«Մարդու իրավունքների պաշտպանության գործընկերություն» (PHR) ոչ կառավարական կազմակերպությունը հայտարարում է, որ ՄԱԿ-ի մանկական իրավունքների կոմիտեն Նինոծմինդայի մանկատան գործով Վրաստանին խախտում է արձանագրել: Որոշումը կայացվել է հունիսի 27-ին:

«Կոմիտեն պարզել է, որ Վրաստանը բռնությունից և վիրավորանքներից չի պաշտպանել Նինոծմինդայի Սուրբ Նինոյի անվան մանկատանը տեղավորված երեխաներին, որոնցից ոմանք ունեն սահմանափակ կարողություններ, և այդպիսով խախտել է մանկական իրավունքների կոնվենցիայի պարտավորությունները», - ասված է կազմակերպության հայտարարության մեջ:

Կոմիտեն որոշումը կայացրել է Սուրբ Նինոյի անվան մանկատանը բնակվող 57 երեխայի անունից ներկայացված բողոքի հիման վրա:
Տարիներ շարունակ հանրային պաշտպանը խոսել է պատրիարքության ենթակայության տակ գտնվող մանկատան պատերի հետևում ենթադրյալ բռնության դեպքերի մասին և պահանջել է մուտք գործել հաստատություն, ինչը Տեր Սպիրիդոնը թույլ չէր տալիս:

Հաշվետվությունների համաձայն, երեխաների միջև հաճախակի են տեղի ունեցել հոգեբանական և ֆիզիկական բռնություններ, բուլինգ, ինչպես նաև խնամակալների կողմից ֆիզիկական պատժամիջոցներ, ինչպիսիք են պատժի ենթարկելը, առանց սննդի թողնելը և այլն: