31 მარტს, საქართველოს ფინანსთა სამინისტროს სსიპ შემოსავლების სამსახურში გაიმართა პრესკონფერენცია დაუბეგრავი მინიმუმის დაბრუნების პროცესის დაწყებასთან დაკავშირებით. კერძოდ, 2014 წლის 1 აპრილიდან შემოსავლების სამსახურის ვებ-გვერდზე აქტიურდება დეკლარირების სპეციალური ფორმა, რომლის შევსებითაც იწყება დაუბეგრავი მინიმუმის დაბრუნების პროცედურა.

     ახალციხის მუნიციპალიტეტში მდინარე მტკვარზე  „მტკვარი ჰესის“ მშენებლობა “თანაინვესტირების ფონდის” დაფინანსებით გაგრძელდება. ამ დროისთვის პროექტი შეჩერებულია.   როგორც ფონდში აცხადებენ, პროექტის განხორციელებით ენერგეტიკის სფეროში 100 მლნ. ამერიკული დოლარის ინვესტიცია ჩაიდება. ჰესისდადგმული სიმძლავრე 53,3 მგვტ-ი იქნება. ელექტრო ენერგიის წლიური გამომუშავება კი – 255,2 გეგავატი. სთ. მტკვარი ჰესის გარდა “თანაინვესტირების ფონდის” დაფინანსებით, საქართველოში ლენტეხისა და ცაგერის მუნიციპალიტეტებში, მდინარე ცხენიწყალზე ჰესების კასკადი აშენდება. ჰესების ჯამური დადგმული სიმძლავრე 347 მგვტ-ი იქნება, წლიური გამომუშავება 1,755 გეგავატ სთ-ს გაუტოლდება. ფონდის ინფორმაციით, პროექტის განხორციელებით ენერგეტიკის სფეროში 679 მლნ. ამერიკული დოლარის ინვესტიცია ჩაიდება. “ამ ეტაპზე დასრულებულია პროექტის სრული ტექნიკურ–ეკონომნიკური შესწავლის პროცესი და მიმდინარეობს შესაბამისი ხელშეკრულებების გაფორება. – განმარტავენ “თანაინვესტირების ფონდში”.

საბანკო სესხების ნაწილზე მომხმარებლებისთვის საპროცენტო განაკვეთი იზრდება. მომატებული პროცენტის გადახდა იმ პირებს მოუწევთ, რომლებმაც ბანკებთან მცოცავი კრედიტი გააფორმეს. ცვლილება საქართველოს ეროვული ბანკის გადაწყვეტილებამ გამოიწვია, რომლის მიხედვითაც რეფინანსირების განაკვეთი 25 საბაზისო პუნქტით გაიზარდა.

2014 წლის იანვარში გასულ წელთან შედარებით ინფლაციის დონემ საქართველოში 2,9 პროცენტი შეადგინა. სტატისტიკის ეროვნული სამსახურის მონაცემებით კურსის ცვლილების გამო სურსათსა და უალკოჰოლო სასმელებზე ფასებიც გაიზარდა.

ასპინძის მუნიციპალიტეტში მშენებარე „ფარავანი ჰესის” ქართველი მუშახელი გაიფიცა. მათ კომპანიების ხელმძღვანელებს სამი მოთხოვნა წაუყენეს: ანაზღაურების დროულად ჩარიცხვა, ნორმალური კვებითა და სამუშაო ტანსაცმლით უზრუნველყოფა. ჰესზე მომუშავე პერსონალის თქმით, ხელფასები მუდმივად გვიანდება. გარდა ამისა, თურქი ეროვნების მუშებს გაცილებით მეტი ანაზღაურება და პრივილეგია აქვთ, ვიდრე ადგილობრივებს. მათივე თქმით, სამუშაო ტანსაცმელსა და ფეხსაცმელს თურქულ მხარეს უპრობლემოდ აძლევენ, ქართველებს კი პასუხობენ, რომ არ აქვთ.

ახალიწლის მოახლოვებასთან ერთად ახალციხეში პროდუქტის ფასმაც იმატა. სავაჭრო ცენტრ ალფა მარკეტის მოვაჭრეები ამბობენ, რომ სხვადსხვა სახის სურსათზე ფასი 30 პროცენტით გაიზარდა, აღნიშნულით მოსახლეობის ნაწილი კმაყოფილია, ნაწილს კი საახალწლოდ პროდუქტის შესაძენად თანხა არ ყოფნის.

