ხარვეზებით შესრულებული პროექტები და კომპანია, რომლის ირგვლივაც არაერთი ბრალდება არსებობს — 3 პროექტი, რომლის განხორციელებასაც ახალციხის მუნიციპალიტეტში შპს ,,სამცხე 21″ ახორციელებდა, წარუმატებელი გამოდგა. აღნიშნულთან დაკავშირებთ უკმაყოფილებას, როგორც ადგილობრივი თვითმმართველობა, ასევე მოსახლეობა გამოთქვამს.

გარემოსა და ბუნებრივი რესურსების დაცვის სამინისტროს, ეროვნული სატყეო სააგენტოს სამცხე–ჯავახეთის სატყეო სამსახურს ახალი უფროსი ჰყავს. აღნიშნულ თანამდებობაზე,    დღეს ირაკლი გოგია დაინიშნა. ინფორმაცია  ,,ექოს” სატყეო სააგენტოში დაუდასტურეს.  ახალ ხელმძღვანელს  სამსახურში ხვალ ელოდებიან. ვინ არის ირაკლი გოგია და რა თანამდებობა ეკავა მას სამცხე–ჯავახეთის სატყეო სამსახურის დირექტორობამდე,  ამ ეტაპზე ცნობილი არ არის.  ,,მეცხრე არხი” დეტალებს მოგვიანებით მოგაწვდით. შეგახსენებთ, რომ  უკვე ყოფილი უფროსი ლევან ხოზრევანიძე,  სააგენტოს მიერ განხორციელებული როტაციის შედეგად, 2014 წლის პირველ აპრილს  შიდა ქართლის სატყეო სამსახურის უფროსად დაინიშნა.  იგი  სამცხე–ჯავახეთის სატყეო სამმართველოს   2013 წლის 26 ივნისიდან ხელმძღვანელობდა. 

9 აპრილის ტრაგედია, იმ ადამიანებმაც გაიხსენეს ვინც 25 წლის წინ, თბილისში ყოფილი პარლამენტის შენობასთან მშვიდობიან დემონსტრაციაში იღებდა მონაწილეობას. მათი თქმით, დიდი მსხვერპლის მიუხედავად, ამ დღემ საფუძველი საქართველოს დამოუკიდებლობას დაუდო. 1989 წლის 9 აპრილს ისტორიკოსებიც აფასებენ. სისხლიანი დემონსტარაცია და დამოუკიდებლობისათვის გაღებული მსხვერპლი.

მეორე გადაცემა

ახალციხის მუნიციპალიტეტში მოსახლეობამ პრიორიტეტები შეარჩია. სოფლის მხარდაჭერის პროგრამის  ფარგლებში მუნიციპალიტეტის პირველმა პირებმა შეხვედრები გამართეს და იმ აქტუალურ საკითხებზე ისაუბრეს, რაც მოსახლეობას აწუხებს.

“მეცხრე არხის” გადაცემა “სოლო”. 5 მარტი 2014 წელი

. დემოგრაფიული ფონდი მრავალშვილიანებისთვის საგადასახადო შეღავათების, ახალ დაქორწინებულებისთვის კი წახალისების ინიციატივით გამოდის. დემოგრაფიულმა ფონდმა 5 კანონპროექტი და 10–მდე პროექტი წარმოადგინა. პარლამენტი ყოველი მესამე ახალშობილის დაფინანსების შესახებ კანონპროექტს უახლოეს მომავალში განიხილავს. კანონის ძალაში შესვლის შემდეგ მაღალმთიან რეგიონებში ყოველი მესამე ახალშობილი 200 ლარს, ხოლო დაბლობში 150 ლარს მიიღებს. ,,შობადობა ყველაზე მაღალი აჭარაში, ქვემო ქართლსა და თბილისშია, სწორედ ამიტომ პირველ ეტაპზე იქ ახალშობილის დაფინანსება არ განხორიცელდება, თუმცა საქართველოს სხვა ყველა დანარჩენ რეგიონში დაფინანსება ჩვეულ რეჟიმში მოხდება,“ – აცხადებს დემოგრაფიული ფონდის თავმჯდომარე თამარ ჩიბურდანიძე. მისივე თქმით, მომზადებულია კიდევ 4 კანონპროექტი, რომელიც მომავალ წლებში ეტაპობრივად განხორციელდება. კერძოდ: 1) მრავალშვილიანებისთვის კომუნალური გადასახადების სუბსიდირება 2) საგადასახადო კოდექსში ცვლილებები მრავალშვილიანებისთვის ხელფასების დაბეგვრის მოხსნის შესახებ 3) ყოველ მესამე შვილზე კომუნალური გადასახადებზე შეღავათები 4) ახალდაქორწინებულების წახალისება. ჩიბურდანიძის თქმით, ყოველ წელს ბიუჯეტში ამ კუთხით ახალი ინიციტივა ჩაიდება, რადგან ეს პროექტები მცირე თანხებთან არ არის დაკავშირებული და ყველა მათგანი ერთდორულად ვერ განხორციელდება. ამასთან, ფონდის თავმჯდომარე 10 ახალ პროექტზეც საუბრობს და აცხადებს, რომ მათი გახორციელება ისევე მნიშვნელოვაია, როგორც კანონპროექტების მიღება. მათ შორის შემდეგი პროექტებიცაა: 1) აბორტის პრევენციის საკონსულტაციო ცენტრები (პროექტის ბიუჯეტი: 1,3 მლნ. ლარი (წლიური); 2) ორსულთა სახლები (პროექტის ბიუჯეტი: 300 000 ლარი (ერთი სახლი წლიურად); 3) სოციალური სახლები ორსული ქალებისთვის; 4) სოფლად დაბრუნება – უკუმიგრაცია. წყარო: commersant.ge

