ადიგენის სოფელ წარბასთუმანში მცხოვრები  ბახტურიძეების ოჯახი სოციალური დახმარების მოხსნას აპროტესტებენ. მათ დღეს საკუთარი შვილი, რომელიც დამოუკიდებლად ვერ გადაადგილდება სოციალური მომსახურების სააგენტოს ადიგენის განყოფილებაში მიიყვანეს. ოჯახის წევრები აცხადებდნენ რომ 32 წლის ქალიშვილს სააგენტოში იქამდე დატოვებდნენ, სანამ მათ სოციალურად დაუცველის ტიტულს არ აღუდგენდნენ. ბახტურიძეების ოჯახმა შეზღუდული შესაძლებლობების მქონე შვილის ადიგენის სოციალური მომსახურების სააგენტოში დატოვება გადაწყვიტეს. აღნიშნული სისრულეში მოიყვანეს და 32 წლის ნატო ბახტურიძე სოფელ წარბასთუმნიდან  სააგენტოს ადგიგენის განყოფილებაში მიიყვანეს. მშობლებმა გადაწყვეტილება სოციალური დახმარების მოხსნის გამო მიიღეს. ოჯახის დიასახლისმა განაცხადა, რომ  სანამ სოციალურად დაუცველის სტატუსი არ აღუდგებოდათ, შვილს სააგენტოდან არ წაიყვანდა.

ახალციხის რეფერალურ ჰოსპიტალში მ.იაშვილის სახელობის ბავშვთა ცენტრალური საავადმყოფოს ექიმებმა უფასო სამედიცინო კონსულტაციები ჩაატარეს. რეგიონში მცხოვრები ბავშვები თბილისიდან მოწვეული პედიატრების გუნდმა გასინჯა. უფასო გასინჯვებით სარგებლობა მსურველებს  ცხრა სპეციალისტთან შეეძლოთ.

4 ოქტომბერს „სამედიცინო კორპორაცია ევექსის“ ახალციხის რეფერალურ ჰოსპიტალში მ.იაშვილის სახელობის ბავშვთა ცენტრალური საავადმყოფოს ექიმები უფასო სამედიცინო კონსულტაციებს ჩაატარებენ. რეგიონში მცხოვრებ ბავშვებს თბილისიდან მოწვეული პედიატრების გუნდი გასინჯავს, ალერგოლოგის, ტრავმატოლოგ-ორთოპედის, კარდიოლოგის, რევმატოლოგის, გასტროენტეროლოგის, უროლოგ-ნეფროლოგის, ქირურგის, ნევროლოგისა და ოტორინოლარინგოლოგის შემადგენლობით. კონსულტაციები 11:00 დან – 18:00 – მდე გაგრძელდება, საჭიროების შემთხვევაში პაციენტებს უფასო კარდიოლოგიური გამოკვლევები ჩაუტარდებათ. „სამედიცინო კორპორაცია ევექსი“ მსგავსი სახის აქციას ქვეყნის მასშტაბით გეგმავს.

        ახალციხის მუნიციპალიტეტში ვირუსული ინფექციის – ყირიმ-კონგოს ცხელების შემთხვევები გამოვლინდა. სპეციალისტებმა სოფელ მინაძეში სადეზინფექციო სამუშაოები უკვე დაასრულეს, ამ დროისთვის ტერიტორიის დამუშავება ვალეში, სხვილისსა და ივლიტაში მიმდინარეობს. გამგებლის თქმით, სამივე დაავადებულის ჯანმრთელობის მდგომარეობა დამაკმაყოფილებელია.  ზაზა მელიქიძე ამბობს, რომ მოსახლეობას აღნიშნული შემთხვევების შესახებ ინფორმაცია არ აქვს. ყირიმ-კონგოს ცხელება მძიმე ვირუსული ინფექციაა, რომელიც ადამიანებზე ტკიპების ნაკბენით ვრცელდება ; ყირიმ-კონგოს ვირუსი ეპიდაფეთქებებით ხასიათდება. ვირუსული ინფექციის ძირითადი გადამტანები მინდვრის თაგვები და ტკიპები არიან. ტკიპამ ჯერ დაავადებულ მღრღნელს უნდა უკბინოს, რომელიც ინფექციის ძირითადი რეზერვუარია და შემდეგ – ადამიანს. დამახასიათებელია მაღალი ტემპერატურა, ჩნდება სისხლჩაქცევები კანზე, კანქვეშ, ნაკბენის მიდამოებში და ვითარდება სისხლდენა შინაგანი ორგანოებიდან. ყირიმ–კონგო საკმაოდ მძიმე ვირუსული დაავადებაა, ხშირ შემთხვევაში მკურნალობას არ ექვემდებარება. დაინფიცირებულთა დაახლოებით 40% იღუპება.

