ახალციხის  მეხუთე ბაგა–ბაღში, გაყინული ხორციდან აღებულ  ნიმუშში, ნაწლავის ჩხირის ბაქტერია აღმოჩნდა. სკოლამდელი აღზრდის დაწესებულებაში  კვლევა,  სურსათის ეროვნული სააგენტოს, სამცხე–ჯავახეთის რეგიონულმა სამმართველომ ჩაატარა და პროდუქტი ლაბორატორიულად შეამოწმა. ახალციხის ნომერ მეხუთე ბაგა–ბაღში, გაყინული ხორციდან აღებულ  ნიმუშში, მიკრობიოლოგიური მაჩვენებელი,  ნაწლავის ჩხირის ბაქტერია აღმოჩნდა. სკოლამდელი აღზრდის დაწესებულებაში  კვლევა,  სურსათის ეროვნული სააგენტოს, სამცხე–ჯავახეთის რეგიონულმა სამმართველომ ჩაატარა. ლაბორატორიული  შემოწმებით დადგენილი  ნაწლავის ჩხირის ბაქტერიის გამო, სააგენტომ მეხუთე ბაგა–ბაღში, აღნიშნული ხორცის გამოყენება აკრძალა.

ახალციხის  მეხუთე ბაგა–ბაღში, გაყინული ხორციდან აღებულ  ნიმუშში, ნაწლავის ჩხირის ბაქტერია აღმოჩნდა. სკოლამდელი აღზრდის დაწესებულებაში  კვლევა,  სურსათის ეროვნული სააგენტოს, სამცხე–ჯავახეთის რეგიონულმა სამმართველომ ჩაატარა და პროდუქტი ლაბორატორიულად შეამოწმა.

ახალციხის ნომერ მეხუთე ბაგა–ბაღში, გაყინული ხორციდან აღებულ  ნიმუშში, მიკრობიოლოგიური მაჩვენებელი,  ნაწლავის ჩხირის ბაქტერია აღმოჩნდა. სკოლამდელი აღზრდის დაწესებულებაში  კვლევა,  სურსათის ეროვნული სააგენტოს, სამცხე–ჯავახეთის რეგიონულმა სამმართველომ ჩაატარა. ლაბორატორიული  შემოწმებით დადგენილი  ნაწლავის ჩხირის ბაქტერიის გამო, სააგენტომ მეხუთე ბაგა–ბაღში, აღნიშნული ხორცის გამოყენება აკრძალა.

სურსათის ეროვნული სააგენტოს, სამცხე–ჯავახეთის რეგიონული სამმართველოს ინფორმაციით, ხორცი  რომელშიც ნაწლავის ჩხირის ბაქტერიები აღმოჩნდა, ასპინძის სასაკლაოდან იყო შეძენილი.  ხელმძღვანელის ტრისტან ციხელაშვილი განმარტებით,   სამცხე–ჯავახეთის რეგიონულმა  სამმართველომ სასაკლაოც შეამოწმა,  თუმცა რაიმე სახის დარღვევები   არ  დაფიქსირდა. ასპინძის სასაკლაოს მენეჯერის  მტკიცებით, ხორცი შესაძლოა  გადატანისას ან ბაღში დაბინძურდა.

საპირისპიროს აცხადებენ ნომერ მეხუთე ბაგა–ბაღში.  მენეჯერის თქმით, დაწესებულებაში, ხორცი დამუშავებული სახით  ბაღების  მომმარაგებელმა შეიტანა. მისივე მტკიცებით, პროდუქტს ფრომა ორი ჰქონდა დართული, რომელიც მის ვარგისიანობას ადასტურებდა, თუმცა ხორცში  ლაბორატორიული შემოწმებისას ბაქტერიები მაინც   აღმოჩნდა. ნანა ბარბლიშვილის თქმით, დაწესებულებაში  ჰიგიენური ნორმები დაცულია და  პროდუქტი შესაბამის პირობებში ინახება, ამიტომ მისი დაბინძურება ბაღში  ვერ მოხდებოდა.

ახალციხის სკოლამდელი აღზრდის დაწესებულებებს, ხორცით ტენდერში გამარჯვებული, ინდივიდუალური მეწარმე ხათუნა პეტრიაშვილი ამარაგებს. მომმარაგებელი  ამბობს, რომ ხორცი, სანამ ბაგა–ბაღებამდე მიაღწევს , შესაბამის პირობებში ინახება,  ამიტომ მათთვის უცნობია თუ რა სახით მოხვდა ხორცში ბაქტერიები.

ახალციხის ააიპ სკოლამდელი აღზრდის დაწესებულების დირექტორის თქმით, ფაქტის გამო სურსათის ეროვნულმა სააგენტომ და დაწესებულებამ შესაბამისი ღონისძიებები განახორციელეს. ნანა ბერიძის განმარტებით, მიუხედავად იმისა, რომ  აღმოჩენილი ნაწლავის ჩხირის ბაქტერიები, დუღილის დროს კვდება და პატარების ჯანმრთელობას საფრთხე არ ემუქრება,  ფაქტი მაინც უსიამოვნოა. ამის გამო კი  ახალციხის სკოლამდელი აღზრდის დაწესებულება  მომმარაგებელი კომპანიების მონიტორინგს გაამკაცრებს.

სურსათის ეროვნული სააგენტო, ახალციხის სკოლამდელ აღზრდის დაწესებულებებში მონიტორინგს აგრძელებს. სამცხე–ჯავახეთის სამმართველოში ამბობენ, რომ  ბაღებში ხორცის გარდა, მოწმდება სხვა  პროდუქტები, ასევე, სასმელი წყალიც.  აღნიშნული დარღვევა მეხუთე ბაგა–ბაღში მიმდინარე წლის 19 მარტს დაფიქსირდა.

შეგახსენებთ, რომ ეს სწორედ ის ბაღია, სადაც 2014 წლის ნოემბრის თვეში, მომმარაგებლის მიერ შეტანილ პურში ბაღის მენეჯერმა თაგვის ფეკალიები აღმოაჩინა.  სკოლამდელი აღზრდის დაწესებულების მაშინდელმა ხელმძღვანელმა დაბინძურებუული პური მერიაში მიიტანა.