Ականատեսի վկայությամբ` Կիևը զրկված է էլեկտրականությունից, ջրից, բջջային կապից ու ինտերնետից, փակ են մթերային խանութները։ Քաղաքում տագնապի ազդանշան է հնչում։
Ուկրաինայի դեմ հատուկ գործողության մասին ՌԴ նախագահ Վլադիմիր Պուտինի հայտարարությունից հետո Ուկրաինայի մայրաքաղաք Կիևում խցանումներ են առաջացել։ Ուկրաինական լրատվամիջոցները հայտնում են, որ քաղաքից դուրս եկող ավտոճանապարհները խիստ ծանրաբեռնված են, մարդիկ շտապում են լքել քաղաքը։

Կիևից ՌԻԱ Նովոստիի հրապարակած տեսանյութում լսվում է տագնապի ձայնային ազդանշանը։
Սոցցանցերը նմանատիպ կադրեր են հրապարակում Ուկրաինայի այլ քաղաքներից։ Գրում են, որ Կիևում խուճապ է տիրում, ոչ ոք չի հասկանում, թե ինչ է կատարվում։

«Կատարյալ անորոշություն է, սոցիալական ցանցերում քաոս է, մենք չենք հասկանում՝ կենտրոնանալ պաշտոնական ելույթների վրա, թե սոցիալական ցանցերի»,- Ուկրաինայում տիրող իրավիճակը ՌԻԱ Նովոստիի հետ զրույցում այսպես է ներկայացրել ականատեսը։

Նրա խոսքով` այժմ Կիևը զրկված է էլեկտրականությունից, ջրից, բջջային կապից ու ինտերնետից, փակ են մթերային խանութները։ Քաղաքում տագնապի ազդանշան է հնչում։ Մեքենաների մեծ հոսք է շարժվում Կիևից դեպի արևմտյան և հարավային ելքեր։

Սոցցանցերը նմանատիպ կադրեր են հրապարակում նաև Ուկրաինայի այլ քաղաքներից։

Հիշեցնենք` փետրվարի 19-ին ԼԺՀ-ի և ԴԺՀ-ի առաջնորդները համընդհանուր զորահավաքի հրամանագրեր ստորագրեցին ապա դիմեցին ՌԴ-ին՝ ճանաչման խնդրանքով։

Ռուսաստանի նախագահ Վլադիմիր Պուտինը փետրվարի 21-ին դիմեց ռուսաստանցիներին և հայտարարեց ԼԺՀ-ի և ԴԺՀ-ի ինքնիշխանությունը ճանաչելու իր որոշման մասին:

Նա հայտարարեց, որ Արևմուտքը շանտաժի է ենթարկում Ռուսաստանին՝ սպառնալով պատժամիջոցներով, սակայն դրանց համար առիթ միշտ էլ կգտնվի կամ կհնարվի։

Կոչից անմիջապես հետո ՌԴ նախագահը Կրեմլում ստորագրեց ԼԺՀ-ի և ԴԺՀ-ի ճանաչման մասին հրամանագրերը։

Փետրվարի 22–ի ուշ երեկոյան ԱՄՆ նախագահ Ջո Բայդենը խոսեց այն պատժամիջոցների մասին, որոնք ստեղծված իրավիճակում կսահմանվեն Ռուսաստանի նկատմամբ։

Վլադիմիր Պուտինը փետրվարի 24–ին հայտարարեց, որ որոշում է կայացրել Դոնբասում հատուկ ռազմական գործողության մասին։