ადიგენის მუნიციპალიტეტისა და ,,ეტალონ–მედიას“ შესახებ ,,მე–9 არხში“ გასულ მასალას, საინფორმაციო სააგენტო ეხმაურება. ,,ეტალონის“ პროექტების მთავარი მენეჯერის, მანანა ღოღობერიძის თქმით, ადიგენის საკრებულოს დეპუტატმა თემურ ფეიქრიშვილმა მათ ბრალი დასდო, რომ სარეკლამო მომსახურებაში კოლოსალური თანხა აიღეს.მისივე თქმით, თანხა ყოველთვიურად 100 ლარს შეადგენს და ეს მუნციპალიტეტის მიერ განხორციელებული სამუშოების წარმოსაჩენად მნიშვნელოვანია. გარდა ამისა, ეტალონ–მედიას წარმომადგენელი ,,მედიის განვითარების ფონდის“ კვლევის შედეგს ეჭვქვეშ აყენებს და ამბობს, რომ ადიგენის მუნიციპალიტეტისაგან გადაცემის ჩაწერისათვის მიღებული თანხა, 2960 ლარის ოდენობით ტელეკომპანია ,,ობიექტივის“ ბიუჯეტში არ შესულა და იგი მხოლოდ გადაცემის ჩაწერისათვის ტექნიკური მხარის უზრუნველყოფას მოხმარდა. რასაც არ ეთანხმება MDF-ს მედიამკვლევარი. გელა ბოჩიკაშვილი აღნიშნავს, რომ კვლევა ზუსტია და ტელეკომპანია ,,ობიექტივისათვის” თანხის გადარიცხვა ირიბად ხდება. ტელეკომპანია ,,მე–9 არხი“ თემით მას შემდეგ დაინტერესდა, როცა ადიგენის საკრებულოს სხომაზე, სარეკლამო თანხის არამიზნობრივი ხარჯვა დეპუტატმა თემურ ფეიქრიშვილმა გააპროტესტა, რასაც თან დაერთო ,,მედიის განვითარების ფონდის“ მიერ გამოქვეყნებული კვლევა. სიუჟეტი MDF -ს კვლევის დოკუმენტის, ასევე ეტალონსა და ადიგენის მუნციპალიტეტებს შორის გაფორმებული ხელშეკრულების საფუძველზე მომზადდა. გარდა ამისა, საკრებულოს დეპუტატის ბრალდებებს ადგილობრივი თვითმმართველობის წარმომადგენელმა სიუჟეტში მოცემულ მონაცემებს რეიტინგთან დაკავშირებით პასუხი გასცა. შესაბამისად, სატელევიზიო მასალა ბალანსსა და რეალობას მოკლებული არ არის.

ადიგენის მუნიციპალიტეტისა და ,,ეტალონ–მედიას“ შესახებ ,,მე–9 არხში“ გასულ მასალას, საინფორმაციო სააგენტო ეხმაურება. ,,ეტალონის“ პროექტების მთავარი მენეჯერის, მანანა ღოღობერიძის თქმით, ადიგენის საკრებულოს დეპუტატმა თემურ ფეიქრიშვილმა მათ ბრალი დასდო, რომ სარეკლამო მომსახურებაში კოლოსალური თანხა აიღეს.მისივე თქმით, თანხა ყოველთვიურად 100 ლარს შეადგენს და ეს მუნციპალიტეტის მიერ განხორციელებული სამუშოების წარმოსაჩენად მნიშვნელოვანია. გარდა ამისა, ეტალონ–მედიას წარმომადგენელი ,,მედიის განვითარების ფონდის“ კვლევის შედეგს ეჭვქვეშ აყენებს და ამბობს, რომ ადიგენის მუნიციპალიტეტისაგან გადაცემის ჩაწერისათვის მიღებული თანხა, 2960 ლარის ოდენობით ტელეკომპანია ,,ობიექტივის“ ბიუჯეტში არ შესულა და იგი  მხოლოდ გადაცემის ჩაწერისათვის ტექნიკური მხარის უზრუნველყოფას მოხმარდა. რასაც არ ეთანხმება  MDF-ს მედიამკვლევარი. გელა ბოჩიკაშვილი აღნიშნავს, რომ კვლევა ზუსტია და   ტელეკომპანია ,,ობიექტივისათვის” თანხის გადარიცხვა ირიბად ხდება. ტელეკომპანია ,,მე–9 არხი“ თემით მას შემდეგ დაინტერესდა, როცა ადიგენის საკრებულოს სხომაზე, სარეკლამო თანხის არამიზნობრივი ხარჯვა  დეპუტატმა თემურ ფეიქრიშვილმა გააპროტესტა, რასაც თან დაერთო ,,მედიის განვითარების ფონდის“ მიერ გამოქვეყნებული კვლევა.  სიუჟეტი MDF -ს კვლევის დოკუმენტის, ასევე  ეტალონსა და ადიგენის მუნციპალიტეტებს შორის გაფორმებული ხელშეკრულების საფუძველზე მომზადდა. გარდა ამისა, საკრებულოს დეპუტატის ბრალდებებს ადგილობრივი თვითმმართველობის წარმომადგენელმა სიუჟეტში მოცემულ მონაცემებს რეიტინგთან დაკავშირებით პასუხი გასცა. შესაბამისად, სატელევიზიო მასალა ბალანსსა და რეალობას  მოკლებული არ არის.

საქართველო ციფრულ მაუწყებლობაზე პირველი ივლისიდან გადადის.  მიწისზედა ანალოგური საეთერო სატელევიზიო გადამცემი სადგურები დედაქალაქის შემდეგ ქვეყნის მთელ ტერიტორიაზე ეტაპობრივად, ექვსი კვირის განმავლობაში გაითიშება. ანალოგიური სატელევიზო გადამცემი სადგურების გათიშვის გრაფიკი კი შემდეგია: 2015 წლის 9 ივლისს 10:00 საათზე _ გორში, ბეკამში, დუშეთში, ხაშურში მოქმედი მიწისზედა ანალოგური საეთერო სატელევიზიო გადამცემი სადგურები გაითიშება; 2015 წლის 18 ივლისს 10:00 საათზე _ ქუთაისში, ტყიბულში, ცაგერში, ფოთში, ჩოხატაურში, ოზურგეთში, ზესტაფონში, მარტვილში, სამტრედიაში, ხონში, სენაკში; 2015 წლის 30 ივლისს 10:00 საათზე _ ბათუმში, ხულოში, ქედაში და შუახევში; 2015 წლის 6 აგვისტოს 10:00 საათზე _ ზუგდიდში, წალენჯიხაში, ჩხოროწყუში და ჯვარში. 2015 წლის 18 აგვისტოს 10:00 საათზე _ ბორჯომში, ბაკურიანში, აბასთუმანში, ახალციხეში, ასპინძაში, ახალქალაქში და ნინოწმინდაში; 2015 წლის 25 აგვისტოს _ 10:00 საათზე დმანისში, ბოლნისში, წალკაში, ყაზბეგში, თიანეთში, ონში, ამბროლურში, ლენტეხში, მესტიაში, ჭიათურაში და საჩხერეში. კომუნიკაციების ეროვნული კომისიის ინფორმაციით,  ტელემაუწყებლობის გავრცელებისა და მიღების რეჟიმი, რომელიც დღეს მოქმედებს, არსებითად იცვლება. ციფრულ მაუწყებლობაზე გადასვლის რეფორმა მოსახლეობის იმ კატეგორიას ეხება, რომელიც მაუწყებლობას ღია ეთერით ე.წ. სახლის სახურავზე დამონტაჟებული ანტენით იღებს და მის ტელევიზორს DVB-T2 სტანდარტის მხარდაჭერა არ აქვს. საზოგადოების ამ ნაწილს ციფრულ ფორმატში ღია სიგნალის მისაღებად სპეციალური მოწყობილობა – სეტ-ტოპ-ბოქსი დასჭირდება. სეტ-ტოპ-ბოქსი უერთდება ძველ ტელევიზორებსაც. ულტრათანამედროვე ტელევიზორებს ციფრული სიგნალის მისაღებად სპეციალური მოწყობილობა უკვე ჩამონტაჟებული აქვს. მოსახლეობის ის ნაწილი კი, რომელიც მაუწყებლობის ტრანზიტის (საკაბელო ოპერატორის) მომსახურებით სარგებლობს, ან თანამგზავრულ მაუწყებლობას სპეციალური მოწყობილობების საშუალებით იღებს, რეფორმა არ ეხება და მათ სეტ-ტოპ-ბოქსი არ დასჭირდება, თუ ტელემაუწყებლობის ღია ეთერით მიღება არ ენდომებათ. როგორც კომისიაში განმარტავენ, სახელმწიფომ სოციალურად დაუცველი ოჯახებისთვის სეტ-ტოპ-ბოქსები უკვე შეიძინა და ყველა სოციალურად დაუცველის სტატუსის მქონე პირი, რომელსაც 70 000 და ნაკლები სარეიტინგო ქულა აქვს მინიჭებული, მის კუთვნილ სეტ-ტოპ-ბოქს რეგისტრაციის მისამართის მიხედვით, “საქართველოს ფოსტის” შესაბამის სერვის ცენტრში პირადობის დამადასტურებელი საბუთის წარდგენის შემდეგ მიიღებს. მოსახლეობის იმ ნაწილმა კი, რომელიც მაუწყებლობას ღია ეთერით, სახლის სახურავზე დამონტაჟებული ანტენით იღებს და არ წარმოადგენს სოციალურად დაუცველთა კატეგორიას და ასევე, არ აქვს DVB-T2 სტანდარტის სიგნალის მიმღები ტელევიზორი, სეტ-ტოპ-ბოქსი უნდა შეიძინოს, რომელიც საყოფაცხოვრებო ტექნიკის მაღაზიებში იყიდება.

13 ივნისს, თბილისში მომხდარი სტიქიის შესახებ ამბებს აქტიურად აშუქებდნენ, როგორც ცენტრალური არხები, ასევე რეგიონული  და მსოფლიო მედიასაშუალებები. საზოგადოების ერთ–ერთი ყველაზე  მთავარი და მნიშვნელოვანი წყარო ჟურნალისტები იყვნენ.

საქრთველო ციფრულ მაუწყებლობაზე 17 ივნისიდან აღარ გადავა. აღნიშნულის შესახებ ეკონომიკის მინისტრმა განაცხადა. ვადის გადაწევის მიზეზი, დედაქალაქში მომხდარი სტიქიური მოვლენა გახდა. დადგენილ ვადებში ციფრულ მაუწყებლობაზე გადასვლისათვის ემზადება ტელეკომპანია „მეცხრე არხიც“. ტელეკომპანია „მეცხრე არხი“ ანალოგურიდან ციფრულ მაუწყებლობაზე გადასვლისათვის მზად არის. არხის გენერალური დირექტორის განმარტებით,  ტელევიზიები ახალ მაუწყებლობაზე, ეტაპობრივად  გადავლენ.  პროცესი, იმ გრაფიკით წარიმართება, რომელსაც ეკონომიკის სამინისტრო,  ციფრულ სააგენტოსთან ერთად და რეგიონულ მაუწყებელთა ასოციაციასთან შეთანხმებით  შეადგენს.

შინაგან საქმეთა სამინისტროს „112“-ის დეპარტამენტმა 2015 წლის 27-28 მაისს, ქალაქ თბილისში, სასტუმრო „ჰოლიდეი ინნში“ მედიატური გამართა. მედიატურში მონაწილეობა საქართველოს რეგიონალური მედიის 20-ზე მეტმა წარმომადგენელმა მიიღო. „112“-ის მიერ მედიატურის ჩატარების მიზანი იყო მედიის წარმომადგენლებს მაქსიმალური ინფორმაცია ჰქონოდათ გადაუდებელი დახმარების უნიკალური ნომრის შესახებ და „112“-ის წარმომადგენლებისაგან დასრულებული, მიმდინარე თუ სამომავლო პროექტების შესახებ, დეტალური ინფორმაცია მიეღოთ. მედიატურის ფარგლებში რეგიონალური მედიის წარმომადგენლები „112“-ის მუშაობის სპეციფიკას გაეცნენ, გაიგეს თუ რა სიახლე დანერგა „112“-მა იმისათვის, რომ ყრუ და სმენადაქვეითებულ პირებს შეეძლოთ გადაუდებელი დახმარების ნომერთან დამოუკიდებლად წვდომა. ასევე შეიტყვეს, რა ღონისძიებები ჩატარდა „112“-ის ცნობადობის გაზრდისა და მოქალაქეთათვის უკეთესი სერვისის შეთავაზების კუთხით. დეტალურად განიხილეს თუ რა ცვლილებები შევიდა კანონში და რა კუთხით გამკაცრდა სასჯელი არამიზნობრივი და ცრუ ზარის განხორციელების შემთხვევაში. მედიატურის მეორე დღეს ჟურნალისტები „112“-ს ესტუმრნენ, ქოლ-ცენტრი დაათვალიერეს, ადგილზე გაეცნენ ოპერატორების მუშაობის სპეციფიკას და ზარის მიღებისა და შეტყობინების დამუშავების პროცესს დააკვირდნენ. შეხვედრის დასასრულს, შინაგან საქმეთა სამინისტროს საზოგადოებასთან ურთიერთობის დეპარტამენტის დირექტორმა ნინო გიორგობიანმა და შსს-ს „112“-ის დეპარტამენტის დირექტორის მოადგილე თეა გზირიშვილმა „112“-ის მიერ ორგანიზებული მედიატურის ყველა მონაწილეს სერტიფიკატები გადასცეს.

ადგილობრივი ხელისუფლებისა და მასმედიის ურთიერთობას საკრებულოს სხდომაზე  დეპუტატები განიხილავენ. მერიის მაღალი თანამდებობის პირები რეგიონში მოქმედ მედიას  სარედაქციო პოლიტიკას უწუნებენ და ურთიერთობის საკუთარ პირობებს უწესებენ. ახალციხის მერიიდან და საკრებულოდან საჯარო ინფორმაციის გამოთხოვაში ფულს როგორც ჟურნალისტები, ასევე რიგითი მოქალაქეებიც გადაიხდიან. დეპუტატების უმრავლესობამ ამ ინიციატივას მხარი დაუჭირა. აღნიშნული გადაწყვეტილებით, თუ გამოთხოვილი ინფორმაცია 40 გვერდს აღემატება, მაშინ განმცხადებელს თითო ფურცელში 5 თეთრის გადახდა მოუწევს.

ახალციხის დემოკრატიული ჩართულობის ცენტრში ახალი ვებ-პორტალის პრეზენტაცია გაიმართა. ShenMarTav.ge – არის დამოუკიდებელი ინტერნეტ საიტი, რომელიც მოქალაქეთა გააქტიურების მიზნით შეიქმნა.  მომხმარებლებს საშუალება აქვთ ოთხი თვითმმართველი ერთეულის: ახალციხის, გორის, ბათუმისა და რუსთავის მუნიციპალური საკრებულოების საქმიანობას დააკვირდნენ.  ვებ–გვერდზე განთავსებულია მუნიციპალიტეტებში მიმდინარე სიახლეები,  ინფორმაცია წარმომადგენლობითი და საკანონმდებლო ორგანოების წევრების შესახებ, დეპუტატების სხდომებზე დასწრების სიხშირე და სხვა. პორტალი ვიზიტორს, ასევე, საშუალებას აძლევს  საკრებულოსა და პარლამენტის წევრებს კითხვები ონლაინ რეჟიმში დაუსვას და  შესაბამისი პირისგან პასუხიც მიიღოს.

საქართველო 2015 წლის 17 ივნისიდან ციფრულ მაუწყებლობაზე გადადის. პროცესში ქვეყანა ერთი წელია ჩაერთო. აღნიშნულისთვის განსაკუთრებულად ემზადებიან ტელეკომპანიები. თვეზე ნაკლები რჩება იმ  დრომდე, როდესაც საქართველო ანალოგური სიხშირიდან  ციფრულ მაუწყებლობაზე გადავა. მოსახლეობის ნაწილმა პროცესისთვის მზადება  უკვე დაიწყო და ტექნიკის მაღაზიებს მიმართა,  ნაწილი კი  აღნიშნულის შესახებ ინფორმაციას ამ დრომდე არ ფლობს.  

რა სახის ცვლილებები ელოდება მოსახლეობას 2015 წლის 17 ივნისიდან, მას შემდეგ, რაც საქართველო ციფრულ მაუწყებლობაზე გადავა – ამის შესახებ, სამცხე–ჯავახეთის სახელმწიფო უნივერსიტეტში შეხვედრა გაიმართა. საქართველოს კომუნიკაციების ეროვნულ კომისიასთან მოქმედმა, მომხმარებელთა ინტერესების საზოგადოებრივი დამცველის სამსახურმა, სტუდენტებსა და პროფესორ–მასწავლებლებს სიახლეები გააცნო. მათი თქმით, მოსახლეობა არასაკმარისად არის ინფორმირებული ციფრული მაუწყებლობის შესახებ, რადგან მათი უმრავლესობა ფიქრობს, რომ ტელევიზორები, რომლითაც აქამდე სარგებლობდნენ, აღარ გამოდგება და  საჭიროა ახალი შეიძინონ.

,,დანაშულის გაშუქება მედიაში“–ამ თემაზე დღეს ,,ლიდერთა სახლის“ ახალციხის წევრებთან შეხვედრა გაიმართა. ახალგაზრდებისათვის საინტერესო კითხევებს ტელეკომპანია ,,მე–9 არხის“ საინფორმაციო სამსახურის უფროსმა, თიკო კურტანიძემ უპასუხა. მან ,,ლიდერთა სახლის“ 10–მდე მონაწილეს ჟურნალისტური გამოცდილების შესახებ უამბო და ისაუბრა, თუ როგორ შუქდება მედიაში დანაშულებები, რა ეთიკური ნორმების დაცვაა საჭირო და რამდენად აინტერესებს მსგავსი ამბების ხილვა მაყურებელს.

ადიგენის მუნიციპალიტეტის საკრებულოს სხდომაზე დასასწრებად ჟურნალისტებს ნახევარსაათიანი  ლოდინი მოუხდათ. როგორც “მეცხრე არხის” კორესპონდენტი თაკო ფეიქრიშვილი ამბობს, სხდომაზე დასწრებისა და გადაღების  უფლება არ მისცეს. დაცვის წევრებმა გადამღებ ჯგუფს განუცხადეს, რომ ბრძანება ჰქონდათ, ჟურნალისტები შენობაში  არ შეეშვათ, თუ ვისგან  ამას არ აკონკრეტებდნენ. ნახევარი საათის შემდეგ,  საკრებულოს “ნაციონალური მოძრაობის” დეპუტატების მოთხოვნისა და შემდეგ უკვე თავმჯდომარის თანხმობის შემდეგ, ჟურნალისტები სხდომაზე შევიდნენ. ადგილზე  ტელეკომპანია “მეცხრე არხი” იმყოფება და დეტალებს რამდენიმე წუთში მოგაწვდით.

როგორი იყო 2014 წელი მეცხრე არხისთვის, რას ასახელებს ყველაზე დიდ მიღწევად ტელეკომპანიის შემოქმედებითი ჯგუფი, როგორ აფასებენ ისინი გასულ წელს და რა იმედებით ხვდებიან ახალ, 2015 წელს?

„მეცხრე არხის“ სატელევიზიო მასალამ მედია კონკურსში პირველი ადგილი აიღო. თაკო ფეიქრიშვილის ტელე-სიუჟეტმა სახელწოდებით „გავა თუ არა პროდუქცია ევროპულ ბაზარზე ახალციხიდან“ – ჟიურის მოწონება ყველაზე მეტად დაიმსახურა. მეცხრე არხის ჟურნალისტს საჩუქრად პლანშეტი და სიგელი გადაეცა. დაჯილდოების ცერემონია ქუთაისში შედგა.

არასამთავრობო ორგანიზაციები, სტუდენტები და საზოგადოების სხვა წევრები გაზეთ „სამხრეთის კარიბჭის“ ირგვლივ მომხდარ მოვლენებს ეხმაურებიან. მათ დღეს შეხვედრა გამართეს და განაცახადეს, რომ ჟურნალისტმა ისეთ თემებზე უნდა იმუშავონ, რომელიც საზოგადოებაში დაპირისპირებას არ გამოიწვევს. გაზეთ „სამხრეთის კარიბჭის“ ირგვლივ განვითარებულ მოვლენებს ახალციხეში არსებული არასამთავრობო ორგანიზციები და საზოგადოების წევრები გამოეხმაურნენ. მათი განხილვის თემას  რედაქციის მიერ გამოქვეყნებული სტატია წარმოადგენდა, სადაც საუბარია იმაზე, რომ სოფელ გოგაენში მომხდარ  მკვლელობაში  ბრალდებულის დები, სამცხე–ჯავახეთის საამმართველოს უფროსს თეიმურაზ კალანდაძეს ძალადობის მცდელობაში ადანაშაულებენ.  შეხვედრის  ორგანიზატორები ამბობენ,  რომ ჟურნალისტმა ისეთ თემებზე უნდა იმუშავონ, რომელიც საზოგადოებაში დაპირისპირებას არ გამოიწვევს.

ახალქალაქის მუნიციპალიტეტის სოფელ გოგაშენის მაცხოვრებლები გაზეთ “სამხრეთის კარიბჭესთან” აქციას დღესაც აგრძელებენ. მოკლული ბებიისა და შვილიშვილის თანასოფლებები მედიას ინფორმაციის გავრცელებას სთხოვენ. აქციის ერთ–ერთი მონაწილე, ლალი მაისურაძე აცხადებს, რომ მკვლელობაში ბრალდებულის დის შვილმა მის წინააღმდეგ წყევლის გამო პოლიციაში საჩივარი შეიტანა. “ამბობს, რომ გუშინ დავწყევლე და ამის გამო მიჩივლა. როგორ დავწყევლე, როცა გუშინ აქციაზე ვიყავი? ისინი მუდმივად იტყუებიან და შეურაცხყოფას გვაყენებენ” – აცხადებს ლალი მაისურაძე. მისი თქმით, წყევლის გამო ბრალდებულის ოჯახის წევრებმა უკვე მეორედ უჩივლეს. გოგაშენის მოსახლეობა მოითხოვს, რომ აღნიშნულის თაობაზე მედიასაშუალებებმა ინფორმაცია გაავრცელონ და საზოგადოებას აჩვენონ, რომ ბრალდებულის ოჯახის წევრები დაზარალებულებს შეურაცხყოფას მუდმივად აყენებენ. ისინი, ასევე მოითხოვენ, სამცხე–ჯავახეთის გუბერნატორთან აკაკი მაჭუტაძესთან შეხვედრას. შეგახსენებთ, რომ გოგაშენის მოსახლეობამ აქცია  “სამხრეთის კარიბჭეს” რედაქციასთან 11 დეკემბერსაც გამართა, რა დროსაც გაზეთის კორესპონდენტი დეზინფორმაციის გავრცელებაში დაადანაშაულეს.  თავად  “სამხრეთის კარიბჭემ” კი ფაქტი, რედაქციის მუშაობაში ჩარევისა და ზეწოლის მცდელობად შეაფასა.

ახალქალაქის მუნიციპალიტეტის სოფელ გოგაშნის  მაცხოვრებლებმა  “სამხრეთის კარიბჭე”–ს რედაქციასთან აქცია  გამართეს. მოკლული ბებიისა და შვილიშვილის  თანასოფლელებმა გაზეთი  დეზინფორმაციის გავრცელებაში დაადანაშაულეს. თავად  “სამხრეთის კარიბჭე” ფაქტს რედაქციის მუშაობაში ჩარევასა და ზეწოლის მცდელობად აფასებს. ხმაური გაზეთ „სამხრეთის კარიბჭეს“ რედაქციასთან, გამოქვეყნებულ სტატიას მოჰყვა. მოკლული ბებიისა და შვილიშვილის ოჯახის წევრებმა და  თანასოფლელებმა გაზეთი  დეზინფორმაციის გავრცელებაში დაადანაშაულეს.