"მეშინია კორონავირუსმა ბავშვზე არ იმოქმედოს" – ორსულების შიშები და პანდემია
01.12.2020
ქვეყანაში კორონავირუსის შემთხვევების მატების გამო, დაწესებულებების უმეტესი ნაწილი დისტანციურ მუშაობაზე გადავიდა. ქალთა კონსულტაციის ფორმატის ცვლილება ისევ მოუწიათ კლინიკებშიც. ჯანდაცვის სამინისტროს რეკომენდაციით, ორსულები სამედიცინო დაწესებულებებში მხოლოდ გადაუდებელი აუცილებლობის შემთხვევაში მიდიან, ძირითადად კი ექიმის რჩევებს დისტანციურად იღებდნენ.
22 წლის გვანცა გოგოლაძე პირველ ბავშვს ელოდება. ხუთი თვის ფეხმძიმე ამბობს, რომ ეს პერიოდი სხვაგვარად წარმოედგინა. რეალობა კი იმაზე რთული აღმოჩნდა ვიდრე მოელოდა. პანდემიის გამო ეშინია კონსულტაციებზე სიარულის, რადგან სამედიცინო დაწესებულებები კოვიდიმღებ კლინიკებად არის გადაკეთებული. შიშით ელოდება მშობიარობის დღესაც, რადგან ფიქრობს, რომ დაინფიცირების საფრთხე კლინიკებში დიდია. COVID 19–ის თავიდან არიდების მიზნით, მომავალი დედა სახლიდან გარეთ აღარ გადის. „პირველ შვილს ველოდები და მომზადებული საერთოდ არ ვარ, ძალიან მეშინია კლინიკაში მისვლის. მგონია, რომ იქ დავინფიცირდები“ – ამბობს გვანცა გოგოლაძე.
გვანცას მსგავსად, პანდემიის გამო, რთულ მდგომარეობაში არიან სხვა ფეხმძიმეები და ახალბედა დედებიც. ზოგიერთები ვირუსის გადადებისგან თავის დაცვას საცხოვრებლად სოფელში გადასვლით ცდილობენ, რადგან მიაჩნიათ, რომ ნაკლებ ხალხთან კონტაქტით საკუთარ თავსაც დაიცავენ და მუცლად მყოფ ბავშვსაც.
„მიჭირს ბავშვებთან ერთად სულ სახლში ყოფნა, სოფელში წამოვედი რადგან ვეღარ ვძლებ. რთულ სიტუაციაში მიწევს ყოფნა“ – ამბობს ცირა გოგოლაძე.
Mute
Current Time 0:00
/
Duration Time 0:00
Loaded: 0%
Progress: 0%
Stream TypeLIVE
Remaining Time -0:00
Playback Rate
1
Chapters
Chapters
descriptions off, selected
Descriptions
subtitles off, selected
Subtitles
captions settings, opens captions settings dialog
captions off, selected
Captions
Audio Track
This is a modal window.
Captions Settings Dialog
Beginning of dialog window. Escape will cancel and close the window.
ახალბედა დედები ახალშობილთან ურთიერთობის დროს პირბადეს იყნებენ, გარდა ამისა, მკაცრად იცავენ ჰიგიენურ ნორმებს. კორონაპანდემიის პერიოდი ემოციურად ყველაზე რთული მეძუძური დედებისთვის აღმოჩნდა, რადგან მათ უფრო მეტად ეშინიათ, ბუნებრივი კვების დროს საკუთარ შვილს საფრთხე არ შეუქმნან.
Mute
Current Time 0:00
/
Duration Time 0:00
Loaded: 0%
Progress: 0%
Stream TypeLIVE
Remaining Time -0:00
Playback Rate
1
Chapters
Chapters
descriptions off, selected
Descriptions
subtitles off, selected
Subtitles
captions settings, opens captions settings dialog
captions off, selected
Captions
Audio Track
This is a modal window.
Captions Settings Dialog
Beginning of dialog window. Escape will cancel and close the window.
„ორსულობაზე რთულ მდგომარეობაში ახლა აღმოვჩნდი, ბავშვი ბუნებრივ კვებაზე მყავს. მე რომ შეხვდეს, ბავშვს გადავდებ“ - ამბობს ახალბედა მშობელი.
