Մեկնարկել է Սամցխե-Ջավախեթիի երիտասարդների դրամաշնորհային մրցույթը

Լուրեր

28.03.2023

«Երիտասարդական ձեռներեցություն հանուն գյուղական զարգացման» RDYE ծրագիրը թիրախային համայնքներից 18-35 տարեկան երիտասարդներին հնարավորություն է տալիս զարգացնել ձեռնարկատիրական հմտություններն ու ստեղծել կայուն, նոր և/կամ գործող երիտասարդական ձեռնարկություն:

Գրանցումը հնարավոր է առցանց՝ վրացերեն, հայերեն և ադրբեջաներեն լեզուներով։ Գրանցման վերջնաժամկետը մարտի 31-ն է։

Երիտասարդական ձեռներեցությունը հանուն գյուղական զարգացման (RDYE) 3,5 տարվա ծրագիր է, որն իրականացվում է Mercy Corps Georgia-ի կողմից՝ Ավստրիական զարգացման համագործակցության (ADC) ֆինանսավորմամբ:

Ծրագրի աջակիցներն են Լիբերթի Բանկը և Սպորտի, զբոսաշրջության և երիտասարդության միջազգային հիմնադրամը։

RDYE ծրագրի թիրախային համայնքներն են.

Քվեմո Քարթլի Ռուսթավի, Մառնեուլի, Բոլնիսի, Գարդաբանի, Թեթրիծղարո, ԾալկաՍամցխե-Ջավախեթի Բորջոմի, Ասպինձա, Ադիգենի, Ախալցիխե, Ախալքալաք, Նինոծմինդա
Շիդա Քարթլի Գորի, Կարելի, Կասպի
Մցխեթա-Մթիանեթի Մցխեթա, Դուշեթի, Թիանեթի

Ծրագրի առաջին փուլը հաջողությամբ իրականացվեց, և 704 երիտասարդներ ստացան համապատասխան գիտելիքներ ձեռնարկությունների կառավարման և զարգացման ուղղությամբ։

RDYE ծրագրի երկրորդ փուլի շրջանակներում նախատեսվում է վերապատրաստել շուրջ 800 երիտասարդի։