ბორჯომში მწვავე ვირუსული დაავადების ყირიმ-კონგოს ცხელების შემთხვევა დაფიქსირდა.ტელეკომპანია “ბორჯომის” ინფორმაციით, სოფელ დვირში ამ დროისთვის ორი ადამიანია დაინფიცირებული, ორივე მათგანი სამკურნალოდ თბილისშია გადაყვანილი. ინფექცია საქონლის ტკიპის ნაკბენით გავრცელდა. ბორჯომის მუნიციპალიტეტში აღნიშნული ვირუსით დაავადების ერთი შემთხვევა გასულ წელს, სოფელ ჭობისხევშიც დაფიქსირდა. სპეციალისტები განმარტებით ყირიმ–კონგოს ცხელება მძიმე ვირუსული ინფექცია, რომელიც ადამიანებზე ტკიპების ნაკბენით ვრცელდება, შინაგანი ორგანოების სისხლდენას იწვევს და ხშირ შემთხვევაში მკურნალობას არ ექვემდებარება. დამახასიათებელია მაღალი ტემპერატურა, ჩნდება სისხლჩაქცევები კანზე, კანქვეშ და ნაკბენის მიდამოებში. ვირუსული ინფექციის ძირითადი გადამტანები მინდვრის თაგვები და ტკიპები არიან. ტკიპამ ჯერ უნდა უკბინოს დაავადებულ მღრღნელს, რომელიც ინფექციის ძირითადი რეზერვუარია და შემდეგ ადამიანს. პირველად ვირუსი ყირიმში აღმოაჩინეს გასული საუკუნის 40-იან წლებში და მას ყირიმის ცხელება უწოდეს. მოგვიანებით დაავადებამ კონგოში იჩინა თავი და საბოლოოდ ყირიმ-კონგოს ცხელებით გახდა ცნობილი.  

რეპროდუქტოლოგია, მეანობა, გინეკოლოგია-ამ საკითხებზე სამედიცინო კლინიკა ,,სიცოცხლის ხეში” სამეცნიერო სემინარი ჩატარდა. დედაქალაქიდან ჩამოსულმა სპეციალისტებმა საკუთარი გამოცდილება სამცხე-ჯავახეთის სხვადასხვა მუნიციპალიტეტებში მოქმედ მედიკოსებს გააცნეს. შეხვედრაზე იმყოფებოდა აკადემიკოსი არჩილ ხომასურიძე, რომელიც წლების განმავლობაში თბილისში, ჟორდანიას კლინიკაში მუშობდა.

„აცერი და დაიცავი” – ამ სახელწოდებით საქართველოში ევროპის იმუნიზაციის კვირეული დაიწყო. აქციის მიზანია, იმუნიზაციის შესახებ საზოგადოებამ კიდევ ერთხელ შეიტყოს . მედიკოსები მშობლებსა და სამედიცინო პერსონალს მოუწოდებენ, რომ 14 წლამდე ასაკის ბავშვებში იმუნიზაციის კალენდრით გათვალისწინებული აცრები სრულყოფილად განახორციელონ.

სამცხე–ჯავახეთის მხარეში მომუშავე თერაპევტებს, ოჯახის ექიმებს, კარდიოლოგებსა და გინეკოლოგებს კლინიკა „ჰემა”-ს ექიმებმა სპეციალურად გამართულ სამეცნიერო–პრაქტიკულ კონფერენციაზე საკუთარი გამოცდილება გაუზიარეს. შეხვედრაზე სისხლის სისტემის პათოლოგიათა დიაგნოსტიკა, მკურნალობის თანამედროვე პრინციპები და ონკოლოგიური პრობლემები განიხილეს.

3 მარტის მისალოცად მისული გამგეობის თანამშრომლები “უნიმედი სამცხეში” არ შეუშვეს. მათ საავადმყოფოს დაცვის თანამშრომლებმა განუცხადეს, რომ შეთანხმების გარეშე შენობაში შესვლა არ შეიძლებოდა. თუმცა ახალციხის მუნიციპალიტეტის კულტურის განყოფილების წარმომადგენლები ირწმუნებიან, რომ საავადმყოფოს ადმინისტრაცია ვიზიტთან დაკავშირებით საქმის კურსში იყო. საჩუქრების გადასაცემად მისულმა სტუმრებმა შენობა პროტესტის ნიშნად დატოვეს და კლინიკა „იმედში“ მშობიარე დედები დაასაჩუქრეს.

წითელას ეპიდემიური აფეთქება საქართველოში გრძელდება. ინფექციის მასობრივი პრევენციისათვის გასატარებელი ღონისძიებების მიზნით, მთავრობამ განკარგულება მიიღო. იგი 2–დან 14 წლამდე არასრულად აცრილ და აუცრელ ბავშვთა, ასევე 14 წლის მოზარდთა მთლიანი კონტიგენტის იმუნიზაციას ითვალისწინებს.

ცე ჰეპატიტის სამკურნალო მედიკამენტი 60 %-ით გაიაფდა. მედიკამეტის ღირებულების შემცირება შეეხება იმ 10 ათას ადამიანს, რომლებსაც უკვე დადგენილი აქვთ ცე ჰეპატიტის ვირუსი. როგორც პრესკონფერენციაზე ჯანდაცვის მინისტრმა განაცხადა ამ რეგულაციის შემოღება საჭირო გახდა, რათა თავიდან იქნეს აცილებული არალეგალური გადაყიდვა. 1 თებერვლიდან იმ 10 ათას ადამიანს, საშუალება ექნება რამდენიმე ავტორიზებულ აფთიაქში იყიდონ პეგილირებული ინტერფერონი შემცირებული ფასით.

შრომის, ჯანმრთელობისა და სოციალური დაცვის მინისტრმა დავით სერგეენკომ რეცეპტების ინსტიტუტის დანერგვის საკითხზე ისაუბრა. მისი განცხადებით, ამ სისტემის დარგვა ორი მიზეზით იყო განპირობებული, პირველი ეს არის დიდი მასშტაბით სააფთიაქო ნარკომანიის გავრცელება და მეორე თვითმკურნალობის სავალალო შედეგები, რაც ყველაზე მეტად გამოხატულია არტერიული წნევის თვითმკურნალობისას. რამდენიმე მედიაკამეტი უკვე დაექვემდებარა სისტემას, 1 სექტემრისთვის კი I დაII ჯგუფებში შემავალი მედიკამეტები სრულად დაექვემდებარება რეცეპტურას. რეცეპტის ინსტიტუტის დანერგვა ოთხ ეტაპად მოხდება.

ხერთვისში A ჰეპატიტით დაავადებულთა რიცხვი ყოველდღიურად იზრდება. ასპინძის საზოგადოებრივი ჯანდაცვის ცენტრში ოფიციალურად 27 შემთხვევაა რეგისტრირებული. ეპიდემიის გავრცელების შემდეგაც კი სოფელში მოსახლეობა სასმელად იმ წყალს მოიხმარს, რომელშიც ბაქტერიული ჩხირები დაფიქსირდა.

როგორ მიმდინარეობს საყოველთაო დაზღვევა, პროექტის დადებითი და უარყოფითი მხარეები– შრომის, ჯანმრთელობისა და სოციალური დაცვის სამინისტროში სადაზღვეო პაკეტის მოხმარებისათვის გაკეთებულ ათასობით მოთხოვნას შორის, უკმაყოფილების გამომხატველი განცხადებებიც შედის. სარგებლობს თუ არა მოსახლეობა საკუთარი ჯანმრთელობის მდგომარეობის გასაუმჯობესებლად აღნიშნული პაკეტით და რამდენად წარმატებულია საყოველთაო დაზღვევის პროგრამა – თემით “მეცხრე არხის” გადამღები ჯგუფი დაინტერესდა.

ეპიდემია, რომელიც სოფელ ხერთვისში ყოველდღიურად ვრცელდება. A ჰეპატიტის ვირუსი აქ ძირითადად მოზარდებში ვლინდება და დაახლოებით ერთ თვიანი მკურნალობის კურსის ჩატარებას საჭიროებს. ადგილობრივები ამბობენ, რომ ვირუსი სასმელი წყლიდან ვრცელდება, თუმცა სათავე–ნაგებობისათვის სადეზინფექციო სამშოების ჩატარება ამ დრომდე არ მომხდარა. წყლის დაბინძურებას მოსახლეობა ხერთვისის ჰესის მშენებლობას უკავშირებს.

A ჰეპატიტის მქონე ადამიანთა რიცხვი სოფელ ხერთვისში ყოველდღიურად იზრდება. ადგილობრივები ამბობენ, რომ დაინფიცირება სასმელი წყლისგან მოხდა. მათი ეჭვი ლაბორატორიულმა ანალიზმაც დაადასტურა. დასკვნის მიხედვით, დაბინძურებული წყალში არაერთი ბაქტერია აღმოჩნდა და მისი სასმელად გამოყენება დაუშვებელია. საიდან მოხვდა დაავადების გამომწვევი ჩხირები წყალში და რა კავშირშია ხერთვისში მშენებარე ჰესი A ჰეპატიტის გავრცელებასთან ,,მე–9 არხი” დაინტერესდა.

