ახალციხის სამედიცინო დაწესებულება “უნიმედი სამცხეში” 50–მდე მედიკოსი სამი თვის განმავლობაში დაგვიანებულ ანაზღაურებას ითხოვს. ამ წუთებში, მედიკოსებსა და საავადმყოფოს ხელმძღვანელეობას, ქალაქის მერი და თვითმმართველობის სხვა წევრები ხვდებიან. შეხვედრის დეტალები მედიისათვის უცნობია.  როგორც დაწესებულების დაცვის თანამშრომლებმა ჟურნალისტებს განუცხადეს, შეხვედრა დახურულია და მედიის წარმომადგენლები მხოლოდ იმ შემთხვევაში შევლენ შენობაში თუ ”ჩემი ოჯახის კლინიკის”  საზოგადოებასთან ურთიერთობის სამსახურისგან ნებართვას მიიღებენ. დაესწრებიან თუ არა მედიის წარმომადგენლები  შეხვედრას, ”ალდაგი ბისიაის” შვილობილი კომპანიის, ”ჩემი ოჯახის კლინიკის” საზოგადოებასთან ურთიერთობის სამსახურის წარმომადგენლისგან პასუხს ელოდებიან. “მეცხრე არხი” ადგილზე მუშაობს, დეტალებს მოგვიანებით მოგაწვდით.    

შ.პ.ს „გიოს“–ს  და „პინო“–ს მიერ წარმოებული პელმენი და  ხინკალი „რაჭა“, რომელშიც ადამიანისათვის საშიში მიკროელემენტები აღმოაჩინეს  ახალციხის მაღაზიებში ისევ იყიდება. სურსათის ეროვნული სააგენტოს  სამცხე–ჯავახეთის რეგიონულ სამმართველოში ამბობენ, რომ პროდუქტის ლაბორატორიულად გამოკვლევამდე მის რეალიზებას ვერ აკრძალავენ. შ.პ.ს „გიოს“–ს  და „პინო“–ს მიერ წარმოებული პელმენსა  და   ხინკლ „რაჭა“– ში ადამიანისათვის საშიში მიკროორგანიზმები აღმოაჩინეს. მიუხედავად ამისა, მაღაზიებში იგივე პროდუქტი ისევ იყიდება.

საქართველოში,  ტუბერკულოზით დაავადებულთა რიცხვი სტაბილურად მაღალი რჩება–აღნიშნული განცხადება,  ჯამრთელობის კვლევის კავშირის დირექტორმა  სამცხე–ჯავახეთის საზოგადოებრივი ჯანდაცვის ცენტრის სპეციალისტებთან  შეხვედრისას გააკეთა. მაია ბუწაშვილი რეგიონის ცენტრების წარმომადგენლებს შეხვდა და მათ დაავადების  პროფილაქტიკის შესახებ  ესაუბრა.  

სამცხე–ჯავახეთს სასწრაფო დახმარების 10 მანქანა გადაეცა. ახალი ავტომობილების გადაცემის ცერემონია სამხარეო ადმინისტრაციის მიმდებარე ტერიტორიაზე გაიმართა, რომელსაც სასწრაფო სამედიცინო დახმარების ცენტრის წარმომადგენლები რეგიონისა და ადგილობრივი მუნიციპალიტეტების პირველი პირები დაესწრნენ. 9 მაღალი და 1 საშუალო გამავლობის მანქანა, რეგიონში გეოგრაფიული პრინციპის გათვალისწინებით განაწილდა. აქედან 4 ავტომობილი ბორჯომმა, ორი ახალციხემ, ორი ადიგენმა და თითო–თითო ასპინძისა და ახალქალაქის მუნიციპალიტეტებმა მიიღეს. 

