„სახელმწიფო სამი ნული– რეფორმების ახალი ტალღა საქართველოში”– აღნიშნული პროექტისათვის, ახალციხის ახალგაზრდულ ცენტრში გასაუბრება ჩატარდა და მონაწილეები შეირჩნენ. ისინი პროექტს გაეცნენ და საკუთარ ფუნქციებშიც გაერკვნენ.  ინოვაციებისა და განვითარების ფონდის საერთაშორისო პროექტების მენეჯერის თქმით, პროგრამის მიზანია, ახალი თაობის ლიდერებში სახელმწიფო ცნობიერების ამაღლება, და მათი სამოქალაქო პროცესებში ჩართვა. გიგა გლუნჩაძის თქმით, შერჩეული კანდიდატების ვინაობა ცნობილი ახლო მომავალში გახდება. იანვრის თვიდან კი პროექტის აქტიურად განხორციელება დაიწყება.

მართლმადიდებლურმა  ეკლესიამ დღეს წმინდა დიდმოწამე ქალწულის, ბარბარეს ხსენების დღე  აღნიშნა. დღესასწაულთან დაკავშირებით  საღვთო ლიტურგია  საქართველოს ყველა მოქმედ ტაძარში შესრულდა.

   ახალციხის მუნიციპალიტეტის თემში ტესტირება მიმდინარეობს. გამგეობაში სახვადასხვა პოზიციების დასაკავებლად მსურველები გამოცდას, ახალციხის პირველ და მეხუთე საჯარო სკოლებში გადიან, რომელსაც გამოცდების ეროვნული ცენტრი ატარებს. მუნიციპალიტეტის თემში ტესტირების გავლა დღეს ათი საათიდან დაიწყო  და  ხვალ დასრულდება. პირველ ეტაპზე, ახალციხის მუნიციპალიტეტის გამგეობაში გამოცხადებულ 65 ვაკანსიაზე 765 განაცხადი შევიდა. ყველაზე დიდი მოთხოვნა საქმის წარმოებისა და კადრების საკითხებში სპეციალისტის, ასევე საორგანიზაციო განყოფილების უფროსის პოზიციაზეა. ცნობილია საკრებულოს აპარატში 5 თანამდებობაზე გამოცხადებულ ვაკანსიაზე შესულ განაცხადთა რაოდენობაც. წარმომადგენლობითი ორგანოს აპარატში პოზიციების დასაკავებლად 129 მსურველი იბრძოლებს.

     სამცხე–ჯავახეთის სახელმწიფო უნივერსიტეტს საქართველოს განათლებისა და მეცნიერების მინისტრი ესტუმრება. თამარ სანიკიძესთან ერთად სასწავლებელს ეწვევა “ათასწლეულის გამოწვევის ფონდის” საქართველოს აღმასრულებელი დირექტორი და სან დიეგოს სახელმწიფო უნივერსიტეტის საქართველოს დეკანი კენეთ ვოლში. სტუმრები სამცხე–ჯავახეთის უნივერსიტეტში სანდიეგოს უნივერსიტეტისა და საქართველოს თანამშრომლობის პროექტის შესახებ ერთობლივ პრეზენტაციას გამართავენ. შეხვედრა დღეს, 12 დეკემბერს, 12:00 საათზე სამცხე–ჯავახეთის სახელმწიფო უნივერსიტეტის სააქტო დარბაზში გაიმართება.

როგორი სასმელი წყალი მიეწოდება ადგილობრივებს?–ამასთან დაკაშირებით „მეცხრე არხი“–ს საინფორმაციო ჯგუფმა,  ახალციხეში  გამოკითხვა ჩაატარა. მოსახლეობის ნაწილმა აღნიშნა, რომ წყალი სასმელად უვარგისია  და  დაბინძურებული მოდის,   გარკვეულმა ჯგუფმა კი წყლის ხარისხი დადებითად შეაფასა უვარგისი, დაბინძურებული, ზედმეტად  ქლორიანი –ასე აფასებს ახალციხის მოსახლეობის გარკვეული ნაწილი სასმელ წყალს. მათი თქმით, ონკანის წყალი  სასმელად უვარგისია, რის  გამო მისი ყიდვა  უწევთ.  მოსახლეობის ნაწილი კი ფიქრობს, რომ წყალი ნორმალურია, თუმცა სითხეში ქლორის შემცველობა მაღალია.  

