ახალქალაქის მუნიციპალიტეტის სოფელ გოგაშნის  მაცხოვრებლებმა  “სამხრეთის კარიბჭე”–ს რედაქციასთან აქცია  გამართეს. მოკლული ბებიისა და შვილიშვილის  თანასოფლელებმა გაზეთი  დეზინფორმაციის გავრცელებაში დაადანაშაულეს. თავად  “სამხრეთის კარიბჭე” ფაქტს რედაქციის მუშაობაში ჩარევასა და ზეწოლის მცდელობად აფასებს. ხმაური გაზეთ „სამხრეთის კარიბჭეს“ რედაქციასთან, გამოქვეყნებულ სტატიას მოჰყვა. მოკლული ბებიისა და შვილიშვილის ოჯახის წევრებმა და  თანასოფლელებმა გაზეთი  დეზინფორმაციის გავრცელებაში დაადანაშაულეს.

    ახალქალაქის მუნიციპალიტეტის სოფელ გოგაშნის  მაცხოვრებლები “სამხრეთის კარიბჭე”–ს რედაქციასთან აქციას მართავენ. მოკლული ბებიისა და შვილიშვილის  თანასოფლელები გაზეთს  დეზინფორმაციის გავრცელებაში ადანაშაულებენ. აქციის მონაწილეები აცხადებენ, რომ  “სამხრეთის კარიბჭე”–ს ჟურნალისტი თამუნა უჩიძე მხოლოდ ერთი მხარის პოზიციაზე წერს და მათი მოსაზრებით არ ინტერესდება. “გაზეთი “სამხრეთის კარიბჭე” დეზინფორმაციას ავრცელებს. მხარს უჭერს მკვლელის ოჯახს და პოლიციას ჩირქს სცხებს. მკვლელის ნათესავებს კიდევ ეგ უნდათ? სწორედ პოლიციის დამსახურებაა ეგენი ცოცხლები რომ არიან” – აცხადებს გოგაშნის მკვიდრი შოთა ქართველიშვილი. ჟურნალისტების კითხვაზე, კონკრეტულად, რა იყო ტყუილი, რომელიც “სამხრეთის კარიბჭემ” გაავრცელა, გოგაშნელები აცხადებენ, რომ გაზეთმა მკვლელობასთან დაკავშირებული ყველა ფაქტი დაამახინჯა. თამუნა უჩიძის თქმით, გაზეთი მოვლენებს ყოველთვის აშუქებს ისე, როგორც რეალურად ხდება. ჟურნალისტის თქმით, მისი განსასჯელი არ არის, ვინ არის დამნაშავე. გოგაშნელებმა უკმაყოფილება “სამხრეთის კარიბჭე”–ს გარდა, ტელეკომპანია “მაესტროს მიმართაც გამოხატეს. მათი მტკიცებით, სიმართლე არც აღნიშნულმა მედიასაშუალებამ გაავრცელა. საქმე ეხება ახალქალაქის მუნიციპალიტეტის სოფელ გოგაშენში ბებიისა და შვილიშვილის მკვლელობას და მას შემდეგ განვითარებულ მოვლენებს.  გოგაშნელების უკმაყოფილება კი გაზეთის კორესპონდენტის მიერ მიმდინარე კვირაში მომზადებულმა სტატიამ გამოიწვია, სადაც, წერია, რომ მკვლელობაში ბრალდებულის დები სამართალდამცველებმა სცემეს და მათ გაუპატიურებით დაემუქრნენ. აქციის მონაწილეები აცხადებენ, რომ აღნიშნულ სტატიაში დაზარალებული მხარის, ანუ მოკლულის ოჯახის წევრების და მათი თანასოფლელების პოზიცია არ ჩანს. ისინი რედაქციის დახურვას მოითხოვენ.

ტელეკომპანია „მეცხრე არხს“ ჰოლანდიელი მედია-ექსპერტი და ორგანიზაცია ,,Press Now”-ს წარმომადგენელი ესტუმრა. ჯეკ კრუზმა ტელევიზია დაათვალიერა და ჟურნალისტებს და ტექნიკურ ჯგუფს ტრენინგი ჩაუტარა

რელიგიური მრავალფეროვნება,  ეთნიკური უმცირესობები და ტრადიციული ღირებულებები – აღნიშნული საკითხები  ევროპის  48 ქვეყნის წარმომადგენელმა „მეცხრე არხში“ ჟურნალისტებთან ერთად განიხილა.  მათ ტელეკომპანია დაათვალიერეს და ადგილობრივი არხის მუშაობით დაინტერესდნენ.  ახალგაზრდების კითხვები ძირითადად შეეხო,  თუ როგორ შუქდება ადამიანის უფლებები, არჩევნები,  გენდერული და ეთნიკური უმცირესობების საკითხები. ასევე, დაინტერესდნენ რა პრობლემებს აწყდებიან ახალგაზრდა ჟურნალისტები  რეგიონში მუშაობის პროცესში.  

„გარბმობილი“ სამცხე–ჯავახეთში.  რეგიონულ მაუწყებელთა ასოციაციის წარმომადგენლები, ამჯერად, აწყურის, ვალეს, სხვილისისა და აბასთუმნის პრობლემებს გაეცნენ. გარდა ამისა, მოწვეულმა ექსპერტმა ადგილობრივებს ევროკავშრთან ასოცირების შეთანხმების ფარგლებში მათი პრობლემების მოგვარების გზები გააცნო.

ტელეკომპანია „მეცხრე არხმა“ „მესხური ფესტივალისთვის“ მზადება დაიწყო.

,,სასამართლო ათავისუფლებს შპს ,,იმპერია”-ს ადმინისტრაციული პასუხისმგებლობისაგან  და შემოიფარგლება სიტყვიერი შენიშვნით” – ეს განაჩენი დღეს  ტელეკომპანია ,,მე-9 არხს” მოსამართლე გოჩა ჯეირანაშვილმა გამოუტანა. დღევანდელ პროცესზე მაუწყებელს  საქართველოს კომუნიკაციების მარეგულირებელმა კომისიამ ბრალი სარეკლამო ვადების დარღვევაში დასდო.

,,სამხრეთის კარიბჭე” 10 წლისაა – რეგიონულმა გაზეთმა დღეს იუბილე აღნიშნა. როგორ ვითარებოდა დროთა განმავლობაში და რა ეტაპები განვლო მან დღემდე, ამაზე მოწვეულ სტუმრებს გაზეთის თანამშრომლები ესაუბრნენ. გარდა ამისა, მათ აუდიტორიას წლების განმავლობაში შეგროვებული ფოტო მასალაც უჩვენეს. საღამო რაბათის კომპლექსში  გაიმართა, სადაც დაპატიჯებულ სტუმრებს შორის ,,სამხრეთის კარიბჭის” პირველი სარედაქციო კოლეგია, მისი დამფუძნებლები, ადგილობრივი ხელისუფლების, არასამათავრობო და დონორი ორგანიზაციების წარმომადგენლები იმყოფებოდნენ.

აჭარის მთავრმა პროკურატურამ  „ტელეარხ 25“ –ის ჟურნალისტის ჯაბა ანანიძის განცხადების საფუძველზე საქმის შესწავლა დაიწყო. პროკურატურის პრესსამსახურის განმარტებით, ამ ეტაპზე გამოძიება ვერ დაიწყებოდა, რადგან ჯერ განცხადებებში აღწერილი ფაქტების შესწავლა მიმდინარეობს. დანაშაულის გამოვლენის შემთხვევაში კი პროკურატურა გამოძიებას დაიწყებს.  

ციფრულ  მაუწყებლობაზე გადასვლის უზრუნველსაყოფად სოციალურად დაუცველ  მოსახლეობას  სპეციალური მოწყობილობა  დაურიგდება. ციფრული მაუწყებლობის სააგენტომ ეგრეთწოდებული Set top box–ების შესყიდვის გამარტივებული პროცედურა,  სიღარიბის ზღვარს მიღმა მყოფი ოჯახებისათვის  უკვე დაიწყო.

ამერიკის შეერთებული შტატების საელჩოში ,,მედია პარტნიორობის პროგრამა” განიხილეს.   ტელეკომპანიების „მეცხრე არხის” , ბორჯომის”,  „გურიისა” და რადიო „ძველი ქალაქის” წარმომადგენლებმა პროგრამაში მონაწილეობის შედეგები წარმოადგინეს.

ევროკავშირთან ასოცირების დოკუმენტზე  ხელმოწერასთან დაკავშირებით  სამცხე–ჯავახეთისა და ქვემო ქართლის რეგიონული მედიის წარმომადგენლები ქვეყნის პირველ პირებს შეხვდნენ. მათ საქართველოსა და ევროპას შორის  ურთიერთობაზე ისაუბრეს  და ის კითხვები გააჟღერეს, რომელიც ასოცირების ხელშეკრულებასთან დაკავშირებით საზოგადოებას აინტერესებს. ღონისძიებას ტელეკომპანია „მეცხრე არხის“  წარმომადგენლებიც დაესწრნენ.

როგორია “ჟურნალისტიკა ზურგჩანთით”,  როგორ მოვამზადოთ  სიუჟეტი, რა მნიშვნელოვანი როლი ენიჭება რეპორტაჟში  კომუნიკაციას და ამბის თხრობის ვიზუალურ მხარეს — ამ და სხვა მნიშვნელოვან საკითხებზე ჟურნალისტმა ბილ ჯენტლიმ საკუთარი გამოცდილება ადგილობრივი მედიის წარმომადგენლებს გაუზიარა. მან პროფეისიის მნიშვნელობაზე ისაუბრა და აღნიშნა, რომ თუ მაყურებელს კადრების საშუალებით ინფორმაციას სწორად მივაწვდით, მაშინ მთავარი  მისია შესრულებული იქნება. ბილ ჯენტლის განმარტებით ყველა ადმიანს შეუძლია ჟურნალისტად იქცეს, მთავარია მას თანამედროვე აპარატურა და საზოგადოებისთვის ინფორმაციის მიწოდების უნარ–ჩვევები გააჩნდეს.

როგორ უნდა გაძლიერდეს სარეკლამო სამსახური, ვინ შეიძლება იყოს არხზე რეკლამის პოტენციური დამკვეთი და რა უნდა შესთავაზო მათ, იმისთვის რომ ეთერში რეკლამა განათავსონ – ამ და სხვა საკითხებზე ახალციხის ტელეკომპანიის თანამშრომლებს ტრენინგი ჩუტარდათ. გაყიდვებისა და სარეკლამო სფეროს  ექსპერტებმა „მეცხრე არხის” სარეკლამო სამსახურს თავინთი გამოცდილება გაუზიარეს და მსოფლიო სტანდარტები გააცნეს.

ევროკავშირის ელჩი საქართველოში რეგიონული ტელევიზიის ჟურნალისტებს შეხვდა. ფლიპ დიმიტროვი მედიის წარმომადგენლებს  ასოცირების ხელშეკრულებაზე ესაუბრა , მათთან ერთად  ევროკავშირში გაწევრიანებასთან დაკავშირებული გამოწვევები განიხილა და ჟურნალისტების აზრიც მოისმინა.

ტელეხიდი სამ სტუდიას შორის.  ,,მეცხრე არხი” ტელეკომპანია ,,ბორჯომთან” და ,,გარბთან” ერთად ახალ გადაცემას იწყებს. პოლიტიკური თოქ–შოუ ,,ინტერაქტივის” მომზადებაში ორ ტელეკომპანიას პარტნიორობას საქართველოს რეგიონულ მაუწყებელთა ასოციაცია გაუწევს. ახალ პროექტს, რომელიც რვა თვის განმავლობაში გაგრძელდება  არასამთავრობო ორგანიზაცია ,,სამცხე–ჯავახეთის მედიაცენტრი” ახორციელებს.

“მიმდინარე მოვლენების გაშუქების მხრივ მოსახლეობა რეგიონებში ყველაზე მეტად ახალციხის „მე-9 არხის“ მიმართ არის ნეიტრალურად განწყობილი”-ეს  შედეგი  საერთაშორისო ორგანიზაცია NDI-მ  გამოაქვეყნა. ეროვნულ დემოკრატიულმა ინსტიტუტმა მოსახლეობაში კვლევები ჩაატარა, რომლის მიხედვითაც ადგილობრივების 46 %  ტელეკომპანია „მეცხრე არხს“ ყველაზე ნეიტრალურად მიიჩნევს.

სამცხე–ჯავახეთის სახელმწიფო უნივერსიტეტის გაზეთის „მესხეთის უნივერისტეტის“ რედაქტორს საქართველოს დამსახურებული ჟურნალისტის წოდება მიენიჭა. მარინა ზედელაშვილს ჟურნალისტიკაში შეტანილი წვლილისათვის საქართველოს ჟურნალისტთა შემოქმედებითმა კავშირმა სიგელი გადასცა. 

   სამცხე – ჯავახეთის სახელმწიფო უნივერსიტეტის გაზეთის „მესხეთის უნივერსიტეტის“ რედაქტორს მარინე ზედელაშვილს საქართველოს დამსახურებული ჟურნალისტის წოდება მიენიჭა. აღნიშნუილი წოდება მესხ ქალბატონს ჟურნალისტიკაში შეტანილი წვლილისათვის,  საქართველოს ჟურნალისტთა შემოქმედებითმა კავშირმა მიანიჭა. “ეს ჯილდო მარტო ჩემი არაა, ეს ყველას გვეკუთვნის, მესხეთში მომუშავე ყველა ჟურნალისტს. ეს ჯილდო ყველა თქვენგანისაა” – აღნიშნა მარინე ზედელაშვილმა “მეცხრე არხთან” სატელეფონო საუბრისას. მარინე ზედელაშვილი 40 წელზე მეტია ჟურნალისტიკის სფეროში მოღვაწეობს.  

არასახელმწიფო ენაზე წარმოებული მხატვრული ფილმების სუბტიტრირებით განთავსების მაჩვენებელი 30 -ის ნაცვლად 10%-მდე შემცირდა -ამის შესახებ ინფორმაცია, საქართველოს კომუნიკაციების ეროვნულმა კომისიამ გაავრცელა. სიახლეს ტელეკომპანია “მეცხრე არხზე” დიდი გავლენა არ მოუხდენია, თუმცა აღნიშნულით რეგიონულ მაუწყებელთა ასოციაცია კმაყოფილია.