სვირი, ბოგა, მინაძე, ღრელი, ხეოთი, ადრიაწმინდა –  ეს იმ სოფლების არასრული ჩამონათვალია, სადაც უბნის ექიმები საერთოდ არ მიდიან, ან პაციენტებს რამდენიმე კვირაში ერთხელ ხვდებიან. აღნიშულთან დაკავშირებით, ახალციხის მუნიციპალიტეტის გამგეობის პირველი პირები მედიკოსებს შეხვდნენ. უბნის ექიმებმა სოფლებში იშვიათად გასვლის მიზეზად გადაადგილების პრობლემა დაასახელეს. მათი თქმით, ერთი მედიკოსი 3 ან 4 სოფელზეა პასუხისმგებელი, დასახლებები კი  ერთმანეთისგან საკამაოდ

ქვეყნის მასშტაბით, სასწარაფო სამედიცინო სამსახურებში ავტოპარკის განახლების პროცესი მიმდინარეობს. სამთავრობო პროგრამის ფარგლებში, ახალი ავტომობილი ახალციხის სამსახურმაც მიიღო.  თანამშრომლები განმარტავენ, რომ მოძველებული ტექნიკა მათ მუშობაში არაერთ პრობლემას უქმნიდა.

თბილისის რესპუბლიკური საავადმყოფოს 20–მდე ექიმმა, ახალციხის მუნიციპალიტეტში მცხოვრებ  მოსახლეობას უფასო გამოკლვევები ჩაუტარა. მიღება მეხუთე საჯრო სკოლის პირველ კორპუსში მიმდინარეობდა. გასინჯვის სასუალება ნებისმიერი ასაკისა და სქესის წარმომადგენელს ჰქონდა.

ადიგენის მუნიციპალიტეტის სოფელ ღორძეში ა ჰეპატიტის, იგივე „ბოტკინის“  შემთხვევები დაფიქსირდა. ადგილობრივი საზოგადოებრივი ჯანდაცვის ცენტრში ამ დროისათვის დაავადების 8 შემთხვევაა დაფიქსირებული. ცენტრის ინფექციონისტის მაყვალა მეტრეველის ინფორმაციით, პირველი შემთხვევა სოფელში მიმდინარე წლის აგვისტოს თვეში დაფიქსირდა, თუმცა დაავადებულ პიროვნებას აღნიშნულის შესახებ არ გაუხმაურებია და ოჯახის პირობებში თავადვე იმკურნალა. ოქტომბრის თვეში კი ა ჰეპატიტმა თავი იმ უბანში იჩინა, სადაც პირველი დაავადებული ცხოვრობს. ჯანდაცვის ცენტრის მიერ ჩატარებული ლაბორატორიული გამოკვლევებით, სოფელში თავდაპირველად ა ჰეპატიტის 6, მოგვიანებით კი კიდევ ორი შემთვევა დაფიქსირდა. აქედან 2 მათგანი  18–19 წლის ახალგაზრდები არიან დანარჩენები კი 6–12 წლამდე მოზარდები. ადიგენის საზოგადოებრივი ჯანდაცვის ცენტრმა ინფექციის წყაროს დასადგენად მოკვლევა აწარმოა. სოფელში არსებულ სასმელ წყალში დავადების გამომწვევი ბაქტერიები არ აღმოჩნდა.  დადგინდა, რომ ყველა შემთხვევა კონტაქტის გზით არის გადაცემული. აღნიშნულის თაობაზე ადგილობრივი ჯანდაცვის ცენტრმა ინფორმაცია თბილისის დაავადებათა კონტროლის ეროვნულ ცენტრს მიაწოდა.  რომელმაც ადგილზე ჯგუფი გაგზავნა. მედიკოსება სისხლის ანალიზები სოფელში მაცხოვრებელ 41 პიროვნებას აუღეს. აქედან 11 დადებითია, ხოლო 2 – საეჭვო. საზოგადოებრივი ჯანდაცვის ცენტრის ინფორმაციით, ა ჰეპატიტით დაავადებულთა მდგომარეობა დამაკმაყოფილებელია და ისინი მკურნალობას სახლის პირობებში გადიან. ცენტრის ინფექციონისტი „მეცხრე არხთან“ აცხადებს, რომ მათი მხრიდან სოფელში ყველა საჭირო პროცედურა ჩატარდა.  მედიკოსებმა თავდაცვის პროფილაქტიკის შესახებ მოსახლეობას ინფორმაცია მიაწოდეს და განუმარტეს, თუ როგორ უნდა დაიცვან თავი, რომ დაავადება მათზეც არ გავრცელდეს. მაყვალა მეტრეველის თქმით, სოფელ ღორძეს მოსახლეობა, ამჟამად, მათი მეთვალყურეობის ქვეშ იმყოფება. ა ჰეპატიტის ვირუსი, ისევე როგორც სხვა ენტეროვირუსები, საკვებთან ერთად კუჭ-ნაწლავის ტრაქტში ხვდება, სადაც რეპლიცირდება წვრილი ნაწლავის ლორწოვანი გარსის და რეგიონული ლიმფური კვანძების ეპითელურ უჯრედებში. ამის შემდეგ გამომწვევი აგენტი იჭრება სისხლში. სხვა ენტეროვირუსებისაგან განსხვავებით, A ჰეპატიტის ვირუსის დამაზიანებელი მოქმედების ძირითადი სამიზნე ღვიძლის უჯრედებია, რომელთა ციტოპლაზმაში ხდება რეპროდუქცია. ჰეპატოციტების(ღვიძლის უჯრედები)დაზიანებას თან ახლავს სიყვითლის განვითარება. ინფექციის წყაროა ავადმყოფი ადამიანი, ასევე, ინფექციის უსიმპტომო ფორმებით შეპყრობილი პირები. უფრო ხშირად ავადდებიან ბავშვები.

