ხვალ ახალციხის მუნიციპალიტეტის სოფელ აწყურს 11:00 საათიდან ელექტროენერგია გაეთიშება. „აწყურის ქვესადგურს, სადაც ჩვენი 3 ფიდერია განთავსებული, სარეაბილიტაციო სამუშაოები ჩაუტარდება“ – განმარტავს „ენერგო–პრო ჯორჯიას“ ახალციხის მომსახურების ცენტრის მენეჯერი ზურაბ მამუკაშვილი. შეზღუდვა შეეხება „ენერგო–პრო ჯორჯიას“ 968 აბონენტს, რომლებსაც ელექტროენერგიის მიწოდება 14:00 საათიდან აღუდგებათ. კომპანიის აბონენტებს ელექტრომომარაგება ქვეყნის მასშტაბით შეეზღუდებათ.  ხვალ სულ 17500–ზე მეტი აბონენტი გაითიშება.

დღეს ახალციხეში რეგიონული განვითარების სტრატეგიის შემუშავებაზე საბოლოოდ იმსჯელეს. სამცხე–ჯავახეთის სახელმწიფო სასწავლო უნივერსიტეტის საკონფერენციო დარბაზში გამართულ შეხვედრაზე ის პრიორიტეტები შეირჩა, რომლის მიხედვითაც რეგიონის განვითარება უნდა დაიწყოს.

  საქართველოს ფინანსთა მინისტრის ვიზიტი   ბორჯომში. ნოდარ ხადურმა  შეხვედრა  არაალკოჰოლური სასმელების მწარმოებელი კომპანიების წარმომადგენლებთან გამართა. გარდა ამისა მინისტრმა, მინერალური წყლის  „აიდიეს ბორჯომი საქართველოს” პირველი და მეორე ჩამოსასხმელი ქარხნები მოინახულა.

ენერგეტიკისა და ბუნებრივი რესურსების მინისტრი სამცხე–ჯავახეთს ესტუმრა. კახა კალაძემ „ფარავანი ჰესზე“ მიმდინარე სამშენებლო სამუშაოები დაათვალიერა და ყურადღება პროექტის მნიშვნელობაზე გაამახვილა.

„მტკვარი ჰესთან“ დაკავშირებულ პრობლემებს საქართველოს ენერგეტიკის მინისტრი შეიწავლის. კახი კალაძემ მშენებელ კომპანიას „კავკაზუს ენერჯსა“  და ასპინძის მუნიციპალიტეტის სოფელ ძველის მოსახლეობას შორის უკმაყოფილების შესახებ „ექოს“ კორესპონდენტისგან შეიტყო.

მშენებარე და შეჩერებული ჰიდროელექტროსადგურები, ინდივიდუალური გამრიცხველიანება, ელექტროენერგიის ხშირი გათიშვები – კორესპონდენტებმა ყურადღება, ძირითადად ამ თემებზე გაამახვილეს. ენერგეტიკის მინისტრის ინიციატივით შეხვედრა რეგიონულ მედიასთან ერთ საათს გაგრძელდა. კახი კალაძის განცხადებით, ინდივიდუალური გამრიცხველიანება 2015 წლამდე დასრულდება. კომპანია ,,ენერგო პრო ჯორჯიასთან“, რომელიც აღნიშნულ პროცესზეა პასუხისგებელი, მინისტრს სისტემატური მოლაპარაკებები აქვს. მისი ინფორმაციით, ინდივიდუალური მრიცხველის გარეშე, ამჟამად, 200 000-მდე აბონენტია დარჩენილი. რეგიონის კორესპონდენტებმა კითხვები ბოლო პერიოდში ქვეყანაში ელექტროენერგიის ხშირ გათიშვებზეც დასვეს. კახი კალაძე ირწმუნება, რომ წინა წლებთან შედარებით ქვეყანაში ელექტროენერგიის გათიშვის შემთხვევებმა იკლო, თუმცა მისივე თქმით, აღნიშნულს ორი მიზეზი ტექნიკური შეფერხებები და სარეაბილიტაციო სამუშაოები იწვევს. მინისტრის თქმით, მსგავსი ფაქტების აღმოსაფხვრელად ქვესადგურების განახლებაა საჭირო. ენერგეტიკის მინისტრთან შეხვედრაზე დღეს ექოს ჟურნალისტი თიკო კურტანიძეც იმყოფებოდა.