სტომატოლოგიური საქმიანობა რეგულირების ფარგლებში ექცევა. ამასთან დაკავშირებით, “ჯანმრთელობის დაცვის შესახებ” კანონში შესატანი ცვლილებები უკვე მომზადებულია. პროექტი პარლამენტს ჯანდაცვის სამინისტრომ წარუდგინა.

ანტიბიოტიკებს, წნევის მარეგულირებლებს, და გულ-სისძარღვთა დავადებისათვის საჭირო მედიკამენტებს ახლო მომავალში მოქალაქეები ექიმის რეცეპტის გარეშე ვეღარ მიიღებენ.  ახალი საკანონმდებლო რეგულაციები  2014 წლის 1 იანვრიდან ამოქმედდება  და აფთიაქები მეორე ჯგუფის წამლების ურეცეპტოთ გაცემისათვის დაჯარიმდებიან.

ახალციხეში სამედიცინო ცენტრის „ენმედიცის“ მედიკოსებმა უფასო გამოკვლევები ჩაატარეს. ენდოკრინოლოგის, ნევროპათოპლოგის, ოფთალმოლოგის, გინეკოლოგის, ოტოლარინგოლოგის და სხვა წამყვანი სპეციალისტების მომსახურებით ადგილობრივმა პაციენტებმა ორი დღის განმავლობაში ისარგებლეს. უფასო აქცია ახალციხეში  მუნიციპალიტეტის გამგეობის ორგანიზებით გაიმართა. ექიმებს ახალციხის საზოგადოებრივი ჯანდაცვის ცენტრმა უმასპინძლა, სადაც მოსახლეობას სხვადასხვა სახის გამოკვლევებთან ერთად  ექოსკოპიური და ლაბორატორიული კვლევები ჩაუტარდათ.  გარდა ამისა, ადგილობრივებს სამედიცინო ცენტრმა მედიკამენტებიც გადასცა.

ტუბერკულოზი იკურნება – ამ თემაზე დღეს ახალციხეში ტრენინგი გაიმართა.  ჯანმრთელობის ხელშეწყობისა და განათლების ფონდის წარმომადგენლებმა შეხვედრა ჯანდაცვის ცენტრში ჩაატარეს, რომელსაც არასამთავრობო სექტორის წევრები და სპეციალისტები დაესწრნენ. ფონდის ხელმძღვანელის განმარტებით, სტიგმა იმის შესახებ, რომ ტუბერკულოზი განუკურნებელი სენია საზოგადოებაში დღეისათვის ისევ არსებობს და ამის გამო დასნებოვნებული ადამიანი უმეტეს შემთხვევაში  მათგან გარიყულია. ტრენინგის მიზანს კი  მოსახლეობაში ცნობიერების ამაღლება წარმოადგენს.

ახალციხეში ტბის მიმდებარე ტერიტორიაზე კლინიკა „იმედი“ ფუნქციონირებს, სადაც ადგილობრივ მოსახლეობას სხვადასხვა სახის სამედიცინო მომსახურებას პროფესიონალი ექიმები უწევენ.  კლინიკაში მოქმედებს სახელმწიფო და კერძო დაზღვევებიც.

ახალციხის ციხის საკონფერენციო დარბაზში მე–5 საერთაშორისო სამეცნიერო კონფერენცია იმართება. ორი დღის განმავლობაში საქართველოსა და მსოფლიოს წამყანი მეცნიერები ლექციებს ჯანმრთელობასა და ეკოლოგიასთან დაკავშირებით წაიკითხავენ. ბოლო დღეს კი პროფესიონალი მედიკოსები ახალციხის მაცხოვრებლებსა და ეკომიგრანტებს უფასო პროფილაქტიკურ გამოკვლევებს ჩაუტარებენ.

წლის ნებისმიერ დროს კანს სხვადასხვა სახის სპეციფიკური მოვლა სჭირდება. განსაკუთრებული პერიოდი ამ მხრივ ზაფხულია, როდესაც ულტრაიისფერ სხივებს ადამიანი ჭარბი რაოდენობით იღებს .

საქართველოს შრომის, ჯანმრთელობისა და სოციალური დაცვის მინისტრის მოადგილე და სოციალური მომსახურების სააგენტოს დირექტორი დღეს სამცხე–ჯავახეთს ეწვივნენ. მარიამ ჯაში და ნოე ქინქლაძე რეგიონში, ექვსივე მუნიცპალიტეტის სამედიცინო დაწესებულების წარმომადგენლებს შეხვდნენ და საყოველთაო დაზღვევის პროგრამის პრეზენტაცია წარუდგინეს.