ექვსი თვის ორსულმა მარიამ კაპანაძემ კორონავირუსი უკვე დაამარცხა. მის შემთხვევაში, ვირუსი მსუბუქი ფორმით მიმდინარეობდა, თუმცა COVID 19-ის სიმპტომებთან ერთად, მომატებულ ემოციურ ფონთან გამკლავება მოუწია.
ვირუსისგან მედიკამენტების გარეშე განიკურნა. ექიმების რეკომენდაციით, მხოლოდ დიდი რაოდენობით სითხეებს იღებდა. მარიამი ორსულებს ურჩევს, რომ არ აყვნენ პანიკას, რათა ვირუსმა მათ ფსიქოლოგიურ მდგომარეობაზე მნიშვნელოვნად არ იმოქმედოს. მისივე თქმით, მომავალი დედები ინფიცირების შემთხვევაში, COVID 19-ს, სიმშვიდის შენარჩუნებით უფრო მარტივად დაამარცხებენ. "როდესაც დადებითი იყო ტესტი ძალიან შემეშინდა, მეგონა ეს ვირუსი ბავშვზე იმოქმედებდა. ამ დროს მნიშნელოვანია სიმშვიდის შენარჩუნება. მთავარია არ ვინერვიულოთ და ამით უფრო მეტი ზიანი არ მივაყენოთ ბავშვს. როგორც ვიცი, ნაყოფს იცავს პლაცენტა, ასე, რომ არ შეგეშინდეთ"- ამბობს ორსული მარიამ კაპანაძე.
რა გავლენას ახდენს ფეხმძიმობის პერიოდში კორონავიუსი ნაყოფზე, ეს ჯერ ბოლომდე შესწავლილი არ არის. მედიკოსების თქმით, კოვიდ 19 რესპირატორული დაავადებაა, ორსულობის დროს კი ნებისმიერი ვირუსი ადრეულ ეტაპზევე საყურადღებოა. გარდა ამისა, რთულია მათი მკურნალობის პროცესიც, რადგან ამ შემთხვევაში პაციენტს ყველა პრეპარატს ვერ უნიშნავენ. ამიტომ ჯანდაცვის სექტორის წარმომადგენლები ფეხმძიმე ქალებს განსაკუთრებული ყურადღების გამოჩენას და რეგულაციების მკაცრად დაცვას ურჩევენ.
Mute
Current Time 0:00
/
Duration Time 0:00
Loaded: 0%
Progress: 0%
Stream TypeLIVE
Remaining Time -0:00
Playback Rate
1
Chapters
Chapters
descriptions off, selected
Descriptions
subtitles off, selected
Subtitles
captions settings, opens captions settings dialog
captions off, selected
Captions
Audio Track
This is a modal window.
Captions Settings Dialog
Beginning of dialog window. Escape will cancel and close the window.
დაგენილია, რომ კორონავირუსი ჰაერწვეთოვანი გზით, ძირითადად, პირდაპირი კონტაქტისას გადაეცემა, თუმცა ინფიცირება შესაძლებელია წვეთებით დაბინძურებულ ზედაპირთან შეხების დროსაც. ამიტომ მედიკოსები ფეხმძიმე ქალებსა და ახალბედა დედებს ავეჯის ზედაპირების დამუშავებას, ხელების ხშირად დაბანას, ჩვილის კვების დროს პირბადის გამოყენებასა და სახლში დარჩენას ურჩევენ. ექიმების თქმით, ერთ–ერთი ყველაზე მნიშვნელოვანი რეკომენდაცია სიმშვიდის შენარჩუნებაა, რადგან ემოციური ფონი ბევრად მეტ ზიანს აყენებს ადამიანს, ვიდრე ნებისმიერი სახის ვირუსი.
გამოცემულია საქართველოს ღია საზოგადოების ფონდისა და საქართველოს სტრატეგიის და განვითარების ცენტრის (GCSD) ფინანსური მხარდაჭერით. ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდისა და ცენტრის პოზიციას. შესაბამისად, ღია საზოგადოების ფონდი და საქართველოს სტრატეგიის და განვითარების ცენტრი არ არიან პასუხისმგებელი მასალის შინაარსზე.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.