ასპინძის მუნიციპალიტეტში სასმელი წყლის სისტემის რეაბილიტაცია მიმდინარეობს. პროექტისათვის „მუნიციპალური განვითრების ფონდის”  ფარგლებში მილიონ 800 ათასი ლარია გამოყოფილი. სამუშაოებს აზერბაიჯანული სამშენებლო კომპანია „აზერი” ახორციელებს.

რეგიონული განვითარებისა და ინფრასტრუქტურის სამინისტრო ახალციხის მუნიციპალიტეტში 13 პროექტს დააფინანსებს. ტერიტორიულ ორგანოებში არსებული პრობლემებიდან  თანხა ძირითდად სასმელი წყლის სისტემის რეაბილიტაციისათვის გამოიყო. პროექტები სახელმწიფოს 200 მილიონიანი ფონდის ფარგლებში ფინანსდება.

Опубликовано 21.03.2013 ინფრასტრუქტურა, ტურიზმი, ინდუსტრია, მცირე და საშუალო ბიზნესი-ეკონომიკის განვითრების ამ და სხვა სახითხებზე დღეს სამცხე-ჯავახეთის სამხარეო ადმინისტრაციაში იმსჯელეს. 6-ვე მუნიციპალიტეტის წარმომადგენლებმა რეგიონული განვითრების სტრატეგიის შემუშვებაზე ისაუბრეს და ეკონომიკის თვალსაზრისით რეგიონში არსებული მდგომარეობა განიხილეს. სტრატეგიის შემუშვებისათვის სახელმწიფო რწმუნებულის ადმინისტრაცია, გერმანიის საერთაშორისო თანამშრომლობის საზოგადოებასთან და საქართველოს რეგიონული განვითარებისა და ინფრასტრუქტურის სამინისტროსთან ერთად იმუშვებს.

კომპანია „ნიუ ენერჯიმ“ ახალციხეში თამარაშვილის ქუჩაზე სახურავების შეკეთება დაიწყო. სპეციალისტების თქმით, თუნუქი რამდენიმე ადგილზეა დაზიანებული.“ნიუ ენერჯის“ თანამშრომლები სამუშაოს უხარსხოდ შესრულებას გამორიცხავენ და ვარაუდობენ, რომ გადასახური მასალა ქარმა დააზიანა.

სამცხე-ჯავახეთის მუნიციპალიტეტების ხელმძღვანელებს,  არსებულ პრობლემებზე პროექტის დაწერის ვადა 11 მარტამდე აქვთ. რეგიონული განვითარებისა და ინფრასტრუქტურის სამინისტროს მიერ გამოცხადებული სამოქმედო გეგმის მიხედვით ქვეყნის ყველა რეგიონისათვის 200 მილიონი ლარი გამოიყო. მის ფარგლებში ადგილობრივი თვითმმართველობის წარმომადგენლებმა სამინისტროს განსახორციელებელი პროექტები უნდა წარუდგინონ.

დემოკრატიული ჩართულობის ცენტრში,  ახალციხის მუნიციპალიტეტის  განვითარების საშუალო ვადიანი პროგრამის საჯარო მოსმენა გაიმართა. შეხვედრას ადგილობრივი ხელისუფლებისა და არასამთავრობო  ორგანიზაციების წარმომადგენლები ესწრებოდნენ. გეგმის საჯარო მოსმენაში მონაწილეობის მიღება ქალაქის ნებისმიერ მოქალაქეს შეეძლო.

საქართველოს რეგიონული განვითარების და ინფრასტრუქტურის სამინისტრო, რეგიონული  განვითარების რეფორმის მხარდაჭერის ფარგლებში, ქვეყნის მაშტაბით შეხვედრებს აგრძელებს. დღეს მინისტრის პირველმა მოადგილემ და ექვსივე მუნიციპალიტეტის წარმომადგენლებმა რეგიონის განვითარების საკითხები ახალციხის ადმინისტრაციულ შენობაში განიხილეს.

ახალციხის ყოფილი ადმინისტრაციული შენობა კვლავ მუნიციპალიტეტის კუთვნილებაშია.  ამის შესახებ ოფიციალური პასუხი მუნიციპალიტეტის გამგეობაში დღეს მიიღეს. შენობა შპს ,,ქროსვეისმა“  ერთი წლის წინ 1 ლარად შეიძინა, თუმცა ხელშეკრულებით გათვალისწინებული პირობების დარღვევის გამო, ადგილობრივმა თვითმმართველობამ იგი უკან დაიბრუნა.