ჯანდაცვა
რამდენ ხანს გრძელდება გრიპის ვაქცინის ეფექტი - რატომ არის საჭირო აცრა ყოველწლიურად

 

გასულ წელს გრიპის ეპიდემიამ მოსახლეობას ბევრი პრობლემა შეუქმნა, ამიტომ ექიმები გვირჩევენ, დროულად დავიჭიროთ თადარიგი ზამთრისათვის და გავეცნოთ გრიპის ვაქცინის შესახებ არსებულ ინფორმაციას.

გრიპის ვაქცინა ორგანიზმის თავდაცვის უნარს ბუნებრივად ასტიმულირებს. თუმცა იმუნიტეტის გამომუშავებას ვაქცინაციიდან გარკვეული დრო სჭირდება. ამიტომ არის საჭირო, რომ ვაქცინაცია მოხდეს მანამდე, ვიდრე ვირუსი აქტიურ გავრცელებას დაიწყებს.

იმის გათვალისწინებით, რომ ვაქცინა მოქმედებას იწყებს აცრიდან დაახლოებით ორ კვირაში, ვაქცინაციის საუკეთესო პერიოდია ოქტომბერი-ნოემბერი. გრიპის ვაქცინაციის ეფექტი (იმუნიტეტი) გრძელდება 8 თვიდან 1 წლამდე. ხშირ შემთხვევაში, გრიპის ვაქცინას არ გააჩნია მნიშვნელოვანი გვერდითი მოვლენები. ინექციის ადგილი შესაძლოა გარკვეული დროით გაწითლდეს და შეშუპდეს, რაც მალევე ალაგდება.

აცრის შემდეგ, იმუნიტეტის განვითარებამდე, მიზანშეწონილია თავი შევიკავოთ სხვა ადამიანებთან მჭიდრო კონტაქტისგან. წინააღმდეგ შემთხვევაში შესაძლოა ვირუსით დაინფიცირება, რა დროსაც ვაქცინაცია უშედეგო აღმოჩნდება. ვირუსის საწინააღმდეგო ვაქცინაცია გავრცელდა მთელ მსოფლიოში. ევროპასა და აშშ-ში მოსახლეობის ნახევარზე მეტი გრიპის საწინააღმდეგო ვაქცინაციას იკეთებს. რასაც სამწუხაროდ ვერ ვიტყვით საქართველოს მოსახლეობაზე.

ვაქცინაციას, ზოგადად აქვს დადებითი და უარყოფითი მხარეები. გრიპის ვაქცინაციის დადებით მხარედ მიიჩნევა პირველ რიგში ის, რომ ვაქცინაცია პროფილაქტიკური პროცედურაა. გრიპის ვირუსი კი ინფიცირებისას ზოგჯერ საკმაოდ დიდ ზიანს აყენებს ორგანიზმს, ამიტომ დაავადების თავიდან ასაცილებლად ჯობია ვიბრძოლოთ მისი გამომწვევის წინააღმდეგ და ჩავიტაროთ ვაქცინაცია.

თუმცა უნდა გავითვალისწინოთ, რომ ეს იმუნიტეტი ვრცელდება მხოლოდ ვირუსის კონკრეტული შტამებისთვის. ვირუსები კი მუდმივად იცვლება და ყოველწლიურად ჩნდება მათი ახალი შტამები, რომელთა წინააღმდეგაც იმუნიტეტი უკვე უძლურია. ამიტომ აცრა ყოველწლიურად არის საჭირო.

თანამედროვე ვაქცინები საიმედოდ იცავენ ორგანიზმს გრიპისგან. სტატისტიკა გვიჩვენებს, რომ აცრის შემთხვევაში აცრილთა 80% არ ავადდება გრიპით ან დაავადება იოლი ფორმით ვლინდება.

ექიმები გრიპის ვაქცინის გაკეთებას ურჩევენ შემდეგი ჯგუფის ადამიანებს:
  • მოხუცები
  • მცირეწლოვანი ბავშვები
  • გულ-სისხლძარღვთა და სასუნთქი სისტემის პათოლოგიის მქონე პირები
  • დიაბეტიანები
  • აივ ინფექციის და C ჰეპატიტის მქონე პირები
ამ კატეგორიის პაციენტებში გრიპი უფრო რთულად მიმდინარეობს და მას მეტი გართულება მოჰყვება. ასევე, მიზანშეწონილია გრიპის საწინააღმდეგო ვაქცინაცია ბავშვთა ბაღებისა და სკოლაში მომსახურე პერსონალისთვის, რადგან ხშირად ადამიანების ეს კატეგორია ავადდება გრიპით.
Facebook Twitter
პარტნიორი მედიასაშუალებების მასალები
ამინდი
ახალციხე -5 °C
img
ახალქალაქი -3 °C
img
ასპინძა -2 °C
img
ადიგენი 12 °C
img
ბორჯომი 0 °C
img
თბილისი -2 °C
img
აბასთუმანი -5 °C
img
ბაკურიანი -4 °C
img
ნინოწმინდა -3 °C
img
ვალუტა
EUR
EUR
1
3.2024
RUB
RUB
100
4.6032
TRY
TRY
1
0.4951
USD
USD
1
2.8647
AMD
AMD
1000
5.9868
კალენდარი
«« დეკემბერი 2019 »»
252627282930 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 12345
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.