<a ასპინძის მუნიციპალიტეტის გამგებელი, 21 თებერვალს ტარიელ ლონდარიძის პარლამენტში გამოსვლას გამოსვლას გამოეხმაურა. “კითხვა მაქვს ბატონ ტარიელ ლონდარიძესთან თუ აქვს ინფორმაცია როდის გაკეთდა წყალი ასპინძის რაიონში და რამდენი დაიხარჯა, ან რა ქვია მის საქციელს რაშიც მან მუნიციპალიტეტი დადანაშაულა”_წერს ლევან ცაბაძე ფეისბუქის საკუთარ გვერდზე. ასპინძის მაჟორიტარმა დეპუტატმა, ქვეყნის მთავარ საკანონმდებლო ორგანოში პრეზიდენტის გიორგი მარგველაშვილს გამოსვლა შეაფასა და ყურადღება ასპინძის პრობლემებზე გაამახვილა. არაერთხელ მივმართე საქართველოს მთავრობას საქართველოს პარლამენტის ტრიბუნიდან ასპინძის რაიონის სოფლების საროსა და ხიზაბავრის პრობლემის შესახებ, მიუხედავად იმისა, რომ აღნიშნულ სოფლებში დასრულებულია ტექნიკური სამუშაოები თითქმის ორი წელია ვერ მოხერხდა მოსახლეობისათვის გაზის მიწოდება. ამ მდგომარეობას დაემატა სასმელი წყალის პრობლემაც. უკვე ორი თვეა ასპინძის მუნიციპალიტეტის ძირითადი ნაწილი მარაგდება სახანძრო მანქანის საშუალებით. ვინაიდან აღნიშნული პრობლემები ვერ მოაგვარა ვერც ადგილობრივმა და ვერც ცენტრალურმა მთავრობამ, იძულებული გავხდი მიმემართა საქართველოს პრეზიდენტისათვის– განაცხადა ტარიელ ლონდარიძემ და პრეზიდენტს პრობლემის პირად კონტროლზე აყვანისაკენ მოუწოდა. ასპინძის მუნიციპალიტეტში წყალთან დააკავშირებულ პრობლემაზე, ტელეკომპანია ,,მეცხრე არხმა” სიუჟეტი იანვრის თვეში მომზადა, რომელსაც გთავაზობთ: http://youtu.be/8EiHKo5u6Cs

მართლმადიდებელი ეკლესია დღეს წმინდა დიდმოწამე ქალწულის, ბარბარეს ხსენების დღეს აღნიშნავს. დღესასწაულთან დაკავშირებით ყოვლადწმინდა სამების საკათედრო ტაძარში საღმრთო ლიტურგია პატრიარქის ქორეპისკოპოსმა და ახალციხისა და ტაოკლარჯეთის მიტროპოლიტმა მეუფე თეოდორემ აღავლინა. დედაქალაქის მსგავსად წირვა-ლოცვა საქართველოს ყველა მოქმედ ტაძარში აღევლინა.

კახი კალაძის განცხადებით, ათი ათასობით აბონენტის ელექტროენერგიის გარეშე დარჩენა სწორედ კომპანიის დაუდევრობით მოხდა, რადგან მან ვერ შეძლო კომპანიის საკუთრებაში არსებული ქსელის გამართულად მუშაობა. “დავიბარებთ ხელმძღვანელობას და კატეგორიული მოთხოვნა იქნება იმისა, რომ გამოყონ თანხები. ნება ინებონ და გააკეთონ ინვესტიციები ამ მიმართულებით, რომ ქსელი მოაწესრიგონ. ძირითადი აქცენტი იყო გაკეთებული ინდივიდუალურ მრიცხველებზე რაც ჩემის აზრით, არის დანაშაული. როდესაც შენ ქსელი გაქვს მოუწესრიგებელი და ერთი ამინდის ცვლილების გამო, მაშინვე ელექტროენერგია ითიშება რეგიონებში ეს განსაკუთრებით. პირველ რიგში უნდა მოგვარებულიყო ქვესადგურების პრობლემა, ელექტროგადამცემი ხაზების პრობლემა და მერე რა თქმა უნდა ინდივიდუალური მრიცხველები”, – აცხადებს კახა კალაძე. წყარო “პირველი რადიო”

