სამართალი
ახალციხის მერიას ავტოსადგომისთვის ფართის თავის ფასზე 1.1 მილიონით უფრო ძვირად შესყიდვა სურს ყოფილი მაღალჩინოსნებისგან- TI
ახალციხის მერია ავტოსადგომისთვის ფართს თავის ფასზე 1.1 მილიონით უფრო ძვირად ყიდულობს ყოფილი მაღალჩინოსნებისგან- ამის შესახებ კვლევას "საერთაშორისო გამჭვირვალობა საქართველო" აქვეყნებს.
"ახალციხის მერია ავტობუსების სადგომისთვის 2,600,000 ლარად აპირებს ფართის ყიდვას შპს „სილქ როუდ ენჯინიარინგისგან“, რომელიც სოფლის მეურნეობის სამინისტროს შპს „მექანიზატორის“ ყოფილ დირექტორს, პაატა შეყელაძესა და ამავე კომპანიის შესყიდვების ყოფილ მენეჯერს, თემურ ცუცქირიძეს ეკუთვნით. ამ კომპანიამ, 2022 წლის მარტში, ახალციხეში, 18 030 კვ.მ. ფართობი ზედ განთავსებული შენობებით, შპს ,,მექანიზატორის" შვილობილი კომპანიისგან, აუქციონზე უკონკურენტოდ, 1,471,000 ლარად იყიდა. წელიწადნახევრის შემდეგ, შპს „მექანიზატორის“ ყოფილი თანამდებობის პირები, ამ ფართის გაყიდვით 1,129,000 ლარს მოიგებენ.
პაატა შეყელაძე, 2015-2019 წლებში, ჯერ შპს „მექანიზატორის“[1], შემდეგ კი მისი 100%-იანი წილის მფლობელის, სახელმწიფოს მიერ დაფუძნებული ააიპ „სოფლის მეურნეობის პროექტების მართვის სააგენტოს“ დირექტორი იყო. თემურ ცუცქირიძე კი შპს „მექანიზატორში“ 2015-2018 წლებში შესყიდვების მენეჯერის პოზიციას იკავებდა.
შპს „მექანიზატორს“ 2020 წლამდე საქართველოს მასშტაბით 13 რეგიონული სერვის ცენტრი ჰქონდა. ისინი ფერმერებს სასოფლო-სამეურნეო ტექნიკით ემსახურებოდნენ. ააიპ „სოფლის მეურნეობის პროექტების მართვის სააგენტო“ კი მცირემიწიან ფერმერთა საგაზაფხულო სამუშაოების ხელშემწყობ პროექტებზე მუშაობდა. 2020 წლის ბოლოდან შპს „მექანიზატორის“ სერვის ცენტრები გაერთიანდა, 2021 წლის იანვრიდან კი რეგიონებში მათი ქონების ნაწილის გაყიდვა დაიწყო.
2020 წლის იანვარში, თემურ ცუცქირიძემ პაატა შეყელაძის ცოლის ძმასთან, გიორგი გიორგობიანთან ერთად დააფუძნა შპს „სილქ როუდ ენჯინიარინგი“. ამ კომპანიამ, 2022 წლის იანვარში, ახალციხეში, საბარგო სადგურის დასახლებაში მდებარე სასოფლო-სამეურნეო ტექნიკის 18 030 კვ.მ. სადგომი ზედ არსებული შენობებით აუქციონზე უკონკურენტოდ, 1,471,000 ლარად იყიდა. ეს ქონება სამხარაულის ექსპერტიზის ბიურომ 1,463,408 ლარად შეაფასა.
იმ დროისთვის, შპს „სილქ როუდ ენჯინიარინგის“ 50% წილს შპს „მექანიზატორის“ ყოფილი დირექტორის, პაატა შეყელაძის სიდედრი ეკატერინე გიორგობიანი ფლობდა, მას კომპანიის ნახევარი შვილმა, გიორგი გიორგობიანმა აჩუქა. 3 თვეში, ეს წილი ეკატერინე გიორგობიანმა მეორე შვილს, ანა გიორგობიანს აჩუქა. ანა გიორგობიანმა კი, ასევე 3 თვეში 50% წილი ქმარს, პაატა შეყელაძეს გადასცა.
შპს „სილქ როუდ ენჯინიარინგმა“ 2022 წელს ასევე შეისყიდა შპს “მექანიზატორის“ კუთვნილი 11,263 კვ.მ. ფართობი გურჯაანში და 17,155 კვ.მ. - მარნეულში.