ახალციხის მუნიციპალიტეტმა 2014 წლის მთავარი ფინანსური დოკუმენტი უკვე დაამტკიცა. ახალი ბიუჯეტი 2013 წელთან შედარებით ორი მილიონითაა გაიზარდილი, მიუხედავად ამისა მიმდინარე წელთან შედარებით, მომავალი წლის ბიუჯეტში განათლების კუთხით დაფინანსება შემცირებულია, ასევე შემცირებულია თანხები მოსახლეობის ჯანმრთელობის დაცვისა და სოციალური უზრუნველყოფის მხრივ.

ახალციხის მუნიციპალიტეტის 2014 წლის ბიუჯეტი დამტკიცდა. საკრებულოს რიგით მეთორმეტე სხდომაზე, თავმჯდომარემ და დეპუტატებმა მთავარი ფინანსური დოკუმენტი კიდევ ერთხელ განიხილეს და ხმათა უმრავლესობით დაამტკიცეს, თუმცა აღნიშნეს, რომ მომავალი წლის ბიუჯეტი იანვრის თვეში კიდევ გადაიხედება და შესწორდება. ახალციხის მუნიციპალიტეტის 2014 წლის ბიუჯეტი 7 მილიონ 280 ათასი ლარს შეადგენს.

საქართველოს ენერგეტიკის მინისტრი დღეს ადიგენის მუნიციპალიტეტის სოფელ უტყისუბანს ესტუმრა. კახა კალაძემ კომპანია „ენერგო-პრო ჯორჯიას“ გენერალურ დირექტორთან ერთად ახლად აშენებული ელექტროგამანაწილებელი ქსელი გახსნა. სოფელ უტყისუბნის 20–მდე ოჯახს ელექტრო ენერგიის მიწოდება წლების შემდეგ აღუდგა.

ასპინძის მუნიციპალიტეტი 2014 წლის ბიუჯეტის დასამტკიცებლად ემზადება. საკრებულოში მთავრი ფინანსური დოკუმენტის განხილვის პროცესშია. დაბის აღმასრულებელი ორგანოს პირველი პირების განცხადებით, მომავალი წლის ბიუჯეტი მილიონით გაიზარდა.

ახალციხის მუნიციპალიტეტის 2014 წლის ბიუჯეტის პროექტი დღეს ადგილობრივმა არასმთავრობო ორგანიზაციებმა განიხილეს. მათ 2013 წლის ბიუჯეტი მომავალი წლისას შეადარეს და პროექტში შენიშვნები შეიტანეს. შეხვედრა „დემოკრატ მესხთა კავშირში შედგა“, რომელსაც ადგილობრივი მუნიციპალიტეტის წარმომადგენლებიც დაესწრნენ.

ფინანსთა სამინისტროს მომსახურების სააგენტოს,  სამცხე-ჯავახეთის სამმართველოს უფროსის თანამდებობა ვაკანტურია. უკვე ყოფილმა უფროსმა,   გიორგი კახნიაშვილმა  აღნიშნული პოსტი,  პირადი განცხადების საფუძველზე  6 ნოემბერს დატოვა.  ,,ძალიან დაკავებული ვიყავი, თავისუფალი დრო საერთოდ არ მქონდა, სხვა გეგმები მაქვს,  ამიტომ გადავწყვიტე თანამდებობის დატოვება. საპასუხისმგებლო საქმეა და დიდ დროს მოითხოვდა”–აცხადებს გიორგი კახნიაშვილი. შეგახსენებთ, რომ საქართველოს ფინანსთა სამინისტროს მომსახურების სააგენტოს სამცხე-ჯავახეთის რეგიონული სამმართველოს უფროსის  თანამდებობაზე გიორგი კახნიაშვილი ოფიციალური განცხადების საფუძველზე, მიმდინარე წლის  8 მაისს დაინიშნა. იხილეთ ვიდეო:  http://9arkhi.wordpress.com/?s=%E1%83%92%E1%83%98%E1%83%9D%E1%83%A0%E1%83%92%E1%83%98+%E1%83%99%E1%83%90%E1%83%AE%E1%83%9C%E1%83%98%E1%83%90%E1%83%A8%E1%83%95%E1%83%98%E1%83%9A%E1%83%98 მანამდე კი აღნიშნული  პოსტი თემურ ათუნაშვილს ეკავა.

  “ერთიანი ნაციონალური მოძრაობის” საპრეზიდენტო კანდიდატი დავით ბაქრაძე რაიონული ბიუჯეტების შემცირების შესახებ საუბრობს. როგორც დავით ბაქრაძემ ბათუმში ჟურნალისტებს განუცხადა, ფინანსთა სამინისტრომ გამოუცხადებელი სეკვესტრის განხორციელება დაიწყო რაიონის ბიუჯეტებთან მიმართებაში. “ჩვენს ხელთ არსებული ინფორმაციით, ბოლო დღეების განმავლობაში, ფინანსთა სამინისტროს მხრიდან მიმდინარეობს რაიონების ბიუჯეტების შემცირებები. მაგალითად გეტყვით, რომ თერჯოლას და ზესტაფონს წელს შეუმცირდება ბიუჯეტი დაახლოებით ერთი მილიონი ლარით, სამტრედიას – 800 ათასი ლარით, ხონს ნახევარი მილიონი ლარით და ასე ხდება პრაქტიკულად ყველა მუნიციპალიტეტში. ფაქტიურად, ფინანსთა სამინისტრომ დაიწყო გამოუცხადებელი სეკვესტრის განხორციელება რაიონის ბიუჯეტებთან მიმართებაში. ეს იმას ნიშნავს, რომ შეჩერდება და მნიშვნელოვნად მოიკლებს რაიონებში განსახორციელებელი პროექტები, მათ შორის ინფრასტრუქტურული პროექტები. მეორე მხრივ ეს ადასტურებს, რამდენად მართლები ვიყავით ჩვენ, როდესაც ვსაუბრობდით ეკონომიკურ პრობლემებზე, ეკონომიკურ კრიზისზე და საგანგებო ნაბიჯების გადადგმის აუცილებლობაზე”, – აღნიშნა დავით ბაქრაძემ. საპრეზიდენტო კანდიდატი მთავრობას მიმართავს და აღნიშნავს, რომ მის მიერ შეთავაზებული სამპუნქტიანი გეგმით საქართველოს ეკონომიკა გადარჩება. “მინდა კიდევ ერთხელ მივმართო და მოვუწოდო მთავრობას, ამ რთულ სიტუაციაში, არაოფიციალური და ჩუმად მიმდინარე სეკვესტრის ნაცვლად, ერთად გადავდგათ ნაბიჯები ეკონომიკის გადარჩენისთვის და კერძოდ, განვახორციელოთ ის სამპუნქტიანი გეგმა, რომელიც მათ შევთავაზე – დავწიოთ გადასახადები, გამოვაცხადოთ ეკონომიკური ამნისტია და უარი ვთქვათ ახალ რეგულაციებზე. ეკონომიკის გადარჩენა არის ჩვენი ამოცანა და კიდევ ერთხელ მოვუწოდებ მთავრობას, ერთად მივიღოთ ეს გეგმა, ერთად გადავარჩინოთ ეკონომიკა და უზრუნველვყოთ ის, რომ საქართველოში აღარ დაბრუნდეს სეკვესტრების, საბიუჯეტო შემცირებების, დაუფინანსებელი და გაჩერებული პროექტების დრო”, – აღნიშნა დავით ბაქრაძემ. წყარო “ინტერპრესნიუსი’

მედიატური ბორჯომის ჩამომსხმელ ნომერ 1 ქარხანაში. კომპანია ,,IDS ბორჯომი საქართველოს” გენერალური დირექტორის მოადგილემ რეგიონული და ცენტრალური ტელეკომპანიების ჟურნალისტებს უმასპინძლა. კორესპონდენტებს ლევან ბაღდავაძემ ქარხანა და მინერალური წყლების პარკი დაათვალიერებინა. მან ბორჯომში რამდენიმე დღის წინ გამართულ აქციასთან დაკავშირებით კომენტარი გააკეთა. ლევან ბაღდავაძემ მოსახლეობის გამოსვლა ბიზნესისთვის ხელის შემშლელ ფაქტორად შეაფასა.