საქველმოქმედო აქცია პენსიონერებისათვის– არასამთავრობო ორგანიზაცია ,,საქართველოს პენსიონერთა კავშვირის“ სამცხე–ჯავახეთის რეგიონული განყოფილება სამედიცინო პრეპარატებს უფასოდ გასცემს. მათ სამედიცინო დაწესებულება ,,ავერსიდან“ 21 დასახელების მედიკამენტი მიიღეს, რომლის დარიგებასაც სამცხე–ჯავახეთის მასშტაბით გეგმავენ. აქციაში ჩასართავად, მსურველები ორგანიზაციის წევრებს უნდა დაუკავშირდნენ, რომელთა ოფისიც ახალციხეში ყოფილი გამგეობის შენობის მე–6 სართულზეა. რის შემდეგაც პენციონერები კავშირის წევრად დარეგისტრირდებიან და წლის განმავლობაში სხვადასხვა დახმარებას მიიღებენ.

22 აგვისტოს, ახალქალაქის მუნიციპალიტეტის სოფელ კუმურდოში მოსახლეობის უფასო, მრავალპროფილური სამედიცინო გასინჯვების აქცია გაიმართება. პროფილაქტიკური გამოკვლევებს შპს „ახალციხის კლინიკა იმედის“ექიმები ჩაატარებენ. აქციის ფარგლებში მთელი დღის განმავლობაში მოსახლეობას სამედიცინო მომსახურებას გაუწევენ შემდეგი დარგის ექიმი-სპეციალისტები: პულმონოლოგი, ნევროლოგი, ენდოკრინოლოგი, ოტოლარინგოლოგი, კარდიოლოგი, რადიოლოგი-ექოსკოპისტი, უროლოგი, ქირურგი, ბავშვთა ქირურგი და პედიატრი. სამედიცინო აქციის მიმდინარეობას  და მოსახლების საჭიროებებს ადგილზე გაეცნობიან ჯანდაცვის სამინისტროს საგანგებო სიტუაციების კოორდინაციისა და რეჟიმის დეპარტამენტის უფროსი ავთანდილ თალაკვაძე, სამხარეო ადმინისტრაციისა და ადგილობრივი თვითმმართველობის წარმომადგენლები. აქცია საგანგებო სიტუაციების კოორდინაციისა და რეჟიმის  დეპარტამენტის ინიციატივით და  სამცხე-ჯავახეთის სამხარეო ადმინისტრაციისა და ახალქალაქის მუნიციპალიტეტის გამგეობის ერთობლივი  ორგანიზებით ტარდება. უფასო სამედიცინო აქციას სისტემური ხასიათი აქვს და ყველა რეგიონს მოიცავს.

. 17 აგვისტოს ახალციხის რაიონულ ჰოსპიტალში სამედიცინო კორპორაცია „ევექსის“ ორგანიზებით, იმ  ბავშვებს  ვისაც კარდიოლოგიური პრობლემები, გულის თანდაყოლილი და შეძენილი მანკები აქვთ, უფასო სამედიცინო კონსულტაციები და კარდიო-ექოსკოპიური კვლევები ჩაუტარდებათ. კარდიოლოგიური პროფილით პაციენტებს კონსულტაციებს თბილისიდან მოწვეული, იაშვილის სახელობის ბავშვთა საავადმყოფოს კარდიოლოგები ჩაუტარებენ. ექიმებთან მიღება  11:00 სთ–ზე დაიწყება და  18:00 სთ–მდე გაგრძელდება. გარდა ამისა, აგვისტოს ბოლოს თბილისს, იტალიელი კარდიოქირურგების გუნდი ეწვევა, რომლებიც ქართველ ექიმებთან ერთად, იაშვილის სახელობის ბავშვთა საავადმყოფოს კარდიოქირურგიის განყოფილებაში, გულის მანკების მქონე ბავშვებში  ოპერაციებს ჩაატარებენ. სამედიცინო კონსულტაციებისა და კარდიო-ექოსკოპიური კვლევების ჩასატარებლად წარმოებს წინასწარი ჩაწერა: + 995 32 2 55 05 05 მის: ახალციხე, რუსთაველის ქ. №105 ა.

