- Error
საზოგადოება
"წაქცეული ბავშვი ხელებს სახეზე იფარებდა, ისინი წიხლებს ურტყამდნენ" - მოზარდების ჩხუბის დეტალები
16 წლის ნ.კ. ორ იანვარს მომხდარ ინციდენტზე, სამართალდამცველებმა კიდევ ერთხელ 8 იანვარს გამოკითხეს.
მოზარდი, რომელსაც ორივე ხელი მოტეხილი აქვს, მამასთან ერთად გამომძიებლების კითხვებს რამდენიმე საათის განმავლობაში პასუხობდა.
მეათე კლასელი ბიჭის ოჯახი გამოძიების შედეგებს ელის. ბებია ამბობს, რომ დანაშაული დაუსჯელი არ უნდა დარჩეს.
ბებია იხსენებს, რომ შვილიშვილმა მათთან სტუმრად მყოფი ორი კლასელი სახლში გააცილა, 10-15 წუთში მოზარდი სახლში ხელებმოტეხილი მიიყვანეს. დაშავებულმა თავდაპირველად თქვა, რომ ყინულზე დაეცა. მოგვიანებით, როცა ინციდენტის სხვა დეტალები გახდა ცნობილი გაირკვა, რომ მეათე კლასელი ბიჭი უცნობმა პირებმა სცემეს.
"სასმელი არ დაულევიათ, არც ძალიან გვიანი იყო. ეჭვი არ შეგვიტანია, რომ ვინმემ სცემა", - გვიყვება დაშავებულის ბებია.
"ეს არ იყო დაბარება და საქმის გარჩევა. ასეთ შემთხვევაში ნაცემი მოზარდების მხარესაც ბევრნი იქნებოდნენ. როგორც ჩანს, ბავშვებს შემთხვევით გადაეყარნენ მთვრალი კაცები, რომლებსაც ჩხუბისთვის მიზეზი არც უნდოდათ", - ფიქრობს ნაცემი ბავშვის პაპა.
ე.წ. "ვერიპლანის" დასახლებაში დაწყებული დაპირისპირება ქალაქის ცენტრში გაგრძელდა. დიდიმამიშვილის ქუჩაზე ნ.კ.-ს კლასელები და მათი მეგობარი სცემეს.
"დილით რომ გამოვედი, მეზობლებმა მითხრეს ღამე ჩხუბის ხმა არ გაგიგიაო? მთელი უბანი გარეთ გამოსულა. ალბათ ხმაურით ჩაიარეს ბიჭებმა" - ინციდენტის მეორე დღეს ივერიელის ქუჩაზე მცხოვრები ვენერა ირიციანი იხსენებს.
ქუჩა, სადაც დაპირისპირება დაიწყო
მომხდარის შესახებ იმ ღამესვე გამოიკითხა ახალგაზრდა, რომელიც ამბობს, რომ მხოლოდ იმიტომ სცემეს, რომ ბიძაშვილებს ახლდა და მათი კლასელი ეგონათ.
"ოთხნი პარკში ვიყავით გასულები. სიტყვის თქმა არ გვაცადეს. თქვეს ესენიც იმათი კლასელები არიანო, სიტყვიერი შეურაცხყოფა მოგვაყენეს და ცემა დაგვიწყეს. ჩემი ბიძაშვილი რომ გადმოვატრიალე, გათიშული იყო. ყბა აქვს მოტეხილი. ვიდეოთვალის ჩანაწერში კარგად ჩანს, რომ ოთხ ბიჭს ჯგუფურად გაუსწორდნენ" - ამბობს 19 წლის ბიჭი.
ფიზიკურ დაპირისპირებაში მონაწილეობას უარყოფს 19 წლის ბიჭი, თუმცა ინციდენტს დეტალურად აღწერს და ამბობს, რომ მეათე კლასის მოსწავლეები მისმა მეგობრებმა სცემეს.
"ქუჩაში იგინებოდნენ, მივიდნენ ჩვენი ბიჭები და უთხრეს ნუ იძახით ცუდ სიტყვებსო. შელაპარაკება მოუვიდათ და იჩხუბეს. ორივე მხარე ნასვამი იყო, ვერ მოზომეს. თანატოლები იყვნენ, ზრდასრული იქ არავინ ყოფილა. ჩემ მეგობრებსაც ერთი-ორი დაარტყეს, მაგრამ სერიოზული დაზიანება არ აქვთ. ჩხუბია და მოხდება ასეთი რაღაც" - ორი იანვრის ღამე პირად საუბარში გაიხსენა ახალგაზრდა მამაკაცმა.