   “ბორჯომისა” და “ნაბეღლავის” მინერალურ წყლებზე კანონით დადგენილი მოსაკრებლის გაზრდის გადაწყვეტილება მიღებულია. “ბუნებრივი რესურსებით სარგებლობისთვის მოსაკრებლების შესახებ” კანონპროექტი პარლამენტმა გუშინ მესამე მოსმენით მიიღო. “ბუნებრივი რესურსებით სარგებლობისთვის მოსაკრებლების შესახებ” ჯერ კიდევ მოქმედი კანონით, “ბორჯომის” მინერალური წყლისთვის დადგენილი მოსაკრებელი 1 კუბ.მ წყალზე 10 ლარს, ხოლო “ნაბეღლავზე” – 6 ლარს შეადგენს. ცვლილების თანახმად კი, ეს ოდენობა 3-ჯერ იზრდება და “ბორჯომის” შემთხვევაში 1 კუბ.მ-ზე – 30 ლარი, ხოლო “ნაბეღლავის” შემთხვევაში – 18 ლარი ხდება. საკანონმდებლო ინიციატივის ავტორი ეკონომიკისა და მდგრადი განვითარების სამინისტრო და სსიპ “ბუნებრივი რესურსების სააგენტოა”. “აღნიშნული მინერალური წყლები როგორც საქართველოს, ასევე საერთაშორისო ბაზრებზე საკმაოდ დიდი მოთხოვნით და კონკურენტუნარიანობით გამოირჩევა. ამასთან, მიწისქვეშა წყლები, როგორც ბუნებრივი რესურსი, ამოწურვად რესურსს წარმოადგენს და მნიშვნელოვანია, რომ მათი მოპოვებისთვის ისეთი მოსაკრებელი განისაზღვროს, რომელიც მის ღირებულებას და მოთხოვნასთან მიმართებაში ადეკვატური იქნება. გასათვალისწინებელია, რომ მოსაკრებლის თანხა თითოეულ ჩამოსხმულ ბოთლ წყალზე მისი ღირებულების საკმაოდ მცირე პროცენტს შეადგენს და შესაბამისად, მოსაკრებლის ოდენობის გაზრდა მწარმოებელი კომპანიების ფინანსურ ხარჯებზე არსებით გავლენას არ მოახდებს”, – განმარტავს მთავრობა. კანონპროექტის ამოქმედება მიმდინარე წლის 1-ელი ოქტომბრიდან არის დაგეგმილი და როგორც ინიციატორები აცხადებენ, ეს კომპანიებს საშუალებას მისცემს, მოსაკრებლის შეცვლილ ოდენობებს მომზადებულები შეხვდნენ. წყარო  “ინტერპრესნიუსი”

სამცხე–ჯავახეთის განვითარების სტრატეგიულ გეგმას საქართველოს რეგიონული განვითარებისა და ინფრასტრუქტურის სამინისტროში განიხილავენ. პროექტის დამტკიცების შემდეგ დოკუმენტი რეგიონს გადმოეგზავნება, რომლითაც, მუნიციპალიტეტები 5 წლის განმავლობაში იხელმძღვანელებენ.

საქართველოში არსებული ეკონომიკური მდგომარეობა და მისი განვითარებისთვის აუცილებელი ფაქტორები– ამ საკითხებზე  პრემიერ მინისტრი მედიის წარმომადგენლებს ესაუბრა. ბიძინა ივანიშვილი ფიქრობს, რომ ეკონომიკის განვითარებისათვის კონკურენტუნარიანი გარემო და ბაზარზე თავისუფალი კანონებია საჭირო.  შექმნილი სიტუაციიდან გამოსავლის ძიების სხვადასხვა გზებზე საუბრობენ ახალციხეში.

როგორ დავიწყოთ ბიზნესი და როგორ გავხადოთ ის მომგებიანი, რა ნიუანსები უნდა გავითვალისწინოთ და როგორ დავძლიოთ კონკურენცია -ამ და სხვა მნიშვნელოვან საკითხებზე ახალციხის ახალგაზრდულ ცენტრში ტრენინგ-შეხვედრა მოეწყო.

დაქსელილი ცენტრალური ქუჩა და ბუნებრივი აირის გარეშე დარჩენილი სოფლები. ადიგენის მუნიციპალიტეტში მოსახლეობა გაზიფიცირების გაგრძელებას მოითხოვს. სოფელ უდესა და არალში მილსადენების დამონტაჟება სექტემბრის თვიდან დაიწყო, თუმცა ამ დრომდე პროექტი არ დასრულებულა.

საქართველოს ფინანსთა სამინისტროს მომსახურების სააგენტოს სამცხე-ჯავახეთის რეგიონულ სამმართველოს ახალი უფროსი ყავს. გიორგი კახნიაშვილი აღნიშნულ თანამდებობაზე ოფიციალური განცხადების საფუძველზე 8 მაისს დაინიშნა.