შეწყვეტილი ორსულობა და მისი გამომწვევი მიზეზები, ლაპარასკოპიული მეთოდი,  ინვიტრო განაყოფიერება და  მკურნალობის თანამედროვე მეთოდოლოგია – ამ და სხვა საკითხებზე ისაუბრეს გინეკოლოგებმა ახალციხის ციხის დარბაზში გამართულ კონფერენციაზე.  კლინიკა „უნივერსის“   წამყვანმა სპეციალისტებმა ადგილობრივ ექიმებს თავიანთი გამოცდილება გაუზიარეს და აღნიშნულ სფეროში განხორციელებული სიახლეები გაცნეს.

რესპუბლიკური საავადმყოფოს მედიკოსები ახალციხესა და ადიგენში უფასო სამედიცინო გამოკვლევებს ჩაატარებენ. 18 ოქტომბერს  მეხუთე საჯარო სკოლაში ექიმები ახალციხის მუნიციპალიტეტის მაცხოვრებლებს მოემსახურებიან, ხოლო 19 ოქტომბერს უფასო კონსულტაციას ადიგენის მუნიციპალიტეტის მოსახლეობას გაუწევენ.  აღნიშული საქველმოქმედო აქციის ინიციატორი ქალაქ ახალციხის მერიაა.

შრომის, ჯანმრთელობისა და სოციალური დაცვის სამინისტროს წარმომადგენლებმა დღეს სამცხე-ჯავახეთში მომუშავე მედიკოსებისათვის, საინფორმაციო შეხვედრა გამართეს. სოციუალური მომსახურების  სააგენტოსა და რეგულირების სააგენტოს ფარმაცევტული დეპარტამენტის ხელმძღვანელებმა ადგილობრივ ექიმებს  სამინისტროს ახალი რეგულაცია რეცეპტის ინსტიტუტის შესახებ ინფორმაცია გააცნეს და ჯანდაცვის სფეროში დაგეგმილი ახალი რეფორმები განიხილეს

ადიგენის მუნციპალიტეტის სოფლებში მოსახლეობას უფასო  სამედიცინო გამოკვლევები ჩაუტარდა.  სოფელ მოხეში ავერსის კლინიკის ექიმ–სპეციალისტები იმყოფეოდნენ, რომელთაც ადგილობრივებს გამოკვლევები სხვადასხვა მიმართულებით ჩაუტარეს და მათ უფასო მედიკამენტები გადასცეს.

ექიმი ამბროსი მოდებაძე განმარტავს, რომ პაციენტი რეანიმაციულ განყოფილებაში იმყოფება, გადასხმები უტარდება და მისი მდგომარეობა შედარებით სტაბილურია. თუმცა ამბროსი მოდებაძე პაციენტის დროულ  გამოჯანმრთელებაზე ვერ საუბრობს, რადგან 49 წლის მამაკაცს ფილტვების ანთება აქვს და გონზე მოსვლას მხოლოდ პერიოდულად ახაერხებს.

როგორ მუშაობენ  ახალციხეში სასწრაფო სამედიცინო დახმარების ბრიგადები? არის  თუ არა   ხარვეზები და გამართულია თუ არა მანქანები? ამასთან დაკავშირებით   „მეცხრე არხის”  გადამღებმა ჯგუფმა ქალაქში გამოკითხვა ჩაატარა.

