რატომ მოაწერა ხელი ტატიანა მარტინენკომ პუტინისთვის გაგზავნილ წერილს?
19:44 / 23.02.2022
„საქართველო და უკრაინა არ უნდა შევიდნენ ნატოში!“ - ამ შინაარსის წერილი 54 ორგანიზაციის სახელით თბილისიდან პუტინს გაეგზავნა.
მიმართვას ხელს აწერს ბორჯომის საკრებულოს წევრი ტატიანა მარტინენკოც. დოკუმენტში აღნიშნულია, რომ ის წარმოადგენს ორგანიზაციას „საქართველოს უკრაინელები მშვიდობისთვის“.
"ეს არის დიპლომატიური წერილი. ვეთანხმები მის შინაარსს, რადგან ჩემი აზრით, ნეიტრალიტეტის დაცვა ქვეყნისთვის უკეთესია" - განუცხადა "მეცხრე არხს" დეპუტატმა.
ტატიანა მარტინენკო ბოლო ორ თვითმმართველობის არჩევნებში „საქართველოს პატრიოტთა ალიანსის“ სახელით მონაწილეობდა. ის არის ერთადერთი ადაიანი, რომელიც 2021 წელს ბორჯომის მუნიციპალიტეტის საკრებულოში ამ პარტიიდან მოხვდა.
"თქვენო აღმატებულებავ, ბატონო პრეზიდენტო! მიიღეთ ჩვენი რწმუნებულება უმაღლეს პატივისცემაში და ნება მოგვეცით გამოვხატოთ ჩვენი მადლიერება თქვენდამი" -ასე იწყება ვლადიმერ პუტინისთვის გაგზავნილი წერილი.
"საქართველო და უკრაინა არ უნდა შევიდნენ ნატოში, საქართველომ უნდა გამოაცხადოს სამხედრო ნეიტრალიტეტი" - ვკითხულობთ წერილში, რომელიც "პატრიოტთა ალიანსის" ლიდერმა ირმა ინაშვილმა გაასაჯაროვა, ის პირველი ხელმომწერია.
"საქართველოს ხელისუფლება რეგულარულად უთმობს ტერიტორიას, ეროვნული ინტერესების საწინააღმდეგოდ ნატოს სამხედრო წვრთნებისთვის, რაც რუსეთისთვის გამოწვევას წარმოადგენს... საქართველო არ არის დამოუკიდებელი, საქართველოს ხელისუფლების საშინაო დავალებაა ამერიკის ხელისუფლების ოფიციალური განცხადებები. ქართველ ხალხს არ უნდა ნატოში" - წერია წერილში.
პატრიოტთა ალიანსის მტკიცებით,მათივე გამოკითხვით, ქვეყნის მოსახლეობის 69 % მხარს უჭერს საქართველოს ნეიტრალიტეტს.
"საქართველო გახლართულია საერთაშორისო კვლევითი ორგანიზაციების ყალბ სოციოლოგიურ კვლევებში, რომ თითქოს მოსახლეობის დიდი ნაწილი მხარს უჭერს ნატოში გაწევრიანებას"- ვკითხულობთ წერილში რომელიც პუტინმა თბილისიდან მიიღო.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.