ჯგუფის “გამოუვალი მდგომარეობა” კონცერტისათვის ახალციხის პარკში მზადება მიმდინარეობს. მიუხედავად იმისა, რომ პლათფორმას “დაიცავი თავისუფლება”  ცენტრალური პარკის ტერიტორიაზე კონცერტის ჩატარებისთვის ნებართვა არ მიუღია, სცენის მონტაჟი უკვე დაიწყო. “კონცერტი აუცილებლად ჩატარდება. გაბედოს ვინმემ და  ამიკრძალოს” – აცხადებს პლათფორმის “დაიცავი თავისუფლება” წარმომადგენელი თამარ ჩერგოლეიშვილი. მისი თქმით, კანონის თანახმად, მერიას არ აქვს უფლება, მათ უფასო კონცერტის ჩატარებაზე უარი უთხრას. შეგახსენებთ, რომ ახალციხის ციხემ პლატფორმას „დაიცავი თავისუფლება“ რაბათში,  ანტიდასავლური პროპაგანდის წინააღმდეგ უფასო კონცერტის ჩატარების სანაცვლოდ იჯარა 300–დან 5 000 ლარამდე გაუძვირა. პირობების მოულოდნელად შეცვლა ადმინისტრაციამ მხოლოდ იმით ახსნა, რომ ჯგუფი „გამოუვალი მდგომარეობა” მოთხოვნადია. კონცერტი დღეს, 8 ივნისს, 18:00 საათზე, ახალციხის ციხის ნაცვლად, ქალაქის ცენტრში, მესხეთის სახელმწიფო დრამატული თეატრის წინ გაიმართება, მიუხედავად იმისა, რომ მერია ნებართვას არც კონცერტის პარკში ჩატარებაზე გასცემს. ახალციხის მერიის პოზიცია კი ასეთია: კონცერტის ჩატარების დრო ემთხვევა თეატრში სპექტაკლის გამართვის დროს, რაც სავარაუდოდ ხელს შეუშლის სპექტაკლის ჩატარებას. ახალციხის ვიცე მერის ზაზა თამარაშვილის განმარტებით, იმ შემთხვევაში თუ პარალელურ რეჟიმში ღონისძიებისა და სპექტაკლის ჩატარებისას ხელისშემშლელი ფაქტორების თავიდან აცილება მოხდება, მათ უფლება აქვთ კონცერტი გამართონ. თიკო კურტანიძე

ჯგუფის “გამოუვალი მდგომარეობა” კონცერტისათვის ახალციხის პარკში მზადება მიმდინარეობს. მიუხედავად იმისა, რომ პლათფორმას “დაიცავი თავისუფლება”  ცენტრალური პარკის ტერიტორიაზე კონცერტის ჩატარებისთვის ნებართვა არ მიუღია, სცენის მონტაჟი უკვე დაიწყო.

“კონცერტი აუცილებლად ჩატარდება. გაბედოს ვინმემ და  ამიკრძალოს” – აცხადებს პლათფორმის “დაიცავი თავისუფლება” წარმომადგენელი თამარ ჩერგოლეიშვილი. მისი თქმით, კანონის თანახმად, მერიას არ აქვს უფლება, მათ უფასო კონცერტის ჩატარებაზე უარი უთხრას.

შეგახსენებთ, რომ ახალციხის ციხემ პლატფორმას „დაიცავი თავისუფლება“ რაბათში,  ანტიდასავლური პროპაგანდის წინააღმდეგ უფასო კონცერტის ჩატარების სანაცვლოდ იჯარა 300–დან 5 000 ლარამდე გაუძვირა. პირობების მოულოდნელად შეცვლა ადმინისტრაციამ მხოლოდ იმით ახსნა, რომ ჯგუფი „გამოუვალი მდგომარეობა” მოთხოვნადია.

კონცერტი დღეს, 8 ივნისს, 18:00 საათზე, ახალციხის ციხის ნაცვლად, ქალაქის ცენტრში, მესხეთის სახელმწიფო დრამატული თეატრის წინ გაიმართება, მიუხედავად იმისა, რომ მერია ნებართვას არც კონცერტის პარკში ჩატარებაზე გასცემს.

ახალციხის მერიის პოზიცია კი ასეთია: კონცერტის ჩატარების დრო ემთხვევა თეატრში სპექტაკლის გამართვის დროს, რაც სავარაუდოდ ხელს შეუშლის სპექტაკლის ჩატარებას. ახალციხის ვიცე მერის ზაზა თამარაშვილის განმარტებით, იმ შემთხვევაში თუ პარალელურ რეჟიმში ღონისძიებისა და სპექტაკლის ჩატარებისას ხელისშემშლელი ფაქტორების თავიდან აცილება მოხდება, მათ უფლება აქვთ კონცერტი გამართონ.

თიკო კურტანიძე