სამცხე-ჯავახეთში, 113 უბანზე არჩევნები ელექტრონული ტექნოლოგიებით ჩატარდება

არჩევნები

09.09.2024

საქართველოს პარლამენტის 2024 წლის 26 ოქტომბრის არჩევნებამდე 47 დღე დარჩა. არჩევნებში მონაწილე პოლიტიკური სუბიექტებისთვის, წინა საარჩევნო კამპანია ოფიციალურად უკვე დაწყებულია. კენჭისყრის დღისათვის ემზადებიან საოლქო საარჩევნო კომისიებიც.

26 ოქტომბერს სამცხე-ჯავახეთში სულ 188 უბანი გაიხსნება, აქედან 113 უბანზე ამომრჩეველი ხმას ახალი ტექნოლოგიებით მისცემს, დანარჩენ 75 უბანზე კი ტრადიციული წესით.

ოლქების მიხედვით კი ელექტრონული და ტრადიციული უბნების რაოდენობა სამცხე-ჯავახეთში ასე გადანაწილდა:

#36 ბორჯომის საოლქო საარჩევნო კომისია 24 უბანს გახსნის, მათგან 16-ზე ახალი ტექნოლოგიებით ჩატარდება არჩევნები, 8 კი ტრადიციულით;
#37 ახალციხის საოლქო საარჩევნო კომისია, ოლქში ჯამში 28 უბანს გახსნის, აქედან 26 უბანზე არჩევნები ელექტრონული წესით ჩატარდება, ორ უბანზე კი ტრადიციულით;
#38 ადიგენის საოლქო საარჩევნო კომისია 16 უბანს გაიხსნის, აქედან 15 ელექტრონულად ჩატარდება, 1 ტრადიციული წესით;
#39 ასპინძის საოლქო საარჩევნო კომისია სულ 23 უბანს გახსნის, საიდანაც 9 უბანზე ელექტრონული არჩევნები გაიმართება, 14 უბანზე ტრადიციული წესით;
#40 ახალქალაქის საოლქო საარჩევნო კომისია 62 უბანს გახსნის, აქედან 28 უბანზე ელექტრონული წესით იქნება, 34 ტრადიციული;
#41 ნინოწმინდის საოლქო საარჩევნო კომისია კი 35 უბანს გახსნის, აქედან ამომრჩეველი ახალი ტექნოლოგიებით 19 უბანზე მისცემს ხმას, ტრადიციულით კი 16 უბანზე.

საოლქო საარჩევნო კომისიები, ახალ ტექნოლოგიებთან დაკავშირებით, მოსახლეობის ინფორმირების მიზნით კამპანიასაც ატარებენ, რომლის ფარგლებშიც 11 სექტემბერს მთელი ქვეყნის მასშტაბით, შერჩეულ უბნებზე იმიტირებული კენჭისყრის პროცესი გაიმართება.