Շրջակա միջավայրի ազգային գործակալությունը բնակչությանը զգուշացնում է օգոստոսի 21-22-ը Վրաստանում սպասվող ջերմաստիճանի բարձրացման մասին։

Օդի ջերմաստիճանը, ըստ կանխատեսումների, Արեւմտյան Վրաստանի հարթավայրերում կարող է գերազանցել 37-39 աստիճանը, իսկ լեռնային շրջաններում՝ 35-37 աստիճանի։ Արեւելյան Վրաստանում օդի առավելագույն ջերմաստիճանը սպասվում է 33-38 աստիճանի սահմաններում։

«Օդի սպասվող բարձր ջերմաստիճանը անտառային հրդեհների առաջացման նպաստող պայմաններից է։ (սպառնալիքի մակարդակը միջին է)»,- նշված է Շրջակա միջավայրի ազգային գործակալության տեղեկատվության մեջ։