კიდევ ერთი ახალციხელი ახალგაზრდა, რომელიც დიდიმამიშვილის ქუჩაზე გაგრძელებულ ინციდენტში მონაწილეობდა აცხადებს, რომ იქ ბიჭების გასაშველებლად მივიდა.
"მე და ჩემი ორი ძმაკაცი პარკში ვიყავით. როცა დავინახეთ რომ ჩხუბობდნენ, გასაშველებლად მივედით. 7-8 კაცი სცემდა ოთხ ბიჭს" - გვიყვება 18 წლის ბიჭი.
"ამას რამდენიმე ბიჭი ვერ იზამდა, ბევრნი იყვნენ. სხვაგან დაზიანება არსად ჰქონდა. სავარაუდოდ, წაქცეული ნიკა სახეზე ხელებს იფარებდა, ისინი კი წიხლებს თავში ურტყამდნენ და ასე მოტეხეს ხელები" - ამბობს ხელმოტეხილი ბიჭის ბებია.
შსს-მ მომხდარზე გამოძიება სისხლის სამართლის კოდექსის 126 პრიმა მუხლის ა, ბ და დ პუნქტით დაიწყო, რაც წინასწარი შეცნობით არასრულწლოვანზე განხორციელებულ ძალადობას გულისხმობს.
როგორც უწყებაში ამბობენ, მიმდინარეობს ინცინდენტში მონაწილე პირების დადგენა და გამოკითხვა. "უახლოეს დღეში დაზარალებულად იქნებიან ცნობილი და რამდენიმე პირს ბრალი წაეყენება" - ამბობენ შსს-ში.
მოზარდი, რომელსაც ორივე ხელი მოტეხილი აქვს, მამასთან ერთად გამომძიებლების კითხვებს რამდენიმე საათის განმავლობაში პასუხობდა.
მეათე კლასელი ბიჭის ოჯახი გამოძიების შედეგებს ელის. ბებია ამბობს, რომ დანაშაული დაუსჯელი არ უნდა დარჩეს.
ბებია იხსენებს, რომ შვილიშვილმა მათთან სტუმრად მყოფი ორი კლასელი სახლში გააცილა, 10-15 წუთში მოზარდი სახლში ხელებმოტეხილი მიიყვანეს. დაშავებულმა თავდაპირველად თქვა, რომ ყინულზე დაეცა. მოგვიანებით, როცა ინციდენტის სხვა დეტალები გახდა ცნობილი გაირკვა, რომ მეათე კლასელი ბიჭი უცნობმა პირებმა სცემეს.
"სასმელი არ დაულევიათ, არც ძალიან გვიანი იყო. ეჭვი არ შეგვიტანია, რომ ვინმემ სცემა", - გვიყვება დაშავებულის ბებია.
"ეს არ იყო დაბარება და საქმის გარჩევა. ასეთ შემთხვევაში ნაცემი მოზარდების მხარესაც ბევრნი იქნებოდნენ. როგორც ჩანს, ბავშვებს შემთხვევით გადაეყარნენ მთვრალი კაცები, რომლებსაც ჩხუბისთვის მიზეზი არც უნდოდათ", - ფიქრობს ნაცემი ბავშვის პაპა.
ე.წ. "ვერიპლანის" დასახლებაში დაწყებული დაპირისპირება ქალაქის ცენტრში გაგრძელდა. დიდიმამიშვილის ქუჩაზე ნ.კ.-ს კლასელები და მათი მეგობარი სცემეს.
"დილით რომ გამოვედი, მეზობლებმა მითხრეს ღამე ჩხუბის ხმა არ გაგიგიაო? მთელი უბანი გარეთ გამოსულა. ალბათ ხმაურით ჩაიარეს ბიჭებმა" - ინციდენტის მეორე დღეს ივერიელის ქუჩაზე მცხოვრები ვენერა ირიციანი იხსენებს.
