პოლიტიკა
ყოველთვის ვიქნებით საქართველოს გვერდით - ლიეტუვას საგარეო საქმეთა მინისტრი
ოკუპირებულ ტერიტორიებზე ე.წ. არჩევნები და „ბორდერიზაცია“ მიუღებელია და დაგმობას იმსახურებს, - ამის შესახებ ლიეტუვას საგარეო საქმეთა მინისტრმა ლინას ლინკევიჩუსმა საქართველოს საგარეო საქმეთა მინისტრ დავით ზალკალიანთან შეხვედრის შემდეგ ერთობლივ პრესკონფერენციაზე განაცხადა.

ამასთან, ლინკევიჩუსმა დემოკრატიის მიმართულებით ქვეყნის მიერ გასატარებელ ღონისძიებებზეც გააკეთა აქცენტი და აღნიშნა, რომ საქართველომ უნდა უზრუნველყოს ცოცხალი დემოკრატიის რეალიზება ქვეყნის შიგნით.

ლიეტუვას საგარეო უწყების ხელმძღვანელმა საქართველო-ლიეტუვას ურთიერთობებზე ისაუბრა და აღნიშნა, რომ ორმხრივი თანამშრომლობა მჭიდროა. მისივე თქმით, ის იმყოფება საქართველოში, რომ აღნიშნოს ორ ქვეყანას შორის 25- წლიანი ურთიერთობის დამყარების საიუბილეო თარიღი.

„ჩვენ მხარს ვუჭერთ საქართველოს ევროპული ინტეგრაციის მიმართულებით. ყოველთვის ვაცხადებდით, რომ საქართველო ლიდერი გახლავთ და უნდა გავაფართოვოთ ის, რასაც ვაკეთებთ. ნატო-ს კონტექსტში საქართველო მოქმედებს, როგორც ნატოს- წევრი, გამოყოფს თავის შეიარაღებულ ძალებს, იზიარებს რისკებს.

ასევე, თქვენგან მოველი ამის რეალიზაციას , ეს გახლავთ ცოცხალი დემოკრატია ქვეყნის შიგნით. ეს ნიშნავს ჩართულობას ყველა დაინტერესებულ მხარესთან , განსაკუთრებით მომავალ შემოდგომაზე არჩევნების ჭრილში.

ასევე მნიშვნელოვანია ვისაუბროთ მედიის პლურალიზმზე. ყველა აღნიშნული ინსტრუმენტი მხარდაჭერილი უნდა იყოს მთავრობის მიერ. აღნიშნული ცხადყოფს ჯანსაღ საზოგადოებას, ქვეყანას, რომელსაც ვიხილავთ ევროატლანტიკური კლუბის წევრად მომავალში. ადვილი არ გახლავთ ამის მიღწევა, ვიცით ბარიერი და ობიექტური პრობლემები დგება ჩვენს წინაშე, მაგრამ ეს უკან დახევის მიზეზი არ გახლავთ.

ყოველთვის ვიქნებით თქვენს გვერდით, როცა საჭირო იქნება, არამხოლოდ საზეიმო დროს, არამედ სირთულეებშიც. ჩვენ მხარს ვუჭერთ იმ ღირებულებებს, რომელიც არამარტო საქართველოსთვის, ჩვენთვისაც მნიშვნელოვანია - ტერიტორიული მთლიანობა, სუვერენტიტეტი. ვინც იყენებს სამხედრო წესებს, მიუღებელია. ის, რაც ხდება საქართველოსა და უკრაინაში, რეალურად და სერიოზულად უნდა იქნას დანახული“, - განაცხადა ლინკევიჩუსმა.
Print E-mail
Facebook Twitter
პარტნიორი მედიასაშუალებების მასალები
ამინდი
ახალციხე 12 °C
img
ახალქალაქი 8 °C
img
ასპინძა 12 °C
img
ადიგენი 19 °C
img
ბორჯომი 12 °C
img
თბილისი 18 °C
img
აბასთუმანი 8 °C
img
ბაკურიანი 7 °C
img
ნინოწმინდა 8 °C
img
ვალუტა
EUR
EUR
1
3.2902
RUB
RUB
100
4.6406
TRY
TRY
1
0.5207
USD
USD
1
2.9738
AMD
AMD
1000
6.2422
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.