28  ივნისს, ახალციხესა და ახალქალაქში ინოვაციური ბიზნესის ხელშეწყობის პროგრამის „სტარტაპ საქართველოს“ პრეზენტაცია გაიმართება. პროგრამა ქვეყნის სწრაფი განვითარების მიზნით, საქართველოს მთავრობის რეფორმების ოთხ პუნქტიანი გეგმის ფარგლებში შემუშავდა და გასულ კვირას იგი საზოგადოებას საქართველოს პრემიერ-მინისტრმა გიორგი კვირიკაშვილმა წარუდგინა. პრეზენტაციაზე დასწრებისა და პროგრამის შესახებ ინფორმაციის მიღების შესაძლებლობა სამცხე-ჯავახეთში მცხოვრებ ნებისმიერ მოქალაქეს ექნება. პრეზენტაციები გაიმართება 28 ივნისს, 12:00 საათზე ქალაქ ახალციხეში, ახალციხის ციხის საკონფერენციო დარბაზში, ხოლო ახალქალაქში 28 ივნისს 16:00 საათზე სასტუმრო „არტ-სეგის“ საკონფერენციო დარბაზში.

28  ივნისს, ახალციხესა და ახალქალაქში ინოვაციური ბიზნესის ხელშეწყობის პროგრამის „სტარტაპ საქართველოს“ პრეზენტაცია გაიმართება. პროგრამა ქვეყნის სწრაფი განვითარების მიზნით, საქართველოს მთავრობის რეფორმების ოთხ პუნქტიანი გეგმის ფარგლებში შემუშავდა და გასულ კვირას იგი საზოგადოებას საქართველოს პრემიერ-მინისტრმა გიორგი კვირიკაშვილმა წარუდგინა.

პრეზენტაციაზე დასწრებისა და პროგრამის შესახებ ინფორმაციის მიღების შესაძლებლობა სამცხე-ჯავახეთში მცხოვრებ ნებისმიერ მოქალაქეს ექნება. პრეზენტაციები გაიმართება 28 ივნისს, 12:00 საათზე ქალაქ ახალციხეში, ახალციხის ციხის საკონფერენციო დარბაზში, ხოლო ახალქალაქში 28 ივნისს 16:00 საათზე სასტუმრო „არტ-სეგის“ საკონფერენციო დარბაზში.

„სტარტაპ საქართველოს“ დაწყების მიზანია მოქალაქეებს, განსაკუთრებით კი, ახალგაზრდებს, რომლებსაც აქამდე ფინანსური რესურსის არქონის გამო, არ შეეძლოთ ბიზნესის დაწყება, მიეცეთ უნიკალური შანსი განახორციელონ სიახლეზე ორიენტირებული ბიზნესიდეები და დაიწყონ საკუთარი ბიზნესი.

პროგრამის განხორციელების პირველ ეტაპზე სახელმწიფო 11 მილიონ ლარს გამოყოფს, რომლითაც ინოვაციური და მაღალტექნოლოგიური სტარტაპები დაფინანსდება. სამომავლოდ, უფრო მეტი სტარტაპის დაფინანსების  მიზნით, პროგრამის ბიუჯეტი შესაძლოა 35 მილიონ ლარამდე გაიზარდოს.

პროგრამის კოორდინატორები არიან საპარტნიორო ფონდი და საქართველოს ინოვაციებისა და ტექნოლოგიების სააგენტო.

პროგრამის მონაწილე შეიძლება გახდეს საქართველოს ნებისმიერი მოქალაქე პირი ან პირთა ჯგუფი, ვისაც აქვს სიახლეზე ორიენტირებული, პერსპექტიული და მდგრადი ბიზნეს წინადადება და მისი განხორციელებისთვის ესაჭიროება საწყისი დაფინანსება.

საპარტნიორო ფონდის მიერ სპეციალურად შექმნილი შვილობილი კომპანია “სტარტაპ საქართველო“ თითოეულ დაფინანსებულ ბენეფიციართან ერთად შექმნის ახალ კომპანიას (სტარტაპს), რომელშიც

ფონდი კაპიტალის სახით შეიტანს 15 000 ლარიდან 100 000 ლარამდე. ამ მოდელით, პროგრამის ბენეფიციარს თანამონაწილეობის სახით, მხოლოდ პროექტის ჯამური ღირებულების მინიმუმ 10%-ის ოდენობის თანხის შეტანა მოუწევს, ხოლო მისი ბიზნეს იდეა ავტომატურად შეფასდება, როგორც ერთობლივი კომპანიის კაპიტალში სულ მცირე 40%-იანი შენატანი. შესაბამისად, მხოლოდ 10%-ანი თანხობრივი თანამონაწილოების პირობებში პროგრამის ბენეფიციარი ხდება 50%-იანი ან მეტი წილის მფლობელი ახალ კომპანიაში. ამასთან, შემდგომში ბენეფიციარს მიეცემა შესაძლებლობა გამოისყიდოს ფონდის წილი ერთობლივ კომპანიაში შეღავათიანი პირობებით ან მოიძიოს სხვა ინვესტორები.

უნიკალური ინოვაციური იდეის შემთხვევაში საქართველოს ინოვაციებისა და ტექნოლოგიების სააგენტო მაქსიმუმ 100 000 ლარის ოდენობით დააფინანსებს მაღალტექნოლოგიური დარგის სტარტაპებს, რაც მოიცავს ინფორმაციულ ტექნოლოგიებს, კომპიუტერულ ინჟინერიას, კომპიუტერულ მეცნიერებას  ტელეკომუნიკაციასა და სხვა მიმართულებებს. ასეთ დროს ბენეფიციარს აღარ მოეთხოვება პროექტის თანადაფინანსება და მისი წილი კომპანიაში 95% იქნება.

განაცხადების მიღება  2016 წლის  17 ივნისიდან დაიწყება და  31 ივლისის ჩათვლით გაგრძელდება.

პროექტების შერჩევა კონკურსის წესით მოხდება.