სოციალურად დაუცველთა სტატუსის განსაზღვრის წესი იცვლება. ბაზაში მოსახვედრად მთავარი კრიტერიუმი არა საყოფაცხოვრებო ნივთები, არამედ ოჯახის შემოსავალი იქნება.

სამცხე– ჯავახეთში მენინგიტის ექვსი ახალი შემთხვევა დაფიქსირდა. აქედან 2 ახალციხეში და 4 ბორჯომში. საზოგადოებრივი ჯანდაცვის ცენტრის ინფორმაციით, მათ ვირუსული ინფექცია თბილისში დაუდასტურდათ. პაციენტების მდგომარეობა ამ დროისათვის დამაკმაყოფილებელია.

შრომის, ჯამრთელობისა და სოციალური დაცვის მინისტრი დავით სერგეენკო სამცხე–ჯავახეთის ექიმებსა და ადგილობრივი სოციალური მომსახურეობის სააგენტოს თანამშრომლებს შეხვდა. მინისტრმა საყოველთაო ჯანდაცვის პროგრამა შეაფასა. ასევე, განიხილა განიხილა სოციალური დახმარების კრიტერიუმები და აღნიშნა რომ ამ საკითხთან დაკავშირებით მეთოდოლოგია შესაცვლელია. გარდა ამისა, საუბარი შეეხო სოფლის ექიმის პროგრამას, დავით სერგეენკოს თქმით, მათი  დაფინანსება 30% –ით გაიზარდა.

ასპინძის მუნიციპალიტეტში ბრუცელოზით ადამიანები დაავადდნენ.   სოფელ  რუსთავსა და იდუმალაში  დაავადება მსხვილფეხა პირუტყვიდან ადამიანზე გადავიდა. ხოლო  ოშორასა და ივერიაში ბრუცელოზი მხოლოდ შინაურ პირუტყვშია დაფიქსირებული. ამ  დროის მონაცემებით დაავადება  12  ადამიანს დაუდასტურდა, რომელთაც ამ დროისათვის მკურნალობა უტარდება.

ვირუსული მენინგიტის ახალი შემთხვევა ახალციხეში —  საზოგადოებრივი ჯანდაცვის ცენტრის ინფორმაციით, 2 ივნისისათვის, მუნიციპალიტეტის მასშტაბით მენინგიტის 4 შემთხვევაა დაფიქსირებული. მცირეწლოვან ბავშვებთან ერთად დაინფიცირებულია ასაკოვანი ქალბატონიც.

   ახალციხის მუნიციპალიტეტში მენინგიტის 3 შემთხვევა დაფიქსირდა. აქედან 1 შემთხვევა ახალციხეში, 1 სოფელ მუსხში და 1 სოფელ აწყურში. ახალციხის საზოგადოებრივი ჯანდაცვის ცენტრის ინფორმაციით, დაავადებული ბავშვები თავდაპირველად ადგილობრივ კლინიკაში მოათავსეს, ხოლო შემდეგ მათი თბილისში გადაყვანა გახდა საჭირო.  ლაბორატორიული გამოკვლევით სამივე მათგანს მენინგიტი დაუდასტურდა. მოზარდებს ამ დროისათვის შესაბამისი მკურნალობა თბილისში უტარდებათ. მედიკოსების განმარტებით , ბავშვები მენინგიტით ისევე ავადდებიან, როგორც ჩვეულებრივი ვირუსული ინფექციით. რაც უფრო მცირე ასაკისაა იგი, მით უფრო მაღალია დაავადების რისკი. ინფექცია ჩვეულებრივ, ჰაერწვეთოვანი გზით ვრცელდება – ისევე, როგორც გრიპი და სხვა რესპირაციული ინფექციები, თუმცა არც კონტაქტური გზით – საერთო საგნების, ნივთების ან ჭურჭლის საშუალებით – გავრცელებაა გამორიცხული. მენინგიტის სამი საშიში სიმპტომია: მაღალი ტემპერატურა, თავის ტკივილი და კეფისა და კუნთების დაჭიმულობა. მენინგიტზე ეჭვის შემთხვევაში ბავშვი აუცილებლად უნდა მოთავსდეს სტაციონარში.