საზოგადოება
ახალციხეში, თოვლიანი ტროტუარების გამო, ქვეითებს გადაადგილება უჭირთ
სამცხე-ჯავახეთში დიდთოვლობამ, ავტომობილების მძღოლების გარდა, გადაადგილება გაურთულა ფეხით მოსიარულეებსაც. ახალციხეში ტროტუარებს თოვლისგან წმენდენ, თუმცა ზოგიერთ ქუჩაზე ქვეითები სიფრთხილით დადიან.

ახალციხის ქუჩებში გადაადგილება დღეს, 13 თებერვლიდან უჭირთ ფეხით მოსიარულეებს. მოქალაქეები ამბობენ, რომ ტროტუარი თოვლისგან გასაწმენდია და ტექნიკური მარილიც მოსაყრელია.

ქუჩაში უსაფრთხო გადაადგილება, გათოვებასა და ტემპერატურის ვარდნასთან ერთად, ადგილობრივების უკმაყოფილების მიზეზი ხდება.

ადგილობრივები ამბობენ, რომ ტექნიკური მარილი ქალაქის მხოლოდ ცენტრალურ გზებზე იყრება და შიდა ქუჩებზე გადაადგილება რთულია.

„ასპინძის ქუჩაზე ცუდი მდგომარეობაა, გზები სანახევროდ გაწმინდეს. თანაც ისეთი ორმოებია, მანქანა რომ მოცურდეს შეიძლება ბევრი ავარია მოხდეს“, - გვითხრეს ასპინძის ქუჩაზე.

ჯერ არ დასრულებულა ქალაქის ცენტრალური ნაწილის ტერიტორიის თოვლისგან გასუფთავება. ახალციხის ცენტრალურ პარკში, სადაც ბავშვები მთელი დღეა გუნდაობენ, კიბეები გასაწმენდია.

„წელს მარილს საკმარისი რაოდენობით აყრიან. გზები ჯერ გაყინული არ არის და მოცურების საშიშროებაც ნაკლებია“, - გვითხრეს ცენტრალური პარკის მიმდებარე ტერიტორიაზე.

მოქალაქეების ნაწილი მაღაზიის და სახლის წინ ტროტუარებს თავად ასუფთავებს. 
მიქუტიშვილის ქუჩა


ახალციხის გზების თოვლისგან გაწმენდის სამუშაოებს შპს „კეთილმოწყობა“ ასრულებს. მისი ხელმძღვანელი კობა კურტანიძის თქმით, კომპანიის თანამშრომლებმა მუშაობა 12 თებერვლის საღამოდან დაიწყეს. ისინი ტროტუარებიდან თოვლს ხვეტენ და ტექნიკურ მარილს აყრიან.

„გზასთან ერთად, ტროტუარებსაც უნდა გაწმენდა. ვინმემ რომ ფეხი მოიტეხოს, არავის ესიამოვნება. ეტაპობრივად ყველა ქუჩას გავწმენდთ. პირველ რიგში სკოლების, საბავშვო ბაღების ტერიტორიას, სადაც ბევრი ადამიანი მოძრაობს. ამის შემდეგ აუცილებლად გავალთ მეორეხარისხოვან გზებზე“.

მოსახლეობა ამბობს, რომ შესაბამისმა სამსახურმა გზებისა და ტროტუარების თოვლისგან გაწმენდა დროულად უნდა მოასწროს. თუ გზები მალევე არ გადაითოვლება, ტროტუარები მოიყინება და ფეხით სიარული სახიფათო გახდება.
Facebook Twitter
ამინდი
ახალციხე 3 °C
img
ახალქალაქი -2 °C
img
ასპინძა 4 °C
img
ადიგენი 8 °C
img
ბორჯომი 4 °C
img
თბილისი 8 °C
img
აბასთუმანი 3 °C
img
ბაკურიანი -4 °C
img
ნინოწმინდა -2 °C
img
ვალუტა
EUR
EUR
1
3.0515
RUB
RUB
100
4.4316
TRY
TRY
1
0.4641
USD
USD
1
2.8265
AMD
AMD
1000
5.9127
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.