საჯარო მოხელეთა შესარჩევი კონკურსი და  თანამდებობები, რომლებზეც ვაკანსია რამდენჯერმე  ცხადდება. გაამართლა თუ არა საჯარო სამსახურებში თანამშრომელთა კონკურსის წესით შერჩევამ და რატომ ვერ ხერხდება ადგილობრივ თვითმმართველობებში თანამშრომელთა შერჩევა ერთხელ გამოცხადებული კონკურსის საფუძველზე – კვალიფიციური კადრების ნაკლებობა თუ ნეპოტიზმის პრობლემა თვითმმართველობებში?–  რას ფიქრობს ხალხი, ექსპერტი და ხელისუფლება – თემით “მეცხრე არხი” დაინტერესდა. სამცხე–ჯავახეთის 7  მუნიციპალიტეტში საჯარო მოხელეთა შესარჩევი კონკურსი სექტემბრის თვის შემდეგ ზოგან მესამედ, ზოგან კი მეოთხედ  გამოცხადდა.

საჯარო მოხელეთა შესარჩევი კონკურსი და  თანამდებობები, რომლებზეც ვაკანსია რამდენჯერმე  ცხადდება. გაამართლა თუ არა საჯარო სამსახურებში თანამშრომელთა კონკურსის წესით შერჩევამ და რატომ ვერ ხერხდება ადგილობრივ თვითმმართველობებში თანამშრომელთა შერჩევა ერთხელ გამოცხადებული კონკურსის საფუძველზე – კვალიფიციური კადრების ნაკლებობა თუ ნეპოტიზმის პრობლემა თვითმმართველობებში?–  რას ფიქრობს ხალხი, ექსპერტი და ხელისუფლება – თემით “მეცხრე არხი” დაინტერესდა.

სამცხე–ჯავახეთის 7  მუნიციპალიტეტში საჯარო მოხელეთა შესარჩევი კონკურსი სექტემბრის თვის შემდეგ ზოგან მესამედ, ზოგან კი მეოთხედ  გამოცხადდა. მიუხედავად ამისა, ადგილობრივ თვითმმართველობაში ვაკანტური პოზიციები კვლავ რჩება. შესაბამისად, კონკურსი ისევ თავიდან ცხადდება, საგამოცდო პროცესისათვის  საჭირო თანხა კი ადგილობრივი ბიუჯეტიდან იმდენჯერ გამოიყოფა, რამდენჯერაც კონკურსი ჩატარდება. იმაზე, რომ საჯარო მოხელეთა შესარჩევ კონკურსს გარკვეული ხარვეზები ახლავს, მუნიციპალიტეტის პირველი პირვებიც საუბრობენ. მათი თქმით, კანდიდატთა შერჩევის აღნიშნული მეთოდი გამართლებულია, თუმცა პროცესი – დასახვეწი.

რატომ რჩება რამდენჯერმე ჩატარებული კონკურსის შემდეგ პოზიციები კვლავ ვაკანტური, ამის შესახებ ადგილობრივებს განსხვავებული მოსაზრებები აქვთ, მათი ნაწილი ამბობს, რომ მოსახლეობას  კონკურსის ობიექტურობაში ეჭვი ეპარება და კონკურსში მონაწილეობას არ იღებენ. ნაწილი კი უკვე შერჩეული კადრების არაკვალიფიციურობაზე საუბრობს და ამბობს, ამისი მიზეზი ვაკანტურ ადგილებზე პირების ახლობლობით დანიშვნაა.

საჯარო მოხელეთა შესარჩევი კონკურსის დადებით და უარყოფით მხარეებზე საუბრობს ექსპერტი ადგილობრივი თვითმმართველობის საკითხებში, კოტე კანდელაკის თქმით, კანონმდებლობის თანახმად, საჯარო სამსახურში პირთა კონკურსის წესით დანიშვნა აუცილებელია, თუმცა პროცესი საქართელოში სიახლეა და იგი სრულყოფილი არ არის. კანდელაკის თქმით, კონკურსის ყველაზე ობიექტური ნაწილი ტესტირებაა, გასაუბრებისას კი ნეპოტიზმის შემთხვევებს არ გამორიცხავს.

სამცხე–ჯავახეთის მუნიციპალიტეტებში საჯარო მოხელეთა შესარჩევი კონკურსი ნოემბრის თვიდან დაიწყო. ზოგი მუნიციპალიტეტი თავისუფალ ადგილებზე ვაკანსიის გამოცხადებას კიდევ ერთხელ, ამჯერად უკვე მეხუთედ გეგმავს. ყველა პოზიციაზე კონკურსანტების მთავრი მოთხოვნა შემდეგი სამართლებრივი აქტების ცოდნაა: საქართველოს კონსტიტუცია, ,,ადგილობრივი თვითმმართველობის შესახებ” ევროპული ქარტია, ,,ადგილობრივი თვითმმართველობის კოდექსი” საქართველოს ორგანული კანონი, „საჯარო სამსახურის შესახებ“ საქართველოს კანონი და საქართველოს ზოგადი ადმინისტრაციული კოდექსი.