მიმდინარე წლის 23 ოქტომბერს, ახალციხის მუნიციპალიტეტის საკრებულოს სხდომაზე გაირკვა, რომ ახალციხის მერია, საბარგო სადგურზე მდებარე 18 030 კვმ. ფართის ყიდვას შპს „სილქ როუდ ენჯინიარინგისგან“ 2,600,000 ლარად აპირებს. მერიას ეს ტერიტორია, 18 ახალი ავტობუსის ავტოსადგომისთვის სჭირდება. როგორც მერმა, ირაკლი ლაზარაშვილმა სხდომაზე განაცხადა, ქონება ლევან სამხარაულის ექსპერტიზის ბიურომ 1,700,000 ლარად შეაფასა, თუმცა, მესაკუთრე მას 2,600,000 ლარად ყიდის. როგორც მერის ნათქვამიდანვე ირკვევა, თვითმმართველობას ნებისმიერ სხვა, თუნდაც საკუთარ ტერიტორიაზე, ახალი ავტოსადგომის აშენება უფრო ძვირი დაუჯდება, თუმცა „უფრო ძვირი“ რამდენია, მერი არ აკონკრეტებს. იგი სადგომის ყიდვაზე თანხმობას საკრებულოსგან ელოდება.
აღსანიშნავია, რომ პაატა შეყელაძემ, ვისგანაც, შესაძლოა, ახალციხის მერიამ ქონება იყიდოს, „ქართული ოცნებას“ 2016 წელს 7,000 ლარი შეწირა.
„საერთაშორისო გამჭვირვალობა - საქართველო“ მოუწოდებს ახალციხის მერიას და საკრებულოს გამორიცხონ შესაძლო კორუფციული რისკები, და მუნიციპალური ავტოსადგომისთვის ტერიტორიის შეძენაზე გადაწყვეტილება მხოლოდ დეტალური კვლევის შემდეგ მიიღონ, რომლის ფარგლებშიც შედარებული იქნება კერძო მფლობელისგან შესყიდულ და სახელმწიფოს კუთვნილ ტერიტორიაზე ავტობუსების სადგომის მოწყობა-მშენებლობასთან დაკავშირებული ყველა ხარჯი" - ნათქვამია კვლევაში.
"ახალციხის მერია ავტობუსების სადგომისთვის 2,600,000 ლარად აპირებს ფართის ყიდვას შპს „სილქ როუდ ენჯინიარინგისგან“, რომელიც სოფლის მეურნეობის სამინისტროს შპს „მექანიზატორის“ ყოფილ დირექტორს, პაატა შეყელაძესა და ამავე კომპანიის შესყიდვების ყოფილ მენეჯერს, თემურ ცუცქირიძეს ეკუთვნით. ამ კომპანიამ, 2022 წლის მარტში, ახალციხეში, 18 030 კვ.მ. ფართობი ზედ განთავსებული შენობებით, შპს ,,მექანიზატორის" შვილობილი კომპანიისგან, აუქციონზე უკონკურენტოდ, 1,471,000 ლარად იყიდა. წელიწადნახევრის შემდეგ, შპს „მექანიზატორის“ ყოფილი თანამდებობის პირები, ამ ფართის გაყიდვით 1,129,000 ლარს მოიგებენ.
პაატა შეყელაძე, 2015-2019 წლებში, ჯერ შპს „მექანიზატორის“[1], შემდეგ კი მისი 100%-იანი წილის მფლობელის, სახელმწიფოს მიერ დაფუძნებული ააიპ „სოფლის მეურნეობის პროექტების მართვის სააგენტოს“ დირექტორი იყო. თემურ ცუცქირიძე კი შპს „მექანიზატორში“ 2015-2018 წლებში შესყიდვების მენეჯერის პოზიციას იკავებდა.
შპს „მექანიზატორს“ 2020 წლამდე საქართველოს მასშტაბით 13 რეგიონული სერვის ცენტრი ჰქონდა. ისინი ფერმერებს სასოფლო-სამეურნეო ტექნიკით ემსახურებოდნენ. ააიპ „სოფლის მეურნეობის პროექტების მართვის სააგენტო“ კი მცირემიწიან ფერმერთა საგაზაფხულო სამუშაოების ხელშემწყობ პროექტებზე მუშაობდა. 2020 წლის ბოლოდან შპს „მექანიზატორის“ სერვის ცენტრები გაერთიანდა, 2021 წლის იანვრიდან კი რეგიონებში მათი ქონების ნაწილის გაყიდვა დაიწყო.
