշխատանքներ անցկացնել: Ուզում էինք ցանկապատել եկեղեցին, որովհետև այն գտնվում է վատթարային իրավիճակում»,- ասում է գյուղացին:

Մշակութային ժառանգության պահպանության ազգային գործակալությունը, Սբ. Ստեփանե եկեղեցում անցկացված աշխատանքները գնահատում է որպես վանդալիզմ: Վնասված պատերի քանդել և նորը կառուցել սկսվել է մեկ ամիս առաջ, սակայն գործակալությանը ընթացքը դադարեցնել չի հաջողվել:

Առաջին փուլում մշակութային ժառանգության պահպանման գործակալության վերահսկողության ծառայության ազգային բաժինը մայիսի 10-ին, գրավոր զգուշացում արեց Յուրի Ծառուկյանին: Նա պետք է ամրացներ փորած մասերը և ստանար աշխատանքների թույլտվություն:

9-րդ ալիքի հետ զրույցում Յուրի Ծառուկյանն ասում է, որ զգուշացման նամակ չի ստացել:
Եթե աշխատանքները կրկին շարունակվեն, ապա գործակալությունը գործը կհանձնի իրավապահներին:

«Հիմա միայն մաքրման աշխատանքներ են ընթանում, քանի որ քարեր են թափված և վտանգ է հանդիսանում բնակչության համար»,- ասում է Յուրի Ծառուկյանը:

Եկեղեցու կառուցման թույլտվություն ստանալու համար պահանջվում է հուշարձանի սեփականատիրոջ թույլտվությունը, գույքի կառավարման գործակալության համաձայնությունը եւ մշակութային ժառանգության պահպանության ազգային գործակալության թույլտվությունը: