გიორგი კოპაძე ,,მეცხრე არხში" ბოდიშის მოსახდელად მხარდამჭერებთან ერთად მივიდა
20:50 / 26.07.2018
საქართველოს პარლამენტის წევრი გიორგი კოპაძე ,,მეცხრე არხში" სასამართლოს მიერ დაკისრებული გადაწყვეტილების აღსასრულებლად 20–მდე
მხარდამჭერთან ერთად მივიდა. სამივე ინსტანციის სასამართლო გადაწყვეტილების აღსრულება, 26 ივლისს, თოქ–შოუ ,,დიალოგში" ზუსტად იმავე გადაცემაში მოხდა, სადაც ორი წლის წინ გიორგი კოპაძემ ჯიმშერ გოგოლაურის მიმართ ღირსების, პატივისა და საქმიანი რეპუტაციის შემლახავი განცხადება გააკეთა.
გიორგი კოპაძემ აღნიშნა, რომ კანონმორჩილი მოქალაქეა და იმის მიუხედავად, რომ არ ეთანხმება სასამართლოს მიერ გამოტანილ გადაწყვეტილებას, მის აღსასრულებლად ტელევიზიაში მაინც მივიდა.
მიუხედავად იმისა, რომ ჯიმშერ გოგოლაური ტელეკომპანია "მეცხრე არხში" იმყოფებოდა, იგი საეთერო სტუდიაში არ შესულა. ახალციხე – ადიგენის მაჟორიტარი დეპუტატის გამოსვლის შემდეგ, ჯიმშერ გოგოლაურმა განაცხადა, რომ კვლავ მიმართავს აღმასრულებელს, რადგან აცხადებს, რომ კანონმდებელმა ,,გადაწყვეტილება არ აღასრულა და მხოლოდ ზოგადი ტექსტი ჩაიკითხა".
პარლამენტის წევრს გიორგი კოპაძესა და ქალაქ ახალციხის საკრებულოს ყოფილ დეპუტატს ჯიმშერ გოგოლაურს შორის დაპირისპირება 2015 წლის 10 დეკემბერს დაიწყო. ახალციხის ტელეკომპანია "მე–9 არხის" გადაცემა "დიალოგში", პირდაპირ ეთერში, ახალციხის 2016 წლის ბიუჯეტის პროექტის განხილვის დროს, გიორგი კოპაძემ გოგოლაურს ბრალი დასდო, რომ პოლიციაში მუშაობის დროს, პატიმრების უფლებებს არღვევდა. ცილისწამებისთვის გოგოლაურმა კოპაძეს უჩივლა და მას სამივე ინსტანცია მოუგო.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.