Շրջակա միջավայրի ազգային գործակալությունը տեղեկատվություն է հրապարակում Վրաստանում սպասվող եղանակի մասին։

Գործակալության տվյալներով՝ Վրաստանում մարտի 26-ից մինչև մարտի 27-ի առավոտ սպասվում է անձրև, ուժեղ քամի՝ արևմտյան Վրաստանի որոշ շրջաններում, ինչպես նաև քամի արևմտյան ուղղությամբ, տեղ-տեղ՝ բարձր լեռներում առատ ձյուն և բուք։

Ծովում հնարավոր է 3-4 բալանոց փոթորիկ։

Շրջակա միջավայրի ազգային գործակալության տվյալներով՝ Վրաստանի գետերի վրա սպասվող տեղումները կարող են հանգեցնել ջրի մակարդակի զգալի բարձրացման, Արևմտյան Վրաստանի փոքր գետերի վրա հեղեղումների, լեռնոտ շրջաններում սողանքների առաջացման և ակտիվացման, լեռնային շրջաններում ձնահոսքերի առաջացման։

Առատ ձյան, բքի, վատ տեսանելիության և ձնահյուսի վտանգի պատճառով ավտոճանապարհների առանձին հատվածներում հնարավոր է սահմանափակել երթևեկությունը։