აბასთუმნელი ბუნებადამცველი როლანდ სიგუა საზოგადოებრივი მაუწყებლის ჯილდოზე „წლის საუკეთესო“ წარდგენილია ნომინაციაში -„წლის ყველაზე მნიშვნელოვანი მოვლენა ეკოლოგიაში“.

ბუნებადამცველი, აბასთუმანში, საკუთარი ინიციატივით, ტყეს გადაგვარებისგან იცავს. ობსერვატორიაში მცხოვრები როლანდ სიგუა 8 წელია საკუთარ ბოსტანში, ენდემური ფიჭვის ტოტებს აფესვიანებს. შემდეგ კი ამ ძირებს ტყეში, მეჩხერ ადგილებში რგავს. ეს მცენარის ის ჯიშებია, რის გამოც კურორტი აბასთუმანი გამოირჩევა და სასუნთქი გზების დაავადებების მკურნალად ითვლება.

საზოგადოებრივმა მაუწყებელმა პირველად მისცა მოსახლეობას უფლება თავად გამოავლინონ 2016 წლის მოვლენა, ადამიანი და ინსტიტუცია, რომელიც თავისი მნიშვნელობით, საქმიანობითა და შედეგით “წლის საუკეთესოს” ჯილდოს იმსახურებს.

ხმის მიცემა ვებ–გვერდზე: http://1tv.ge/ge/polls/gpbnomination2016.html პირველი დეკემბრიდან 25 დეკემბრის ჩათვლითაა შესაძლებელი. 16 ნომინაციაზე 36 ნომინანტია წარდგენილი. ერთი პირი საკუთარ პოზიციას ნებისმიერი ნომინაციის მხოლოდ თითო–თითო ნომინანტის სასარგებლოდ აფიქსირებს.

საზოგადოებრივი მაუწყებლის ჯილდოზე „წლის საუკეთესო“ სამცხე–ჯავახეთიდან ორი ნომინანტია წარდგენილი. ნომინაციაში – “წლის ყველაზე მნიშვნელოვანი მოვლენა ახალ ტექნოლოგიებსა და ინოვაციებში“ – ჯილდოს მოსაპოვებლად  ახალციხელი გამომგონებელი კარლო ხუციშვილი იბრძვის.

თიკო კურტანიძე