2020 წლის იანვარში, თემურ ცუცქირიძემ პაატა შეყელაძის ცოლის ძმასთან, გიორგი გიორგობიანთან ერთად დააფუძნა შპს „სილქ როუდ ენჯინიარინგი“. ამ კომპანიამ, 2022 წლის იანვარში, ახალციხეში, საბარგო სადგურის დასახლებაში მდებარე სასოფლო-სამეურნეო ტექნიკის 18 030 კვ.მ. სადგომი ზედ არსებული შენობებით აუქციონზე უკონკურენტოდ, 1,471,000 ლარად იყიდა. ეს ქონება სამხარაულის ექსპერტიზის ბიურომ 1,463,408 ლარად შეაფასა.
იმ დროისთვის, შპს „სილქ როუდ ენჯინიარინგის“ 50% წილს შპს „მექანიზატორის“ ყოფილი დირექტორის, პაატა შეყელაძის სიდედრი ეკატერინე გიორგობიანი ფლობდა, მას კომპანიის ნახევარი შვილმა, გიორგი გიორგობიანმა აჩუქა. 3 თვეში, ეს წილი ეკატერინე გიორგობიანმა მეორე შვილს, ანა გიორგობიანს აჩუქა. ანა გიორგობიანმა კი, ასევე 3 თვეში 50% წილი ქმარს, პაატა შეყელაძეს გადასცა.
შპს „სილქ როუდ ენჯინიარინგმა“ 2022 წელს ასევე შეისყიდა შპს “მექანიზატორის“ კუთვნილი 11,263 კვ.მ. ფართობი გურჯაანში და 17,155 კვ.მ. - მარნეულში.
მიმდინარე წლის 23 ოქტომბერს, ახალციხის მუნიციპალიტეტის საკრებულოს სხდომაზე გაირკვა, რომ ახალციხის მერია, საბარგო სადგურზე მდებარე 18 030 კვმ. ფართის ყიდვას შპს „სილქ როუდ ენჯინიარინგისგან“ 2,600,000 ლარად აპირებს. მერიას ეს ტერიტორია, 18 ახალი ავტობუსის ავტოსადგომისთვის სჭირდება. როგორც მერმა, ირაკლი ლაზარაშვილმა სხდომაზე განაცხადა, ქონება ლევან სამხარაულის ექსპერტიზის ბიურომ 1,700,000 ლარად შეაფასა, თუმცა, მესაკუთრე მას 2,600,000 ლარად ყიდის. როგორც მერის ნათქვამიდანვე ირკვევა, თვითმმართველობას ნებისმიერ სხვა, თუნდაც საკუთარ ტერიტორიაზე, ახალი ავტოსადგომის აშენება უფრო ძვირი დაუჯდება, თუმცა „უფრო ძვირი“ რამდენია, მერი არ აკონკრეტებს. იგი სადგომის ყიდვაზე თანხმობას საკრებულოსგან ელოდება.
აღსანიშნავია, რომ პაატა შეყელაძემ, ვისგანაც, შესაძლოა, ახალციხის მერიამ ქონება იყიდოს, „ქართული ოცნებას“ 2016 წელს 7,000 ლარი შეწირა.
„საერთაშორისო გამჭვირვალობა - საქართველო“ მოუწოდებს ახალციხის მერიას და საკრებულოს გამორიცხონ შესაძლო კორუფციული რისკები, და მუნიციპალური ავტოსადგომისთვის ტერიტორიის შეძენაზე გადაწყვეტილება მხოლოდ დეტალური კვლევის შემდეგ მიიღონ, რომლის ფარგლებშიც შედარებული იქნება კერძო მფლობელისგან შესყიდულ და სახელმწიფოს კუთვნილ ტერიტორიაზე ავტობუსების სადგომის მოწყობა-მშენებლობასთან დაკავშირებული ყველა ხარჯი" - ნათქვამია კვლევაში.
ამავე კატეგორიაში
სხვა სიახლეები
19:23 / 27.04.2024
კვირის პოპულარული
ამინდის პროგნოზი
აბრეშუმის გზა
პარტნიორი მედიასაშუალებების მასალები
ამინდი
ახალციხე
18
°C
ახალქალაქი
13
°C
ასპინძა
20
°C
ადიგენი
18
°C
ბორჯომი
19
°C
თბილისი
20
°C
აბასთუმანი
15
°C
ბაკურიანი
13
°C
ნინოწმინდა
13
°C
ვალუტა
AMD
1000
6.8440
EUR
1
2.8713
RUB
100
2.9096
TRY
1
0.0822
USD
1
2.6760
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.