სოფელ ზიკილისს მიმდებარე ტერიტორიაზე ელექტროგადამცემი ხაზი და ქვესადგური „ახალციხე“ საზეიმოდ გაიხსნა. მისი მშენებლობა „შავი ზღვის ელექტროგადამცემი ქსელის“ პროექტის ფარგლებში სამი წლის განმავლობაში მიმდინარეობადა. ახალი ქვესადგურით საქართველოს გარდა კიდევ ორი ქვეყანა ისარგებლებს. საზეიმო ცერემონიას მინისტრთა კაბინეტის წევრები და თურქეთისა და აზერბაიჯანის დელეგაციები დაესწვრნენ.

უამინდობასთან დაკავშირებით საავტომობილო გზებზე არსებული მდგომარეობა, ვირუსილი ინფექციები და სასწრაფო სამედიცინო დახმარების ვალის ბრიგადის გაუქმება–ამ საკითებზე დღეს გამგეობის ყოველკვირეულ თათბირზე იმსჯელეს. ტერიტორიული გაერთიანების რწმუნებულება თვითმმართველობის წარმომადგენლებთან ერთად ზამთრის პერიოდში მუნიციპალიტეტში შექმნილ მდგომარეობაზე იმსჯელეს.

სამცხე–ჯავახეთის სამხარეო აპარატი რწმუნებულის გარეშე. გუბერნატორის თანამდებობა ამ დრომდე ვაკანტურია. საზოგადოება რეგიონის ხელმძღვანელის პოსტზე კვლავ რამდენიმე კანდიდატს მოიაზრებს. გია მეტრეველი, გია კარკაძე თუ მალხაზ ჟუჟუნაძე? ვინ ჩაიბარებს რეგიონს და რატომ ჭიანურდება სახელმწიფო რწმუნებულის დანიშვნა – თემით “მეცხრე არხი” დაინტერესდა.

ზამთრის მოახლოებასთან ერთად ახალქალაქის მუნიციპალიტეტში საშეშე მერქნით მომარაგება ერთ-ერთი მთავარი საკითხი გახდა. გაზიფიკაციის მიუხედავად, მოსახლეობის მნიშვნელოვანი ნაწილი კვლავ შეშით თბება, თუმცა ადგილობრივებს საშეშე მერქნის მომარაგება ჯერ არ დაუწყიათ. ახალქალაქის მუნიციპალიტეტში ტყეკაფებისათვის სპეციალურად ადგილებია გამოყოფილი.

უყურეთ, ყოველ ორშაბათს, 22:00 საათზე

ა.ო სამცხე–ჯავახეთის მედიაცენტრის პროექტი ,,ქალები ირჩევენ”-გადაცემის თემა: ქალი და ბიზნესი.

სასტუმრო „ლომსიას” მეპატრონეების მიერ მითვისებული ფართი თუ გაუგებრობა. რუსეთში მცხოვრები შალვა ჯეირანაშვილი სასტუმროს მფლობელებს 150 კვადრატული მეტრის ჩამორთმევაში ადანაშაულებს. ჯეირანაშვილი აცხადებს, რომ მას საკუთრების დამადასტურებელი ყველა დოკუმენტი აქვს. რა მოხდა სინამდვილეში? როგორ პასუხობენ ლომსიის წარმომადგენლები ბრალდებებს და რატომ დუმდა ამ დრომდე შალვა ჯეირანაშვილი?

ახალციხის მე–7 სკოლას მანდატურის სამსახური ესტუმრა. მათ სპეციალური საგანმანათლებლო საჭიროების მქონე ბავშვები მოინახულეს და სხვადასხვა სკოლის მოსწავლეების დახმარებით ღონისძიება გამართეს.

ახალციხის სახანძრო–სამაშველო სამსახურის თანამშრომლებს პოლონელი კოლეგები ტრენინგებს უტარებენ. მათ საჩუქრად ჰიდრავლიკური მაკრატლები ჩამოიტანეს და საგზაო კატასტროფების შემთხვევისას მათი გამოყენების შესახებ ადგილობრივებს ინსტრუქტაჟს აცნობენ. პროექტს საერთაშორისო ასოციაცია „კივიტას გეორგიკა” პოლონური საერთაშორისო დახმარების ცენტრთან პარტნიორობით საქართველოს ორ რეგიონში  სამცხე-ჯავახეთსა და გურიაში ახორციელებს. იგი სამაშველო და სასწრაფო სამედიცინო დახმარების სამსახურების თანამშრომელთა კვალიფიკაციის ამაღლებას, უნარჩვევების გამომუშავებას და კატასტროფების პრევენციას ითვალისწინებს. ტრენინგი 26 სექტემბერს დასრულდება, რომლის დროსაც ახალციხის სახანძრო სამაშველო სამსახურის თანამშრომლები თეორიულთან ერთად პრაქტიკულ სწავლებასაც გაივლიან.