ახალციხის გამგებლის წარმომადგენლებს 1 ივლისიდან შტატგარეშე მოსამსახურის სტატუსი მიენიჭებათ. მათ გარდა ხელშეკრულებით აყვანილი თანამშრომლები იქნებიან გამგებლის უშუალო წარმომადგენლები. მიუხედავად ამისა, არ იცვლება თანამდებობრივი სარგოები და ფუნქციები. შესაბამისად, გამგეობის 100–კაციანი საშტატო ნუსხა 32 ადამიანით შემცირდა.

ცვლილება ეხება საკრებულოსაც. ექვსი შტატიანი და ერთი ხელშეკრულებით აყვანილი თანამშრომელი მუშაობას კვლავ იგივე სტატუსით აგრძელებს, თუმცა იცვლება მათი რანგირების საკითხი. საკრებულოს აპარატის უფროსს პირველი რანგის კატეგორია მიენიჭა.
მთავარი სპეციალისტი იურიდიულ საკითხებში მესამე რანგის პირველ კატეგორიაში გავიდა. დანარჩენი ორი მთავარი და ერთი წამყვანი სპეციალისტი მესამე რანგის მეორე კატეგორიაში, ხოლო წაყვანი სპეციალისტი საორგანიზაციო საკითხებში – მესამე კატეგორიაში.

თანამშრომელთა რანგირებასა და საშტატო ნუსხაში შეტანილი ცვლილებები, რომელიც "საჯარო სამსახურის შესახებ" კანონის თანახმად, ხორციელდება, საკრებულომ ერთხმად მიიღო. რიგით მეშვიდე სხდომაზე დეპუტატებმა 6 საკითხი დაამტკიცეს.