საბერძნეთი, ბრაზილია, სამხრეთ კორეა, გერმანია, ისრაელი, ირანი, სირია, ჩინეთი –ეს იმ ქვეყნების არასრული ჩამონათვალია, რომელთა დელეგატებმა მონაწილეობა გაეროს მოდელირებულ სხდომაში მიიღეს. იმიტირებული შეხვედრა არასამთავრობო ორგანიზაცია „დემოკრატ–მესხთა კავშირში” გაიმართა. 20–მდე ქვეყნის წარმომადგენელმა გენდერული უთანასწორობისა და მასთან დაკავშირებული პრობლემების შესახებ, საკუთარი სახელმწიფოს ხედვა ერთმანეთს გაუზიარა. შეხვედრა ,,ეროვნული ინტეგრაციის გაძლიერების“ პროექტის ფარგლებში განხორცილედა, იგი  საქართველოს გაეროს ასოციაციის  მიერ, usaid–ის ფინანსური მხარდაჭერით

სოფელ მოხეს სადავო ნაგებობის შემსწავლელი სპეციალური კომისია შექმნილია. მართლმადიდებელი და მუსლიმი მრევლის რამდენიმე დღიანი დაპირისპირების შემდეგ, მოხის ცენტრში მდებარე შენობის ისტორიულ კუთვნილებას 11 კაციანი ჯგუფი შეისწავლის. სოფელ მოხეს სადავო საკულტო ნაგებობის საკითხს სპეციალური კომისია შეისწავლის. ამის შესახებ ცნობილი რელიგიის საკითხთა სახელმწიფო სააგენტოს საკონსულტაციო შეხვედრის დასრულების შემდეგ გახდა. სპეციალური კომისია, რომელიც 2 დეკემბერს შეიქმნა 11 კაცით დაკომპლექტდება, რომელშიც სამი მუსლიმთა თემის, სამი საპატრიარქოს, ორი ძეგლთა დაცვის სამინისტროს, ხოლო თითო-თითო გამგეობის, გუბერნიისა და რელიგიის საკითხთა სააგენტოს წარმომადგენლები იქნებიან. კომისიას რელიგიის საკითხთა სააგენტოს თავმჯდომარე ზაზა ვაშაყმაძე უხელმძღვანელებს.

სკოლამდელი აღზრდის დაწესბეულება და  თაგვისგან დაბინძურებული პური, რომლითაც მცირეწლოვნები იკვებებიან– 26 ნოემბერს მომხდარ ფაქტზე  სურსათის ეროვნული სააგენტო ინსპექტირებას რამდენიმე დღეში მოახდენს. მანამდე  კი საბავშვო ბაღები  კვლავ იმავე ფურნეში გამომცხვარი პურით მარაგდება. ახალციხის #5–ე საბავშვო ბაღში, დილით პური კვლავ ინდმეწარმე ანდრანი მანუკიანის  საცხობიდან შეიტანეს. სკოლამდელი აღზრდის დაწესებულების მენეჯერი, რომელმაც 26 ნოემბერს საკვებ პურში თაგვისგან დატოვებული ანტისანიტარული ნარჩენი თავად ნახა, მიიჩნევს, რომ ფაქტის შემდეგ საცხობში თვითკონტროლი უნდა გამკაცრებულიყო. ნინო ბაღდოშვილი ამბობს, რომ პურის დაბინძურება  ფურნეში არსებულმა არაჰიგიენურმა პირობებმა გამოიწვია. მისივე თქმით, მსგავსი შემთხვევა ამ დრომდე ბაღში არ დაფიქსირებულა, თუმცა ფაქტის შესახებ საზოგადოების ინფორმირებულობა მნიშვნელოვანია, რადგან მომავალში აღარ განმეორდეს.

