ბაკურიანის ტყის უკან დაბრუნების მცდელობა და მთავრობის პასუხი [Video]
22:09 / 28.01.2022
ბორჯომში, საკრებულოს სხდომა ხმაურით წარიმართა, მიზეზი პარლამენტის წევრთა ინიციატივა გახდა. დღეს გამართულ საკრებულოს სხდომას “ნაციონალური მოძრაობის” ლიდერები - ლევან ხაბეიშვილი და გიორგი ბოტკოველი დაესწრნენ. ოპოზიცია, ბაკურიანში ტყის ფართობის ხალხისთვის დაბრუნების მოთხოვნით ხელმოწერებს აგროვებს. ისინი დოკუმენტზე ხელის მოწერას ბორჯომის საკრებულოს წევრებისა და თავმჯდომარისგან დავით ზაალიშვილისგანაც ითხოვდნენ, რასაც მმართველი პარტიის წარმომადგენლებმა უარით უპასუხეს.
ბაკურიანში, სახლის უკან მდებარე ტერიტორია, რომელიც ამჟამად ტყის ფონდის საკუთრებაში ირიცხება, 49 წლიანი იჯარით პრემიერის მეუღლეს ნუნუ თამაზაშვილს დაახლოებით ერთი თვის წინ გადაეცა. იჯარით გადაცემული მიწის ფართობი 5958 კვადრატულ მეტრს შეადგენს. ენმ-ს წარმომადგენლები ამ მიწის სახელმწიფოსთვის უკან დაბრუნებას ითხოვენ.
პარლამენტის წევრები სხდომის დასრულების შემდეგ ბაკურიანში გაემგზავრნენ. ადგილზე მისულ ოპოზიციისა და მედიის წარმომადგენლებს სამართალდამცველები და მოქალაქეები დახვდნენ. აქტივისტებმა ოპოზიციის წევრები ტერიტორიაზე არ შეუშვეს.
დღის ბოლოს ბორჯომში განვითარებულ მოვლენებს საკრებულოს თავმჯდომარემ ბრიფინგით უპასუხა. დავით ზაალიშვილის თქმით, ელექტრონულ აუქციონში მონაწილეობის მიღება ყველა მოქალაქეს ერთნაირად შეუძლია, მათ შორის პრემიერის მეუღლეს. რაც შეეხება ძალადობას და მოსახლეობისთვის მიწების წართმევას, დავით ზაალიშვილმა ამ ქმედებას "ნაციონალური მოძრაობის" ხელწერა უწოდა.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.