C ჰეპატიტის საერთაშორისო დღეს ადიგენის მუნიციპალიტეტიც შეუერთდა. თარიღთან დაკავშირებით, 28 და 29 ივლისს დაბაში მოსახლეობისათვის უფასო წინასწარი გამოკვლევები მიმდინარეობს. სამედიცინო დაწესებულება ,,უნიმედი სამცხეში“, სკრინინგი 60–მდე ადგილობრივმა გაიარა. C ჰეპატიტთან ბრძოლის წინააღმდეგ, აღნინშულ აქციას ადიგენში ორგანიზება  კორპორაცია ,,ევექსმა“ გაუწია. მათი ინიციატივით, მსგავსი უფასო გამოკვლევები  სამცხე–ჯავახეთის კიდევ 2 მუნიციპალიტეტში: ახალქალაქსა და ნინოწმინდაში ჩატარდა.

27 ივლისიდან С ჰეპატიტის უფასო სკრინინგ ორკვირეული იწყება. საქართველოს შრომის ჯანმრთლეობისა და სოციალური დაცვის სამინისტრო, მოსახელობას С ჰეპატიტთან დაავშირებით, გამოკვლევებს ნებაყოფლობით, სულიად უფასოდ, ათი სამუშაო დღის განმავლობაში ჩაუტარებს. აქციაში ჩართვა საქართველოს ნებისმიერ მოქალაქეს შეეძლება. ანალიზების აღება დაავადებათა კონტროლისა და საზოგადოებრივი ჯანმრთელობის ეროვნული ცენტრის ლაბორატორიებში მოხდება. საზოგადოებრივი ჯანდაცვის რეგიონული მართვის დეპარტამენტის სამცხე–ჯავხეთის განყოფილების უფროსის თქმით, მოსახლეობა პასუხებს გამოკვლევის დღესვე მიიღებს.

სამცხე-ჯავახეთის რეგიონში ჰოსპიტალური სექტორის რეაბილიტაციის პროექტი მიმდინარეობს, ერთი წლის შემდეგ ახალციხეში, ახალქალაქში, ნინოწმინდასა და ასპინძაში ფუნქციონირებას მაღალტექნოლოგიური  და თანამედროვე ტიპის სამკურნალო დაწესებულებები დაიწყებენ, მათი მიზანი რეგიონის მოსახლეობის მოთხოვნების სრულად დაკმაყოფილება იქნება. პროექტის დასრულების შემდეგ  რთული სამედიცინო მანიპულაციების ჩასატარებლად ადგილობრივებს რეგიონიდან გასვლა აღარ მოუწევთ. ჰოსპიტალური სექტორის რეაბილიტაციაზე 12 მილიონი ლარი დაიხარჯება.

ახალციხის მუნიციპალიტეტში საზოგადოებრივი ჯანდაცვის სამსახური ჩამოყალიბდა. დაწესებულებამ, ჩამოყალიბების დროს, დაავადებათა კონტროლის ეროვნული ცენტრისა და საზოგადოებრივი ჯანდაცვის დეპატამენტისგან  ის დებულებები, მითითებები და რეკომენდაციები მიიღო, რის საფუძველზეც საშტატო განრიგი შეიქმნა. სამსახურის მოვალეობაში მუნიციპალიტეტის ტერიტორიაზე ინფექციური და არაინფექციური  დაავადებების აღრიცხვა, ავადობის მაჩვენებლის ანალიზი, მეთვალყურეობა და ეპიდემიის საწინააღმდეგო ღონისძიებების გატარება შედის.

C ჰეპატიტის ელიმინაციის პროგრამაში რეგიონში არსებული კლინიკებიც ჩაერთვნენ. თუმცა სამცხე–ჯავახეთში ფარმაცევტული პრეპარატის მიღების მსურველთა რაოდენობა დიდი არ არის. C ჰეპატიტის ელიმინაციის პროგრამაში ჩასართავად, სოციალური მომსახურების სააგნეტოს სამცხე–ჯავახეთის სამხარეო ცენტრს რეგიონიდან  მხოლოდ ერთმა ადამიანმა მიმართა. პიროვნებას, რომელსაც პროგრამაში ჩართვა სურს, 18 სავალდებულო კვლევის გავლა მოუწევს. შემდეგ კი დაავადების სირთულეზეა დამოკიდებული, ჩასვამენ თუ არა მას ელიმინაციის პროგრამაში და მისცემენ თუ არა პრეპარატ სოვალდს უფასოდ.

9 რაიონული საავადმყოფო სახელმწიფო ბალანსზე გადადის. ამის შესახებ დავით სერგეენკომ განცხადება მთავრობის დღვანდელ სხდომაზე გააკეთა. აღნიშნულ 9 საავადმყოფოს შორის სამცხე-ჯავახეთიდან ბაკურიანის სამედიცინო დაწესებულებაა. ჯანდაცვის მინისტრის თქმით, კერძო კომპანიებმა ნაკისრი ვალდებულებები ვერ შეასრულეს, რის გამოც სახელმწიფო უკან იბრუნებს საავადმყოფოებს. კლინიკების დაბრუნება მთავრობას 12 მილიონი ლარი დაუჯდება. “დღეს სამინისტროდან გადის ტექნიკური ადმინისტრირების საკითხი, რომელიც შეეხება მეორე ეტაპზე გამოსყიდული რაიონული საავადმყოფოების მართვის უფლების გადაცემას. სულ არის 19 საავადმყოფო, აქედან 9 რაიონის იყო, სადაც ინვესტორმა ვალდებულება არ შეასრულა, დანარჩენი იყო ორი სადაზღვევო კომპანიისგან, რომელთაგანაც გამივისყიდეთ საავდმყოფოები. ჯამში, ინვესტორებთან ურთირთობის გასწორება სამინისტროს არაფერი არ დაუჯდა, რადგან მათ ვალდებულებები არ შეასრულეს და უბრალოდ ჩამოვართვით. გამოსყიდვებს რაც შეეხება, სულ 12 მილიონი დაჯდა”– განაცხადა სერგეენკომ.

ადიგენის საავადმყოფოში მოსახლეობას უფასო სამედიცინო გამოკვლევები ჩაუტარდა. მას  ორგანიზება ახალციხისა და ტაო–კლარჯეთის მიტროპოლიტმა თეოდორემ და საქართველოს მუფტმა ბეგლარ ქამაშიძემ გაუწიეს.   საქველმოქმედო აქციისთვის საპატრიარქოს წმინდა იოაკიმესა და ანას სახელობის სამედიცინო ცენტრის  მედიკოსები მიიწვიეს. ექიმებმა  მუნიციპალიტეტის მაცხოვრებლებს, გამოკვლევები სხვადასხვა დაავადებაზე ჩაუტარეს და შესაბამისი დანიშნულებაც მისცეს. აქციით დაბა ადიგენის 200–მდე მკვიდრმა ისარგებლა.

საშვილოსნოს ყელის კიბო – დაავადების გამომწვევი მიზეზები და პრევენციის გზები  განიხილეს სამცხე–ჯავახეთის „დემოკრატ–ქალთა საზოგადოების “ ოფისში. კოლეჯის სტუდენტებმა და მოსწავლეებმა ტრენერებისგან დაავადების რისკის ქვეშ მყოფი ქალების შესახებ ინფორმაცია მიიღეს, გაეცნენ სკრინინგის მეთოდებს და მისი თავიდან აცილების გზებზე იმსჯელეს. ტრენერების თქმით, შეხვედრის მიზანს ცხოვრების ჯანსაღი წესის დამკვიდრებაში ახალგაზრდების აქტიურად ჩართვა წარმოადგენს. 

