ფინანსური დანაშაულის გამოძიების და კრიპტოვალუტის შესახებ ტრენინგი გაიმართა
19:28 / 20.04.2018
საქართველოს ფინანსთა სამინისტროს საგამოძიებო სამსახურის ორგანიზებით, სამართალდამცავი უწყების წარმომადგენლებისთვის ფინანსური დანაშაულის
გამოძიების და კრიპტოვალუტის კუთხით არსებული გამოწვევების შესახებ ტრენინგი გაიმართა. ტრენინგს აშშ-ის ხაზინის დეპარტამენტის შიდა შემოსავლების სამსახურის ექსპერტი ჯეიმს დანიელსი უძღვებოდა.
,,ეს ჩემი პირველი ვიზიტია საქართველოში, სადაც საგამოძიებო სამსახურის მოწვევით ვიმყოფები. ვიზიტის მიზანია გამომძიებლებს გავუზიარო ცოდნა და გამოცდილება კრიპტოვალუტის შესახებ. ასევე მივაწოდო ინფორმაცია იმის თაობაზე, თუ რა მნიშვნელობა აქვს და რა როლს ასრულებს კრიპტოვალუტის შესახებ ინფორმაციის ქონა ფინანსური გამოძიების დროს. ორდღიანი ტრენინგის ფარგლებში, ჩვენ განვიხილეთ კრიპტოვალუტის სახეობები,თუ როგორ შეიძლება იქნეს გამოყენებული კრიპტოვალუტა დანაშაულის ჩადენისთვის და ასევე, ფინანსური გამოძიების პროცესში".
ტრენინგის ფარგლებში, დეტალურად განიხილეს ბლოქჩეინ ტექნოლოგია, კრიპტოვალუტა და მასთან დაკავშირებული გამოწვევები, ასევე ფინანსური და კიბერ დანაშაულების გამოძიების კონკრეტული ქეისები.
ტრენინგზე აღინიშნა, რომ ბოლო წლებში, მსოფლიოს მსგავსად, კრიპტოვალუტის პოპულარობა და მასზე მოთხოვნა საქართველოშიც გაიზარდა. გამომდინარე იქიდან, რომ კრიპტოვალუტა მაღალი რისკების შემცველი ინვესტიციაა, მის შესახებ მაქსიმალური ინფორმაციის გაცნობა საგამოძიებო სამსახურის თანამშრომლებისთვის მნიშვნელოვანია. ეს დაეხმარება მათ ფინანსური დანაშაულის გამოვლენის და გამოძიების პროცესში.
ტრენინგს ესწრებოდნენ საქართველოს ფინანსთა სამინისტროს საგამოძიებო და შემოსავლების სამსახურების, საქართველოს მთავარი პროკურატურის, საქართველოს სახელმწიფო უსაფრთხოების სამსახურის და ეროვნული ბანკის წარმომადგენლები.
საგამოძიებო სამსახურის უფროსის მოადგილე ვაჟა ფანოზიშვილი ამბობს, რომ ფინანსთა სამინისტროს თანამშრომლებისთვის კვალიფიკაციის ასამაღლებლად ჩატარებული ტრენინგი მნიშვნელოვანია.
პაატა სუდაძის აზრით, კი ტრენინგი მნიშვნელოვანი იყო, რადგან მათ ღირებული ინფორმაცია მიიღეს ამერიკელი კოლეგებისგან. ,,ამერიკა არის მოწინავე ქვეყანა, როგორც კრიპტოვალუტის განვითარების, ასევე კიბერუსაფრთხოების საკითხებში".
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.