    საქართველოს განათლებისა და მეცნიერების სამინისტრომ დირექტორობის კანდიდატთა სია გამოაქვეყნა. უწყების ინფორმაციით, აღნიშნული კანდიდატები ასარჩევად სამეურვეო საბჭოებს წარედგინებათ. ახალციხის #1–ელი საჯარო სკოლა – ჟუჟუნა გოგოლაური; ახალციხის #2–ე საჯარო სკოლა – ბელა დიასამიძე; ახალციხის #5–ე საჯარო სკოლა – ინგა ვარდიძე; ახალციხის #6–ე საჯარო სკოლა გივი კაპანაძე და ქეთევან პარუნაშვილი; გარდა ამისა, სამინისტრომ ადიგენის, ასპინძის და ახალქალაქის  საგანმანათლებლო რესურსცენტრებს დაქვემდებარებულ საჯარო სკოლებში წარდგენილი კანდიდატების სიაც გამოაქყვეყნა. საქართველოს განათლებისა და მეცნიერების მინისტრის ბრძანება #1316, ბრძანება #1317 და ბრძანება# 1318 მიმდინარე წლის 26 ნოემბრით თარიღდება. ბრძანება შესაძლებელია გასაჩივრდეს გამოქვეყნებიდან ერთი თვის ვადაში თბილისის საქალაქო სასამართლოში.

ახალციხის მუნიციპალიტეტში ბრუცელოზის ახალი შემთხვევები დაფიქსირდა. ამის შესახებ, დღეს გამგეობის თათბირზე გახდა ცნობილი. ეკონომიკური განვითარებისა და ქონების მართვის სამსახურის უფორსის თქმით, მსხვილფეხა პირუტყვში დაავადების 10 შემთხვევა სოფლებში: წყალთბილასა და წყრუთში გამოვლინდა. გამგეობაში ამბობენ, რომ ამ დროისათვის თემის სხვა სოფლებში დაავადების შემთხვევები არ ფიქსირდება და არ არსებობს ბრუცელოზის გავრცელების საფრთხე ადამიანებში.

დაახლოებით 15 წუთის წინ, მანველიშვილის ქუჩის #20–ში მდებარე საცხოვრებელ სახლს ცეცლი წაეკიდა. ხანძრისგან შეობის სახურავი მთლიანად დაიწვა. ცეცხლი მოედო საცხოვრებლის გვერდით მდებარე სტომატოლოგიური კლინიკის სახურავსაც. ადგილზე მობილიზებულია სახანძრო სამსახურის რამდენიმე ბრიგადა. მანველიშვილის ქუჩაზე იმყოფებიან სამართალდამცველებიც.  ისინი ცეცხლის გაჩენის მიზზებზე ამ ეტაპზე ვერ საუბრობენ. შემთხვევას მსხვერპლი არ მოჰყოლია.

      ახალციხის მუნიციპალიტეტის სოფელ წნისში 55 წლამდე ასაკის მამაკაცი დაიკარგა. ოჯახის წევრების თქმით, იგი სახლიდან გუშინ, 31 ოქტომბერს, სოკოს საკრეფად გავიდა და აღარ დაბრუნებულა. დაკარგულს, ახალციხის სამაშველო სამსახური უკვე 24 საათია უშედეგოდ ეძებს. მაშველების განმარტებით, სამძებრო სამუშაოები, როგორც სოფელ წნისის ტერიტორიაზე, ასევე მდინარე მტკვარსა და მის ნაპირებზეც მიმდინარეობს. მათივე თქმით, მამაკაცი რამდენიმე დღით სახლიდან ადრეც გასულა, თუმცა იგი სახლში კვლავ ბრუნდებოდა.

