არლის საჯარო სკოლის მოსაწავლეებმა საერთაშორისო წარმატება მოიპოვეს. მათემატიკურ კონკურსში სადაც მსოფლიოს სხვადასხვა ქვეყნის წარმომადგენლები მონაწილეობდნენ, მათ ჯერ რესპუბლიკის მასშტაბით, პირველი ადგილი მოიპოვეს, შემდეგ კი საბერძნეთის დედაქალაქ ათენში, მესამე ადგილის მფლობელები გახდნენ. მოსწავლები მიღწეულ წარმატებაზე სასაუბროდ საქართველოს პრემიერ–მინისტრმა მიიწვია.
არლის საჯარო სკოლის მოსწავლეებმა საერთაშორისო ასოციაცია ,,ბალავარის ” მიერ გამოცხადებულ ევროკავშირის პროექტში საერთაშორისო წარმატება მოიპოვეს. 5 მოსწავლით დაკომპლექტებულმა გუნდმა, რომელსაც მათემატიკის პედაგოგი, ცირა ვარდიძე ხელმძღვანელობდა, ქალაქ ათენში, სპექტაკლი სახელწოდებით, ”მაგიური 3 ,4, 5″ წარადგინა, ჟიურის წევრების მოწონება დაიმსახურა და ევროპის სხვადასხვა ქვეყნებიდან ჩასულ 20-მდე გუნდში, მესამე საპრიზო ადგილი დაიკავა.
სპექტაკლი ,,მაგიური 3,4,5″ აღწერს, თუ როგორ იყენებდნენ ჩვ.წ–მდე 26–ე საუკუნეში, ეგვიპტეში, პირამიდების ასაგებად მონები ციფრებს: 3, 4, და 5 . გუნდის ხელმძღვანელი, ცირა ვარდიძე ,,მე–9 არხთან” განმარტავს, რომ ევროკავშირის პროექტი 4 მიმართულებით: მათემატიკური თეატრის, ფაქტორის, პრეზენტაციისა და პოსტერის შექმნაზე იყო გამოცხდებული. არლის საჯარო სკოლამ კი ,,მათემატიკური თეატრის” მიმართულება აირჩია და ზუსტი მეცნიერებისათვის დამახასიათებელი თვისება საკუთარი ინტერპრეტაციით დადგა. მოსწავლეებმა სცენარი საკონკურსო მოთხოვნების შესაბამისად, 5 წუთსა და 30 წამში წარმოადგინეს.
საერთაშორისო ასოციაცია ,,ბალავარის ” მიერ გამოცხადებული ევროკავშირის პროექტი საქართველოს განათლებისა და მეცნიერების სამინისტროს მხარდაჭერითა და დაფინანსებით განხორციელდა. პროექტის მიზანი, ევროპულ საგანმანათლებლო სტრუქტურებში, ქართველი მოსწავლეებისა და მასწავლებლების ინტეგრაციაა. პროექტის ფარგლებში, პირველი ტური საქართველოში, დეკემბერის ბოლოს გაიმართა. მასში არლის სკოლის გუნდმა რესპუბლიკის მასშტაბით, პირველი ადგილი დაიკავა და ევროპის ფინალური ტურის კანდიდატი გახდა.
გუნდის 5 მოსწავლე და მათი ხელმძღვანელი, მათმატიკის პედაგოგი, ცირა ვარდიძე ქალაქ ათენიდან 30 მარტს დაბრუნდნენ. რის შემდეგაც მოსაწავლეები საქართველოს პრემიერ–მინისტრს შეხვდენენ. საქართველოს მასშტაბით, სხვადასხვა სკოლის 12 მოსწავლე, რომლებმაც აღნიშნული კონკურსის ფარგლებში, სხვადასხვა მიმართულებებში რესპუბლიკურ წარმატებას მიაღწიეს და ათენში გაემგზავრნენ, ირაკლი ღარიბაშვილმა წიგნებით დაასაჩუქრა. არლელმა მოსწავლეებმა საბერძნეთში მესამე ადგილი საბერძნეთის გუნდისა და ლიბანის სმენადაქვეითებულთა სკოლის შემდეგ მოიპოვეს. ათენში გასამგზავრებლად მოსწავლეები განათლებისა და მეცნიერების სამინისტრომ, ხოლო პედაგოგი, ცირა ვარდიძე არალში მოქმედმა მართლმადიდებლურმა და კათოლიკურმა ტაძრებმა, ასევე ვალის მკვიდრმა ამირან გოზალიშვილმა დააფინანსა.
