სამართალი
პოლიციამ ახალციხელი სტეფანე გიქოშვილი და კიდევ ორი პირი დააკავა
შსს-ს ინფორმაციით, 29 ნოემბერს თბილისის საქალაქო სასამართლოს მიმდებარე ტერიტორიაზე გამართული აქციის ამსახველი მასალის შესწავლის შემდეგ კიდევ სამი ადამიანი დააკავეს.

უწყების მიერ გავრცელებულ განცხადებაში ნათქვამია, რომ დაკავებულებს სისხლის სამართლის კოდექსით გათვალისწინებულ დანაშაულს, კერძოდ კი პოლიციელთა ფიზიკური წინააღმდეგობას და ძალადობას ედავებიან.

დანაშაული 2-დან 5 წლამდე ვადით თავისუფლების აღკვეთას ითვალისწინებს.

,,29 ნოემბერს, თბილისის საქალაქო სასამართლოს მიმდებარე ტერიტორიაზე პოლიციელთა ფიზიკური წინააღმდეგობის და ძალადობის ბრალდებით, 3 პირი: 1966 წელს დაბადებული ე.ს. 1963 წელს დაბადებული ლ.ს. და 1972 წელს დაბადებული ს.გ. დააკავეს.

ამავე დღეს, პოლიციელის მიმართ წინააღმდეგობის და ძალადობის განხორციელების ბრალდებით, დაკავებულია 1974 წელს დაბადებული ბ.თ.

გამოძიებით დადგინდა, რომ მიმდინარე წლის 29 ნოემბერს, თბილისის საქალაქო სასამართლოსთან მიმდინარე საპროტესტო აქციაზე, ბრალდებულები არ დაემორჩილნენ პოლიციელთა კანონიერ მოთხოვნას - დაცვის ჯიხურიდან ჩამოსულიყვნენ და პროტესტი უსაფრთხო ადგილზე გაეგრძელებინათ. ბრალდებული ბ.თ. საპატრულო პოლიციის თანამშრომელს თავს დაესხა, წააქცია ჯიხურის სახურავზე და სიტყვიერი და ფიზიკური შეურაცხყოფა მიაყენა.

ბ.თ.-სთან ერთად დაცვის ჯიხურზე მყოფი მეორე ბრალდებული - ე.ს. განსაკუთრებულ დავალებათა დეპარტამენტის თანამშრომელს, სიმაღლიდან გადაგდების მიზნით, ფიზიკურად დაუპირისპირდა, მოგვიანებით კი, აქციის სხვა მონაწილეებთან ერთად განაგრძო საზოგადოებრივი წესრიგის დარღვევა, რა დროსაც პოლიციამ დააკავა.

ამავე ბრალდებით დაკავებულმა ლ.ს.-მ და ს.გ.-მ აქციის მსვლელობისას დაარღვიეს საზოგადოებრივი წესრიგი, პოლიციელებს აყენებდნენ შეურაცხყოფას და სამართალდამცველების კანონიერ მოთხოვნას არ ემორჩილებოდნენ. მათ ასევე წინააღმდეგობა გაუწიეს და ფიზიკურად იძალადეს თბილისის პოლიციის და საპატრულო პოლიციის დეპარტამენტის თანამშრომლებზე.

კანონდარღვევის ფაქტების ამსახველი მასალების შესწავლისა და ჩატარებული საგამოძიებო ღონისძიებების შედეგად, 1 დეკემბერს ე.ს. და ლ.ს. პოლიციელის მიმართ წინააღმდეგობის და ძალადობის ბრალდებით იქნენ დაკავებული, ხოლო ს.გ. სამართალდამცველებმა მოსამართლის განჩინების საფუძველზე, ახალციხეში დააკავეს.

გამოძიება საქართველოს სისხლის სამართლის კოდექსის 353-ე მუხლის და 353-ე პრიმა მუხლის პირველი ნაწილებით მიმდინარეობს",
- ნათქვამია ინფორმაციაში.

29 ნოემბერს თბილისის საქალაქო სასამაართლოსთან, საქართველოს ყოფილი პრეზიდენტის, მიხეილ სააკაშვილის სასამართლო პროცესის პარალელურად, სააკაშვილის მხარდამჭერი აქცია გაიმართა.

აქციაზე სიტუაცია რამდენჯერმე დაიძაბა. პოლიციამ მოქალაქეების წინააღმდეგ წიწაკის სპრეი გამოიყენა. დაშავდა რამდენიმე მოქალაქე, მათ შორის მედიის წარმომადგენლები.

ძალადობაში ერთ-ერთი ბრალდებული ახალციხეში მცხოვრები სტეფანე გიქოშვილია. გიქოშვილთან სამოქალაქო ფორმაში ჩაცმული პირები დილით მივიდნენ და ოჯახის ინფორმაციით, მოტყუებით დააკავეს. მათივე თქმით, პოლიციამ დააკავა გიქოშვილის მეზობელიც, რომელიც მის დახმარებას ცდილობდა.

მოგვიანებით, ახსნა-განმარტების მისაღებად პოლიციაში სტეფანე გიქოშვილის შვილი მივიდა, თუმცა პოლიციელებმა ისიც დააკავეს.

შსს-ს ინფორმაციით, აქციაზე პოლიციის მოთხოვნისადმი დაუმორჩილებლობის მუხლით 15 ადამიანი დააკავეს. მათ შორისაა პოლიტიკოსი გიგი უგულავაც. ის სასამართლომ 3 000 ლარით დააჯარიმა.

გარდა ამისა, დაპირისპირება მოხდა სამოქალაქო აქტივისტ ბესიკ თამლიანსა და პოლიციას შორის. მის მიმართ გამოძიება სისხლის სამართლის კოდექსის 353-ე მუხლის პირველი ნაწილით მიმდინარეობს, რაც ითვალისწინებს 2-დან 3 წლამდე თავისუფლების აღკვეთას.

Facebook Twitter
ამინდი
ახალციხე -8 °C
img
ახალქალაქი -15 °C
img
ასპინძა -8 °C
img
ადიგენი 3 °C
img
ბორჯომი -7 °C
img
თბილისი -2 °C
img
აბასთუმანი -10 °C
img
ბაკურიანი -12 °C
img
ნინოწმინდა -15 °C
img
ვალუტა
EUR
EUR
1
3.5130
RUB
RUB
100
4.0371
TRY
TRY
1
0.2279
USD
USD
1
3.0840
AMD
AMD
1000
6.4082
კალენდარი
«« იანვარი  »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.