ამ წუთებში, მუსლიმი მოსახლეობა სოფელ მოხეში არსებულ სადაო ნაგებობასთან დაკავშირებით, რელიგიის საკითხთა სახელმწიფო სააგენტოს თავმჯომარეს, ზაზა ვაშაყმაძეს ხვდება. შეხვედრა ადიგენის მუნიციპალიტეტის სოფელ ჭელაში მიმდინარეობს. სპეციალურად ამ დღისთვის, აჭარიდან მუსლიმი თემის წარმომადგენლებიც ჩამოვიდნენ. სამცხე–ჯავახეთის მუფთის მამუკა ვაშაყმაძის გამარტებით, შეხვედრაზე მხარეები შენობის მუსლიმი მხარისათვის გადაცემაზე, სამართალდამცავების პასუხისგების საკითხზე და შენობაში მიმდინარე სამშენებლო სამუშაოების შეჩერებაზე ისაუბრებენ.  თუ რა გადაწყვეტილებას მიიღებს ორივე მხარე, შეხვედრის დასრულების შემდეგ გახდება ცნობილი.

,,არა ძალადობას! არა ფემიციდს!“, ,,ნამდვილი მამაკაცი ქალზე არ ძალადობს“, ,,დავიცვათ სუსტი სქესი“, ,, ნუ დაჩაგრავ ქალს“, ,,ნულოვანი ტოლერანტობა მოძლადეს“–  მსგავსი ტრანსფარანტებით დღეს ახალციხის ცენტრალურ პარკში მდუმარე აქცია გაიმართა. მის მიზანს, ქალთა მიმართ გახშირებული ძლადობისა და ბოლო პერიოდში გაზრდილი ფემიციდის შემთხვევების დაგმობა წარმოადგენდა. აქციას ორგანიზება ახალციხის დემოკრატიულ ცენტრთან არსებულმა, საინიციატივო კლუბმა ,,მესხ ქალთა გაერთიანებამ“ გაუწია.

მუსლიმი მოსახლეობის აქცია არ შეწყვეტილა სამცხე–ჯავახეთის სამხარეო მთავრ სამმართველოსთან. ისინი უკვე მეორე ღამეა დაკავებული 14 მოქალაქის უპირობო გათავისუფლებასა და მოხეში არსებული შენობის მუსლიმური მხარისთვის გადაცემას მოითხოვენ. აქციის მონაწილეებთან ერთად მთელი დღის განმავლობაში იმყოფებოდა ხულოს მუფთი. დაკავებული პირების უფლებებს კი დღეიდან არასამთავრობო ორგანიზაცია საიას იურისტები დაიცავენ.

 სამცხე–ჯავახეთის სამხარეო მთავარ სამმართველოსთან შეკრებილ მოსახლეობას უფლებადამცველი თამაზ ბაკურიძე მიმართა. იგი აჭარიდან ცოტა ხნის წინ, მუსლიმი მოსახლეობის მხარდასაჭერად ჩამოვიდა. უფლებადამცველის თქმით, მოხეში განვითარებული მოვლენები მუსლიმი ხალხისათვის აუტანელი შეურაცხყოფაა და  საქართველოში ისლამის მიმდევართა შევიწროვება მიმდინარეობს: ,,ჩვენ ვართ ხალხი, რომლებსაც გვიყვარს ღმერთი და მიწა, მაგრამ საქართველოში არცერთს გვაძლევენ”– განაცხადა აქციის დროს თამაზ ბაკურიძემ. მისივე თქმით, ისლამის მიმდევრები აჭარაშიც იჩაგრებიან. როგორც უფლებადამცველი აცხადებს, უახლოეს მომავალში, მუსლიმი მოსახლეობა ანტიაჭარული პოლიტიკის წინააღმდეგ მოძარაობას დაიწყებს. ,,თქვენ გგონიათ აჭარაში უკეთესი მდგომარეობაა?! ფეხქვეშ ითელება აჭარლების ღირსება, ერთ დღეს ადგება მთელი აჭარა და ანტიაჭარული პოლიტიკის წინააღმდეგ სერიოზულ მოძრაობას დაიწყებს.”– განაცხადა თამაზ ბაკურიძემ. შეგახსენებთ, რომ სამცხე–ჯავახეთის სამხარეო მთავარ სამმართველოსთან ადიგენის მუნიციპალიტეტში მცხოვრები მუსლიმები, გუშინ 22 ოქტომბერს შეიკრიბნენ. დაკავებულთა გათავისუფლბის მოთხოვნით, მათი პროტესტი მთელი ღამის განმავლობაში მიმდინარეობდა.