„უნიმედი სამცხის“ ყოფილი ექიმი დაწესებულების ხელმძღვანელობას უკანონოდ გათავისუფლებაში ადანაშაულებს. კობა გრიგალაშვილი საავადმყოფოში არსებულ პრობლემებზე საუბრობს და ამბობს, რომ ექიმებს მძიმე პირობებში უწევთ მუშაობა. კობა გრიგალაშვილი, რომელიც „უნიმედი სამცხეში“ 15 წელი ქირურგად მუშაობდა – დაწესებულების ხელმძღვანელობამ გაათავისუფლა. ექიმი ამბობს, რომ მას კონტრაქტი უკანონოდ, პირადი ინტერესების გამო  შეუწყვიტეს.

სამედიცინო მომსახურება ახალციხეში  და ადგილობრივი მედიკოსების  მიმართ მოსახლეობის ნდობის საკითხი –აღნიშნულ თემაზე „მეცხრე არხმა“  საზოგადოებრივი აზრი გამოიკითხა.  საკითხის ირგვლივ ახალციხეში განსხვავებული მოსაზრებები არსებობს. ნაწილი ქალაქში არსებულ  სამედიცინო დაწესებულების მუშაობას დადებითად აფასებს, ნაწილი კი ხარვეზებზე საუბრობს. ახალციხეში არსებულ სამედიცონო მოსახურებას საზოგადოება როგორც დადებითად, ასევე უარყოფითად აფასებს. მოსახლეობის გარკვეული ჯგუფი თვლის, რომ ადგილობრივი  ექიმების კომპეტენტურობის საკითხი საეჭვოა,  ამიტომ, ისინი ქალაქის საავადმყოფოებს არ სტუმრობენ და დედაქალქის სამედიცინო დაწესებულებებით სარგებლობენ.

„აცერი და დაიცავი“– ამ ლოზუნგით, ევროპის იმუნიზაციის კვირეულის ფარგლებში,  ახალციხეში საინფორმაციო აქცია მოეწყო. ხოლო, ქალაქის საჯარო სკოლებსა და  სამცხე–ჯავახეთის სახელმწიფო  უნივერსიტეტში შეხვედრა გაიმართა. ახალციხის საზოგადოებრივი ჯანდაცვის ცენტრის ექიმებმა,  ადგილობრივებს იმუნიზაციასთან დაკავშირებით, ინფორმაცია მიაწოდეს და მათ საინფორმაციო  ბუკლეტები დაურიგეს.

ახალციხეში ფსიქო– ფიზიკური სარეაბილიტაციო ცენტრი გაიხსნა, რომელიც რეგიონის მაცხოვრებლებს მოემსახურება.  ცენტრის  ფუნქცია და პირობები მოწვეულ საზოგადოებას  ბავშვთა და მოზრდილთა ნევროლოგმა, ფიზიოთერაპევტმა და რეაბილიტოლოგმა ლიანა მერაბიშვილმა გააცნო. მენეჯერის ასისტენტის  განმარტებით, მათ უნდა მიმართონ პაციენტებმა, რომელთაც ესაჭიროებათ, სპეციალისტების დახმარება პროფილაქტიკისა თუ მკურნალობის თვალსაზრისით. გარდა ამისა, ცენტრს გართობის მსურველემაც შეუძლიათ მიაკითხონ, ვისთვისაც ფიტნეს აერობიკა და ჯანსაღი ცხოვრების წესი მნიშვნელოვანია. ცენტრის პრეზენტაციას არასამთავრობო ორგანიზაციების წარმომადგენლები, პროფესორ–მასწავლებლები  და მედიკოსები დაესწრნენ. მათ ფსიქო– ფიზიკური სარეაბილიტაციო ცენტრის  გახსნა დადებითად შეაფასეს და აღნიშნეს, რომ იგი ადგილობრივებს მნიშვნელოვან დახმარებას გაუწევს.

სამუშაო პირობების არარსებობა, დაბალი ანაზღაურება და დაგვიანებით მიღებული ხელფასები – ეს იმ პრობლემათა არასული ჩამონათვალია, რაც უნიმედი სამცხეში მედპერსონალმა გაპროტესტა. საავადმყოფოს თანამშრომლები ადგილობრივი ხელისუფლების წარმომადგენლებს შეხვდნენ და მათ თავიანთი პრობლემები გააცნეს.