,,გუშაგი მოიქცა კანონიერად, ნორმების დაცვით” – ასე გამოეხმაურა საქართველოს თავდაცვის მინისტრი წვრთნებისა და სამხედრო განათლების ცენტრ კრწანისის ტერიტორიაზე, უცხო პირთა შეჭრის ფაქტს.

ლევან იზორია იმედოვნებს, რომ გამოძიება ყველა კითხვას პასუხს მალე გასცემს.
23 ოქტომბერს, დაახლოებით 03:30 საათზე, წვრთნებისა და სამხედრო განათლების ცენტრ კრწანისში, რამდენიმე უცხო პირი არ დაემორჩილა გუშაგის სიტყვიერ გაფრთხილებას და თავს დაესხა მას, რის შემდეგაც გუშაგმა წესდებით გათვალისწინებული მოქმედებები განახორციელა და ცენტრის ტერიტორიაზე შეჭრის ფაქტი აღკვეთა. თავდაცვის სამინისტროს სამხედრო პოლიციის დეპარტამენტის თანამშრომლებმა, ცენტრის მიმდებარე ტერიტორიის დათვალიერებისას, ერთ-ერთი თავდამსხმელის ცხედარი აღმოაჩინეს.
გამოძიება სსკ-ის 116-ე მუხლის I ნაწილით მიმდინარეობს, რაც გულისხმობს სიცოცხლის მოსპობას გაუფრთხილებლობით.