მუსლიმი მრევლი, დღეს, 23 ოქტომბერს, ფაართომასშტაბიან საპროტესტო აქციას აანონსებს და  14 დაკავებული ახალგაზრდის  უპირობო გათავისუფლებას მოითხოვენ.

მოხეში მომხდარი დაპირისპირების შემდეგ, სოფლის ქრისტიანი მოსახლეობა სამცხე–ჯავახეთის გუბერნატორს შეხვდა. 15–მდე ადგილობრივის მთავრი მოთხოვნა, მოხეში არსებულ შენობაში ბიბილიოთეკის განთავსება იყო. მაცხოვრებლები ამბობენ, რომ შენობა სადავოა და იგი მუსლიმებს არ უნდა გადაეცეთ.  მოხის ქრისტიან მოსახლეობასთან შეხვედრისას მხარის გუბერნატორმა განმარტა, რომ შენობასთან დაკავშირებით, გადაწყვეტილება მიღებულია და იგი არ შეიცვლება.

  მუსლიმი მოსახლეობის აქცია სამცხე-ჯავახეთის მთავარ სამხარეო სამმართველოსთან გრძელდება. მოხეში დაკავებული 14 ადგილობრივის გათავისუფლების მოთხოვნით, სამცხე-ჯავახეთის მთავარ სამხარეო სამმართველოსთან შეკრებილ მოხის  მოსახლეობას, ხულოს მუნიციპალიტეტის მუფთიც შეუერთდა. გურამ, იგივე ასლან აბაშიძე აჭარიდან ახალციხეში ცოტა ხნის წინ ჩამოვიდა. ,, ეს 2014 წელს, მინარეთის ამბების შემდეგ,  უკვე მეორე ფაქტია. განსაკუთრებული ნადირობა მიმდინარეობს მუსლიმურ სამლოცველოებზე“– განაცხადა ,,მე–9 არხთან“ ხულოს მუფთმა. სასულიერო პირი ხელისუფლებასა და შესაბამის უწყებებს მსგვასი ქმედებებისაკენ  განსაკუთრებული ყურადღების გამოჩენასა და აღკვეთას მოითხოვს. შგახსენებთ, რომ შეგახსენებთ, რომ სოფელ მოხეში ინცინდენტი მას შემდეგ მოხდა, რაც სამართალდამცავებმა, ძველი მეჩეთის შენობას ცოცხალი ჯაჭვი შემოარტყეს, იმისათვის რომ ადგილზე მომუშავე მშენებლების უსაფრთხოება უზრუნველყოთ. მოხის ცენტრში საპროტესტო აქცია სიტყვიერ და ფიზიკურ დაპირისპირებაში გადაიზარდა, დაზიანდა პოლიციის ავტომანქანებიც.  რის შედეგადაც 14 მუსლიმი მოსახლე დააკავეს. გამოძიება ადმინისტრაციულ სამართალ დარღვევათა კოდექსის 166 და 173 მუხლებით და საქართველოს სისხლის სამართლის კოდექსის 353 მუხლის მეორე ნაწილით მიმდიანრეობს.