ქუჩა, სადაც დაპირისპირება დაიწყო
მომხდარის შესახებ იმ ღამესვე გამოიკითხა ახალგაზრდა, რომელიც ამბობს, რომ მხოლოდ იმიტომ სცემეს, რომ ბიძაშვილებს ახლდა და მათი კლასელი ეგონათ.
"ოთხნი პარკში ვიყავით გასულები. სიტყვის თქმა არ გვაცადეს. თქვეს ესენიც იმათი კლასელები არიანო, სიტყვიერი შეურაცხყოფა მოგვაყენეს და ცემა დაგვიწყეს. ჩემი ბიძაშვილი რომ გადმოვატრიალე, გათიშული იყო. ყბა აქვს მოტეხილი. ვიდეოთვალის ჩანაწერში კარგად ჩანს, რომ ოთხ ბიჭს ჯგუფურად გაუსწორდნენ" - ამბობს 19 წლის ბიჭი.
ფიზიკურ დაპირისპირებაში მონაწილეობას უარყოფს 19 წლის ბიჭი, თუმცა ინციდენტს დეტალურად აღწერს და ამბობს, რომ მეათე კლასის მოსწავლეები მისმა მეგობრებმა სცემეს.
"ქუჩაში იგინებოდნენ, მივიდნენ ჩვენი ბიჭები და უთხრეს ნუ იძახით ცუდ სიტყვებსო. შელაპარაკება მოუვიდათ და იჩხუბეს. ორივე მხარე ნასვამი იყო, ვერ მოზომეს. თანატოლები იყვნენ, ზრდასრული იქ არავინ ყოფილა. ჩემ მეგობრებსაც ერთი-ორი დაარტყეს, მაგრამ სერიოზული დაზიანება არ აქვთ. ჩხუბია და მოხდება ასეთი რაღაც" - ორი იანვრის ღამე პირად საუბარში გაიხსენა ახალგაზრდა მამაკაცმა.
კიდევ ერთი ახალციხელი ახალგაზრდა, რომელიც დიდიმამიშვილის ქუჩაზე გაგრძელებულ ინციდენტში მონაწილეობდა აცხადებს, რომ იქ ბიჭების გასაშველებლად მივიდა.
"მე და ჩემი ორი ძმაკაცი პარკში ვიყავით. როცა დავინახეთ რომ ჩხუბობდნენ, გასაშველებლად მივედით. 7-8 კაცი სცემდა ოთხ ბიჭს" - გვიყვება 18 წლის ბიჭი.
"ამას რამდენიმე ბიჭი ვერ იზამდა, ბევრნი იყვნენ. სხვაგან დაზიანება არსად ჰქონდა. სავარაუდოდ, წაქცეული ნიკა სახეზე ხელებს იფარებდა, ისინი კი წიხლებს თავში ურტყამდნენ და ასე მოტეხეს ხელები" - ამბობს ხელმოტეხილი ბიჭის ბებია.
შსს-მ მომხდარზე გამოძიება სისხლის სამართლის კოდექსის 126 პრიმა მუხლის ა, ბ და დ პუნქტით დაიწყო, რაც წინასწარი შეცნობით არასრულწლოვანზე განხორციელებულ ძალადობას გულისხმობს.
როგორც უწყებაში ამბობენ, მიმდინარეობს ინცინდენტში მონაწილე პირების დადგენა და გამოკითხვა. "უახლოეს დღეში დაზარალებულად იქნებიან ცნობილი და რამდენიმე პირს ბრალი წაეყენება" - ამბობენ შსს-ში.
ამავე კატეგორიაში
სხვა სიახლეები
კვირის პოპულარული
ამინდის პროგნოზი
აბრეშუმის გზა
ხალხის აზრით
პარტნიორი მედიასაშუალებების მასალები
ამინდი
ახალციხე
9
°C
ახალქალაქი
7
°C
ასპინძა
7
°C
ადიგენი
15
°C
ბორჯომი
10
°C
თბილისი
16
°C
აბასთუმანი
6
°C
ბაკურიანი
5
°C
ნინოწმინდა
7
°C
ვალუტა
AMD
1000
7.1187
EUR
1
3.1202
RUB
100
3.4423
TRY
1
0.0696
USD
1
2.7315
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.
