არასამთავრობო ორგანიზაციის ,,ერთსულოვნება სამართლიანობისაკენ“ თავმჯდომარე სოფელ ტყემლანის სკოლის პედაგოგს საკუთარი შვილის შეურაცხყოფასა და დისციპლინარულ გადაცდომაში ადანაშალებს. სკოლაშიკი ირწმუნებიან, რომ ქეთევან ხმალაძე პირადი ანგარიშწორების გამო, საკუთარი შვილის მდგომარეობით მანიპულირებს.
,,ახალციხის მუნიციპალიტეტის სოფელ ტყემლანის საჯარო სკოლას მიეცა მითითება მოახდინოს რეაგირება დასკვნაში დაფიქსირებულ დარღვევებზე და გაითვალისწინოს სკოლის შემდეგი საქმიანობისათვის“ –
ეს წერილი ტყემლანის საჯარო სკოლამ და არასამთავრობო ორგანიზაცია ,,ერთსულოვნება სამართლიანობისაკენ“ განათლებისა და მეცნიერების სამინისტროდან ერთდროულად მიიღეს. მითითებას, რომლის შესახებაც დოკუმენტშია საუბარი, ორივე მხარე სხვადასხვა მიზეზით ხსნის. არასამთავრობო ორგანზაციის ხელმძღვანელი, ქეთევან ხმალაძე განმარტავს, რომ საქმე ივლისში მომხდარ ფაქტს ეხება, რომელის მიხედვით, ერთ–ერთმა მასწავლებელმა მისი შვილი დაადანაშულა, თითქოს მცირეწლოვანი გოგონა პედაგოგს უწმაწურ მოკლე ტექსტურ შეტყობინებებს უგზავნიდა. ხმალაძის მტკიცებით, აღნიშნულთან დაკავშირებით, მის ოფისში პედაგოგის მეგობარი მამაკაცი შეიჭრა და შვილის ქმედებაზე პასუხი მოსთხოვა.
როგორც ქეთევან ხმალაძე განმარტავს, შემთხვევიდან დაახლოებით 2 თვის შემდეგ, მან ტყემლანის საჯარო სკოლის მაშინდელ დირექტორს, იასონ კაპანაძეს განცხადებით მიმართა და აღნიშული პედაგოგის გათავისუფლება მოსთხოვა, თუმცა სკოლისგან ფაქტს რეაგირება არ მოყოლია, 29 სექტემბერს კი ხმალაძემ იმავე განცხადებით ახალციხის საგანმანათლებლო რესურს ცენტრს მიმართა. დაწესებულების შიდა აუდიტის მოკვლევის შემდეგ, საქმეში პროფესიული კავშირების გაერთიანება ჩაერთო. კლარა კუპრეიშვილი, რომელიც ორ დაპირისპირებულ მხარეს შორის მედიატორის როლის შესრულებას შეეცადა, ამბობს, რომ აღნიშნული ფაქტი არც სკოლასა და არც მცირეწლოვან მოსწავლეს არ ეხება. პროფკავშირების გაერთიანების თავმჯდომარე მშობლებისა და კონკრეტული პედაგოგების პირად დაპირისპირებაზე საუბრობს და მიიჩნევს, რომ საქმეში არასრულწლოვნით მანიპულირება ხდება.
ქეთევან ხმალაძის თქმით, ერთ–ერთი მიზეზი, რის გამოც სკოლამ 9 სექტემბერს მისი განაცხადი არ განიხილა, სამეურვეო საბჭოს ყოფილი თავმჯდომარისა და ამჟამინდელი დირექტორის, ნინო ტყემალაძის პროტესტი იყო. ორგანიზაციის ხელმძღვანელი აღნიშნავს, რომ დოკუმენტის განხილვაზე ტყმალაძემ უარი თქვა, რადგან პედაგოგთან, რომელმაც ხმალაძის შვილი დაადანაშაულა, მეგობრობა აკავშირებს. თავად ნინო ტყემალაძე ბრალდებას უსაფუძვლოს უწოდებს და ამბობს, რომ განცხადების განხილვა მის კომპეტენციას ცდებოდა.
არასამთავრობო ორგანიზაციის ხელმძღვანელმა ქეთევან ხმალაძემ საკუთარი შვილის საქმეზე რეაგირებისთვის განათლებისა და მეცნიერების სამინიტროს ორგანიზაციის სახელით მიმართა. მისივე თქმით, მითითება, რომელიც სკოლამ უწყებისგან მიიღო, სწორედ აღინიშნული პედაგოგის გათავისუფლებას ეხებოდა. სასწავლო დაწესებულებაში კი განმარტავენ, რომ 9 სექტემბერს, მაშინ როდესაც ქეთევან ხმალაძემ სკოლაში განაცხადი შეიტანა, ყოფილმა დირექტორმა იასონ კაპანაძემ დოკუმენტი არ დაარეგისტრირა. მათი თქმით, სწორედ ეს იყო უწყებისგან მითითების მიღების მიზეზი. სიტუაციაში გასარკვევად ,,მე–9 არხმა“ განათლებისა და მეცნიერების სამინიტროს მიმართა, სადაც განაცხადეს, რომ ამ დრიოსათვის ინფორმაციის მოძიება ვერ ხერხდება.
